Ymchwil>Academïau Byd-eang>Iechyd a Pherfformiad Dyno

Iechyd a Pherfformiad Dynol

Helpu unigolion i gael bod y gorau y gallan nhw fod a gwireddu eu potensial. Bydd yr Academi Fyd-eang hon yn dod â’i harbenigedd o ran lles, iechyd y cyhoedd, gwyddorau biofeddygol, arweinyddiaeth a rheoli, chwaraeon, gweithgaredd corfforol, hyfforddi a thechnoleg at ei gilydd i gael cymryd golwg cyfannol ar berfformiad dynol. O helpu unigolion i gael aros yn iach hyd at lwyddiant o safon byd mewn unrhyw faes, bydd yr Academi Fyd-eang hon yn canolbwyntio ar wella’r unigolyn er budd cymdeithas ac mae’n mynd i’r afael â Nodau Cynaliadwyedd y Cenhedloedd Unedig sy’n ymwneud â iechyd da a lles, gwaith teilwng a thwf economaidd, a dinasoedd a chymunedau cynaliadwy.

Iechyd a Pherfformiad Dyno Fideo

Y gwahaniaeth rydym yn ei wneud

Drwy yrru pobl, sefydliadau a syniadau ymlaen, mae’r Academi Fyd-eang Iechyd a Pherfformiad Dynol yn gwneud gwahaniaeth mewn amrywiaeth o leoliadau ar draws y byd ac yn lleol.

Sicrhau chwarae teg ar faes chwarae bywyd!

Dr Mikel Mellick, Seicolegydd Ymarferydd Cofrestredig, Prif Ddarlithydd mewn Iechyd Meddwl a Seicoleg Chwaraeon, CAWR (Canolfan Ymchwil ar gyfer Iechyd, Gweithgarwch a Lles), Prifysgol Metropolitan Caerdydd ac Ymddiriedolwr SOHK (School of Hard Knocks UK).

Yn y blog hwn, mae Dr Mellick yn esbonio ei waith gyda School of Hard Knocks a sut maent yn cael effaith gadarnhaol ar newid diwylliant ysgolion.

Darllenwch yma

Prosiect Arwyr CV19: Olrhain Lles Gweithwyr Rheng Flaen a Gweithwyr Allweddol yn y DU ac Iwerddon yn ystod ac yn sgil COVID-19

Wrth i Academïau Byd-eang Met Caerdydd barhau i dyfu, rydym yn dod â staff newydd mewn i gefnogi uchelgeisiau ymchwil cryf y Brifysgol. Yn ddiweddar, recriwtiodd yr Academi Fyd-eang Iechyd a Pherfformiad Dynol, dan arweiniad yr Athro Diane Crone, Dr Rachel Sumner fel Uwch Gymrawd Ymchwil.

Darllenwch yma

Gwella Iechyd drwy Weithgarwch Corfforol: Ennyn diddordeb menywod ifanc "anodd eu cyrraedd" yn y Cymoedd

Mae Ellyse Hopkins yn cwblhau PhD â chyllid KESS 2 mewn cydweithrediad ag Academi Gymnasteg y Cymoedd. Mae ei hymchwil yn canolbwyntio ar ennyn diddordeb menywod ifanc o gefndiroedd difreintiedig mewn gweithgarwch corfforol.

Darllenwch yma

Cwblhaodd Dr Robert Walker ei PhD a ariannwyd gan KESS mewn partneriaeth â Help for Heroes.

Gynnwys cyn-filwyr anafedig mewn ymarfer corff, gan ganolbwyntio ar yr elfennau ffisiolegol a seicolegol

Llwyddodd Dr Robert Walker i amddiffyn ei PhD ar 19 Ebrill 2021. Roedd ymchwil Rob yn canolbwyntio ar ymgysylltu â chyn-filwyr milwrol a anafwyd i fewn i ymarfer corff, cwblhawyd ei PhD mewn cydweithrediad â Help for Heroes.

“Mae Robert Walker, ein hysgolhaig KESS 2, yn gyn-filwr ei hun, felly llwyddodd i ennill ymddiriedaeth a pharch ein cydweithwyr partner Help for Heroes yn gyflym a darpar gyfranogwyr yn rhanbarth cydgyfeirio Cymru.”

