Dylunio sy'n Canolbwyntio ar Bobl

The Next Generation of Disinfection Robots

Global Academies’ Santander Fellow, Dr Esyin Chew’s research explores the use of robotics to combat highly contagious diseases in global healthcare, hospitality, and education environments.

Darllenwch yma

Robotiaid Diheintio'r Genhedlaeth Nesaf

Mae ymchwil Dr Esyin Chew, Cymrawd Santander yr Academïau Byd-eang, yn astudio’r defnydd o roboteg i frwydro yn erbyn clefydau hynod heintus mewn amgylcheddau gofal iechyd, lletygarwch ac addysg.&

Darllenwch yma

Ecosystemau Dylunio Rhyngwladol: Sut mae ymchwil Met Caerdydd wedi gwella cystadleurwydd BBaCh

​Cydnabyddir Canolfan Ryngwladol ar gyfer Dylunio ac Ymchwil (PDR) Met Caerdydd am ei hymchwil i’r ffyrdd y gall dylunio wella bywydau bob dydd pobl a sut, er enghraifft, y gall llywodraethau a llunwyr polisïau newid y ffordd y maen nhw’n datblygu polisïau er lles pawb.

Darllenwch yma

Democratiaeth wedi'i chynllunio'n dda: Defnyddio Dylunio i Ailfeddwl Sefydliadau Democrataidd a Llywodraethu

Mae ein Cymrawd Santander #GlobalAcademies, Piotr Swiatek yn ymchwilio gan ddefnyddio dylunio i ailfeddwl sefydliadau democrataidd a llywodraethu. Dysgwch fwy am ei ymchwil cyffrous yma 

Dylunio ar gyfer dementia

Grŵp amlddisgyblaeth o ymchwilwyr yw tîm CARIAD (Y Ganolfan dros Ymchwil Gymhwysol mewn Celf a Dylunio Cynhwysol) o’r holl ysgolion ym Mhrifysgol Metropolitan Caerdydd sy’n ymchwilio i ddyluniad cynhyrchion a gwasanaethau i bobl sy’n byw gyda dementia datblygedig. Mae eu hymchwil wedi dylanwadu ar arferion gofal, meithrin ymwybyddiaeth o ddementia, cynnig canllawiau i’r diwydiant dylunio ac ysgogi busnes yn y Deyrnas Unedig ac yn fyd-eang.

Darllenwch ragor

Mae Labordy Roboteg EUREKA Ysgol Decholegau Caerdydd yn Peilota Profion Newydd am y COVID-19 (Coronafeirws) mewn meddygfa Meddyg Teulu

Mae academyddion yn Labordy Roboteg Eureka ym Met Caerdydd yn ymuno yn yr ymdrech i arafu lledaeniad Covid-19 (coronafeirws) drwy ddefnyddio’r dechnoleg roboteg ddiweddaraf i beilota system a fydd yn adnabod symptomau’r feirws. Bydd y tîm roboteg, sy’n gweithio yn Ysgol Dechnolegau y Brifysgol, yn defnyddio tri robot Canbot U03S i helpu meddygon teulu ar y llinell flaen.

Darllenwch ragor

Ymchwilwyr PDR yn ail-ddylunio’r ‘profiad fajitas’ ar gyfer Las Iguanas

Mae’r Ganolfan Ryngwladol dros Ddylunio ac Ymchwil (PDR) yn sefydliad ymchwil dylunio ac arloesi wedi ei seilio ym Mhrifysgol Metropolitan Caerdydd. Daeth y gadwyn o fwytai anffurfiol â thema Ladin-Americanaidd, Las Iguanas, at PDR gan ofyn iddyn nhw ail-ddylunio a gwella eu ‘profiad fajitas’. Fajitas yw’r saig fwyaf poblogaidd sy’n cael ei gweini ym mwytai Las Iguanas a thasg PDR oedd gwella gweini a chyflwyno’r saig hon ar gyfer staff a bwytawyr.