Darllenwch yma

The COPE project leads: Dr. Rhiannon Phillips (PI) Cardiff Metropolitan University and Dr. Emma Thomas-Jones (Co-PI) Cardiff University

Astudiaeth o Brofiadau'r Cyhoedd yn D.U. yn ystod pandemig COVID-19

IYm mis Mawrth 2020, roedd pandemig y coronafeirws COVID-19 yn cynyddu yn y DU ac fe wnaeth ymchwilwyr seicoleg o Ysgol Chwaraeon a Gwyddorau Iechyd Caerdydd a Chanolfan Treialon Ymchwil Prifysgol Caerdydd ddylunio’n gyflym arolwg ar-lein i gael gwybod am brofiadau pobl sy’n byw yn y DU yn ystod y pandemig. Y prosiect hwn oedd un o’r cyntaf o’i fath yn y DU. Fe fu’r prosiect yn archwilio’r hyn oedd yn digwydd yn wirioneddol ymhlith y cyhoedd yn y DU ar ddechrau’r cyfyngiadau symud – â’r nod i ddeall beth oedd aelodau o’r cyhoedd yn meddwl, yn teimlo ac yn ei wneud yn ystod diwrnodau cynnar yr argyfwng a sut roedden nhw’n ymateb i gyfathrebiadau oddi wrth y llywodraeth a’r gwasanaethau iechyd.

Darllenwch ragor

Dr Craig Ranson and Dr Isabel Moore

Atal a rheoli anafiadau i’r pen mewn criced a rygbi

Ers 2013, mae Dr Isabel Moore Prifysgol Metropolitan Caerdydd a Dr Craig Ranson o Sefydliad Chwaraeon Lloegr (EIS) wedi cydweithredu ar ymchwil i broblemau anafiadau mewn criced a rygbi undeb, yn genedlaethol ac yn rhyngwladol. Gyda chyllid oddi wrth Fwrdd Criced Cymru a Lloegr (ECB), y Cyngor Criced Rhyngwladol (ICC), Undeb Rygbi Cymru (WRU), World Rugby a Chynghrair Rygbi Undeb PRO14 Guinness, mae eu hymchwil wedi hwyluso newidiadau mewn offer amddiffynnol a chwyldroi rheoli’r risg o anafiadau mewn chwaraeon tîm.

Darllenwch ragor

Foot Screening of patients.

Sgrinio traed ar gyfer cleifion â diabetes ym Mauritius

Mae gan Mauritius un o’r lefelau uchaf o ddiabetes yn y byd, gyda 29 y cant o’r holl farwolaethau yn gysylltiedig â Diabetes Melitws Math 1 (2017 World Health Rankings). Mae hyn yn arwain at bron i 500 o drychiadau troed y flwyddyn.

Sefydlodd Dr Jane Lewis raglen systematig gyntaf Mauritius o Sgrinio Briwiau Traed Diabetig yn 2014. Mae’r rhaglen yn helpu i nodi clefyd traed diabetig yn gynnar cyn briwio, ffactor hanfodol am mai briwiau diabetig yw cam cyntaf cyfres o ddigwyddiadau sy’n arwain yn aml at drychiadau mawr a/neu farwolaeth gynnar. Rhwng 2016-2018, cafodd 176,341 o bobl ym Mauritius eu sgrinio drwy’r rhaglen a ddechreuwyd gan Lewis, a nododd gam hollbwysig wrth ddelio â mater iechyd cenedlaethol o bwys.

Gallwch chi ddarllen mwy am ymchwil Dr Jane Lewis yma.

Cardiac health and disease in chimpanzees.

Prosiect ymchwil Met Caerdydd yn rhoi mewnwelediad i iechyd calonnau tsimpansïaid

Mae’r ymchwil a wnaed gan Met Caerdydd wedi rhoi mewnwelediad i glefydau ac iechyd calonnau tsimpansïaid, yn ogystal ag wedi amlygu’r tebygrwydd rhwng calonnau pobl a chalonnau primatiaid.

Mae IPHP (Prosiect Calonnau Primatiaid Rhyngwladol) yn brosiect cydweithredol rhwng ymarferwyr milfeddygol, ffisiolegwyr y galon a chardiolegwyr. Cafodd ei sefydlu er mwyn deall yn well pam mae clefydau’r galon yn cyfrannu gymaint i farwolaethau ymhlith epaod mawr.

Fatigue in football.

Blinder mawr a'r arwyneb chwarae mewn pêl-droed

Fe gomisiynodd FIFA dîm o ymchwilwyr o Ysgol Chwaraeon a Gwyddorau Iechyd Caerdydd i ymchwilio i a yw blinder mawr sy’n datblygu wrth chwarae pêl-droed yn wahanol ar gaeau gwair a rhai atiffisial.

Darllenwch ragor

Defnyddio Deallusrwydd Artiffisial i Ddiagnosis ‘Clust Glud’ mewn Plant

Fei Zhao, Athro mewn Awdioleg Gwyddor Clyw, Canolfan Therapi Iaith a Lleferydd a Gwyddor Clyw, Ysgol Chwaraeon a Gwyddorau Iechyd Caerdydd, Prifysgol Metropolitan Caerdydd. Mae wedi ennill Gwobr Deallusrwydd Artiffisial mewn Iechyd a Gofal, trwy’r Sefydliad Cenedlaethol ar gyfer Ymchwil Iechyd (NIHR), Gwobr Seilwaith Gwella Cystadleurwydd Sêr Cymru III (MA/KW/5554/19), Sefydliad Sasakawa Prydain Fawr (5826), Caerdydd Gwobr Arloesedd Ymchwil y Brifysgol Fetropolitan a Chronfa Datblygu Ymchwil ac Arloesedd yr Academïau Byd-eang, Cronfa Effaith Arloesedd Ymchwil Prifysgol Metropolitan Caerdydd.