Gallwch chi weld ailddyluniad terfynol y cynnyrch a dilyn hynt ailwampio’r ‘profiad fajitas’ yma, gan edrych ar sut datblygodd ymchwilwyr PDR stac fajitas newydd trwy ymweliadau â’r bwytai, treulio amser ochr yn ochr â’r staff a phrofi cyflwyniad y bwyd ei hun.

Y Llyfrgell Deunyddiau

Mae Prifysgol Metropolitan Caerdydd yn gartref i FAB-Cre8 - grŵp ymchwil ac arloesi amlddisgyblaeth wedi ei leoli yn Ysgol Celf a Dylunio Caerdydd. Mae FAB-Cre8 yn cael ei hybu gan ddiddordeb mewn technolegau sy’n dod i’r amlwg ac yn dod ag academyddion ynghyd o bob rhan o’r brifysgol sy’n ymwneud ag ystod o brosiectau ymchwil. Maent yn gweithio gyda phrosesau saernïo digidol, cyfrifiaduro ffisegol, y ‘Rhyngrwyd Pethau’ a chymhwyso ymchwilio i ddeunyddiau i ystod eang o gyd-destunau celf a dylunio.

Darllenwch ragor

Rhannu Arferion Addysg Agored gan Ddefnyddio Technoleg ar gyfer Addysg Uwch - SHOUT4HE

Mae tystiolaeth ddiweddar yn awgrymu nad yw technolegau digidol bob amser yn cael eu dylunio’n effeithiol ar gyfer addysgu, dysgu ac ymholi creadigol mewn amgylcheddau addysg uwch. Mae’r Athro Gary Beauchamp, Dr Cheryl Ellis, Nick Young a chynorthwyydd ymchwil prosiect a myfyriwr PhD Sammy Chapman wrthi’n arwain prosiect SHOUT4HE sy’n cael ei ariannu dan Erasmus+, gan ddylunio adnoddau addysgol agored ar addysgu’n effeithiol gyda thechnoleg ar draws ystod eang o ddisgyblaethau yn y maes. Cred y tîm mai’r ffordd orau o ymdrin â sgiliau addysgu AU yw trwy gydweithredu a chydweithio rhyngwladol rhwng Sefydliadau Addysg Uwch er mwyn datblygu arfer gorau ac arloesi. Mae gan y prosiect bum prifysgol yn bartneriaid mewn pedair gwlad: Prifysgol Limerick (Iwerddon), Prifysgol Nice a Phrifysgol Bordeaux (Ffrainc), a Gwlad Belg (PXL Prifysgol Gwyddorau Cymhwysol a Chelfyddydau).

Darllenwch ragor

Pecyn Trawma Met Caerdydd

Dyluniwyd a datblygwyd pecyn trawma achub bywyd, cludadwy a chost isel i drin dioddefwyr gwrthdrawiadau traffig ar ochr y ffordd mewn gwledydd sy'n datblygu gan Academyddion yn Ysgol Gelf a Dylunio Met Caerdydd, ar y cyd â'r Athro Judith Hall o Prifysgol Caerdydd, a meddygon o GIG Cymru.

Dyluniwyd y pecyn Trawma yn y fath fodd fel bod arbenigwyr anfeddygol, megis swyddfeydd heddlu, sifiliaid a swyddogion traffig ffordd yn gallu defnyddio'r cit yn reddfol, gan helpu i 'drin' y dioddefwr ar ochr y ffordd wrth iddynt aros am gymorth meddygol arbenigol . Bellach yn cael ei gynhyrchu gan bartner masnachol, BCB International, canmolwyd y gwaith hwn yn fawr yng Ngwobrau Gofal Iechyd Rhyngwladol Arbenigedd Prydain (2018). Mae defnydd o'r cit hefyd yn cael ei archwilio i leddfu trychinebau, a digwyddiadau arwyddocaol eraill.

Darllenwch ragor