Darllenwch ragor

Amdanom ni

Pwy ydym ni

Rydym yn Academi draws-ddisgyblaethol sy’n canolbwyntio ar gwrdd â’r heriau byd-eang sy’n gysylltiedig â sicrhau’r perfformiad gorau posib yn ogystal ag iechyd pobl. Mae ein gwaith arloesol wedi’i drefnu o gylch ein hysgolion bywiog sydd â’u ffocws ar ymarfer a’n canolfannau a’n grwpiau aml-ddisgyblaethol, megis y Ganolfan Menter ac Arweinyddiaeth Greadigol, Canolfan Iechyd, Diogelwch a’r Amgylchedd, a’n canolfan CHAWR newydd (Canolfan Ymchwil Ymarfer, Iechyd, Gweithgaredd a Lles). Mae ein Academi Fyd-eang yn ofod rhithiol a fydd yn dod â’n gwaith o’r meysydd hyn at ei gilydd gydag amrywiaeth o weithgareddau i gael cefnogi ymchwil rhyngddisgyblaethol, arloesol a rhyngwladol yn sail iddo.

Beth rydym yn ei wneud

Mae’r Academi Fyd-eang hon yn arddangos ac yn cefnogi’r ymchwil, y dysgu a’r rhwydweithiau a fydd yn ymwneud â Iechyd a Pherfformiad Dynol. Bydd timau aml-ddisgyblaethol yn dod â diddordebau ymchwil gwahanol at ei gilydd i adeiladu a chynnal byd mwy iach, o fod â meddyliau a chyrff iachach, uchel eu perfformiad, hyd at fusnesau, dinasoedd a chymunedau gwell. Yn sail i’r ymchwil yn yr Academi Fyd-eang hon mae 3 Nod Datblygu Cynaliadwy y Cenhedloedd Unedig: ymrwymiad i sicrhau iechydda a lles, gwaith teilwng a thwf eceonomaidd, a dinasoedd a chymunedaucynaliadwy.

Mae ymchwil yr Academi Fyd-eang hon yn canolbwyntio ar sicrhau bywydau iach a hyrwyddo lles ym mhob cyfnod oes. Ymhlith enghreifftiau o’n gwaith mae ymchwil i seicoleg iechyd ar sut mae’r cyhoedd yn y DU yn profi ac yn adweithio i bandemig y coronafeirws COVID-19, ymchwil ar sut i ddylunio orau raglenni ymarfer a fydd yn cyfateb i nodweddion y cyfranogwyr, a gwaith â’r nod o wella effeithlonrwydd a rheoli gwastraff mewn sefydliadau mawr a chymhleth. Yn ogystal bydd ymchwil yr Academi Fyd-eang hon yn archwilio ffyrdd i gael gwneud dinasoedd a chymunedau yn gynhwysol, yn ddiogel, wedi’u cysylltu, yn gynaliadwy ac yn llewyrchus, felly’n galluogi mannau i gefnogi iechyd a lles pobl a chymunedau yng Nghymru a thu hwnt. I gael rhagor o enghreifftiau, gweler y tab ‘y gwahaniaeth rydym yn ei wneud’.

Gallwch ymuno â’r Academi Fyd-eang hon a’n cymuned ym Met Caerdydd drwy unrhyw un o’r rhaglenni a restrir yn yr adran ‘Astudio gyda ni’ neu, ar gyfer cydweithrediad ymchwil neu arloesedd posib, cysylltwch â Swyddog Ymchwil ac Arloesedd ein Academïau Fyd-eang.

Pam rydym yn ei wneud

Drwy ddod â’n cryfderau at ei gilydd i gael canolbwyntio ar ymdrin â rai o’r heriau byd-eang mwyaf difrifol, rydym yn gallu gwella’n heffaith yn y gymdeithas a chyflawni’n pwrpas, sef cyflawni addysg, ymchwil ac arloesedd uchel eu hansawdd a’u heffaith a fydd yn canolbwyntio ar ymarfer ac a fydd yn gydnabyddedig yn broffesiynol, mewn partneriaeth â’n myfyrwyr a diwydiant.

Cysylltu a ni

Yr Athro Diane Crone, Pennaeth yr Academi Fyd-eang Iechyd a Pherfformiad Dynol
dmcrone@cardiffmet.ac.uk

Tara Cater, Swyddog Ymchwil ac Arloesedd yr Academïau Byd-eang
TICater@cardiffmet.ac.uk

Grwpiau a chanolfannau ymchwil

Yn y mannau lle y bydd disgyblaethau’n croestorri y bydd syniadau newydd yn datblygu ac y bydd ymchwil arloesol yn digwydd. Caiff ein gwaith o’r radd flaenaf ei drefnu o gylch canolfannau rhagoriaeth aml-ddisgyblaethol. Mynnwch wybod mwy am ein canolfannau a’n grwpiau drwy’r dolenni hyn:

Y Ganolfan Menter ac Arweinyddiaeth Greadigol

Seicoleg Gymhwysol a Newid Ymddygiad

Pathoffisioleg a Heneiddedd Cellog

Grŵp Llid a Metabolaeth Gardiofasgwlar

Grŵp Ffisioleg Gardiofasgwlar

Hwb Strôc Cymru

Mircobioleg a Heintiau

Grŵp Iechyd Galwedigaethol, Iechyd Amgylcheddol ac Iechyd y Cyhoedd

Y Ganolfan Iechyd, Diolgelwch a'r Amgylchedd

Lleferydd, Cywed a Chyfathrebu

Dylunio Llawfeddygol a phrosthetig

Y Ganolfan Dysgu yn yr Awyr Agored

Canolfan Llif Gwerth

Y Ganolfan Hyfforddi'r Saesneg (ELTC)

Cyigll

Dadansoddi Perfformiad Chwaraeon

Research in Student Experience (RISE)

Reflexology

Grŵp Ymchwil a Menter Cymunedau Bwriadol

Grŵp Ymchwil Seicoleg Wybyddol

Grŵp Ymchwil Seicoleg Iechyd

Grŵp Ymchwil Seicoleg Fforensig

Grŵp Ymchwil Iechyd Cyhoeddus yr Amgylchedd

Grŵp Ymchwil Podiatreg

Gwyddor Gymhwysol Anafiadau

Qualitative Research & Social Theory

Datblygiad Corffol Ieuenctid

Chwaraeon Perfformiad Uchel

Athroniaeth a Moeseg mewn Chwaraeon

Hyfforddi Chwaraeon

Seiclog Chwaraeon ac Ymarfer Corff

Addysg Iechy Corfforol ar Gyfer Dysgu Gydol Oes

Rheoli a Datblygu Chwaraeon

Iechyd Meddwl a Llesiant mewn Amgylchedda Anodd

Research into Masculinities

Astudio gyda ni

Explore our interdisciplinary post-graduate study and career development opportunities

Cydweithio a ni

Canolfan Menter ac Arweinyddiaeth Greadigol

Sefydlwyd y Ganolfan Arweinyddiaeth a Menter Greadigol (CLEC) yn Ysgol Reoli Caerdydd ym mis Mai 2007. Mae'n cynnig hyfforddiant arweinyddiaeth o'r radd flaenaf i arweinwyr sefydliadau'r sector preifat a'r sector cyhoeddus yn y dyfodol.

Mae hefyd yn cynnal prosiectau ymchwil ar fenterau lleol a busnesau bach a chanolig. Y ddwy raglen flaenllaw y mae'n eu cynnig yw: Rhaglen Arweinyddiaeth 20Twenty (Sector Preifat – Trydydd Sector Busnesau Bach a Chanolig Corfforaethol ac Adeiladu) ac Arweinyddiaeth ar gyfer Cydweithio (Sector Cyhoeddus).

Am fwy o wybodaeth amdano CLEC cliciwch yma

Gwasanaethau Ymchwil ac Arloesi

Mae Prifysgol Metropolitan Caerdydd yn cydnabod pwysigrwydd cydweithio ac yn annog ei staff i gymryd rhan mewn prosiectau sydd o fudd i gymunedau lleol, cenedlaethol a rhyngwladol. Gyda phrofiad o reoli prosiectau bach a mawr, mae gan Met Caerdydd hanes cryf o gyflawni canlyniadau arloesol, sy'n cyflenwi buddion cymdeithasol ac economaidd.

Mae ein gwybodaeth a'n harbenigedd yn ymestyn ar draws llawer o ddiwydiannau amrywiol, o weithgynhyrchu i wasanaethau sy'n cwmpasu dylunio, chwaraeon, twristiaeth, rheolaeth, addysg ac iechyd.

Am fwy o wybodaeth am y nifer o ffyrdd y gellech chi cydweithio gyda ni cliciwch yma.

Ein Grwpiau a'n Canolfannau Ymchwil

Mae cyfleoedd i gydweithio a'n holl Grwpiau a Chanolfannau Ymchwil. Mae mwy o wybodaeth am bob un o'r rhain a'u gwybodaeth gyswllt i'w gweld yn y gwymplen uchod ac ar dudalennau eraill yr Academi Fyd-eang.