Mae Deddf Llesiant Cenedlaethau’r Dyfodol (Cymru) yn galw ar
gymunedau i roi blaenoriaeth i lesiant, cynaladwyedd a mynediad i fannau
gwyrdd. Ymatebodd tîm prosiect o Ysgol Addysg a Pholisi Cymdeithasol Caerdydd
(CSESP) ym Mhrifysgol Metropolitan Caerdydd i’r angen iechyd cenedlaethol hwn
drwy gydweithredu’n agos ag ysgolion cynradd rhanbarthol i gefnogi ysgolion a
rhieni i wella llesiant plant. Roedd yr Ap iValue U Wellbeing yn ganlyniad
partneriaeth arloesol am flwyddyn rhwng tîm CSESP Prifysgol Metropolitan
Caerdydd ac ysgolion Cynradd ledled De Cymru.
Cafodd y prosiect, a ariannwyd
gan Gyngor Cyllido Addysg Uwch Cymru, ei greu gan y Darlithwyr Nick Young,
Dylan Adams, a Lisa Fenn a oedd yn poeni am yr amser cynyddol o flaen sgrin
ymhlith plant ifanc, ac ymchwil a awgrymodd fod pobl ifancyng Nghymru yn
teimlo’n ddatgysylltiedig yn emosiynol rhag natur.
Cafodd yr ap ei ddylunio mewn cydweithrediad â disgyblion o
Ysgolion Cynradd Blaen-y-cwm, Maes yr Haul, Calon y Cymoedd a Deighton dan
arweiniad myfyrwyr Addysg Gynradd Blwyddyn 2 ym Mhrifysgol Metropolitan
Caerdydd. Drwy gydol y prosiect, cymerodd y disgyblion ran mewn gwahanol
ddosbarthiadau llesiant gyda’u cyd-ddisgyblion, fel ioga, ymwybyddiaeth
ofalgar, gweithgareddau myfyrio amlsynhwyraidd,
bibliotherapi, dawns ac addysgeg awyr agored. Hefyd cafodd staff ysgolion a
rheini eu cynghori ar sut allai dulliau ymwybyddiaeth ofalgar gael eu
hymgorffori mewn addysgu yn ogystal â bywyd bob dydd. Teimlai athrawon fod
cymryd rhan yn y dosbarthiadau ymwybyddiaeth ofalgar hyn wedi cael effaith
gadarnhaol ar fywydau disgyblion. Hefyd defnyddiodd disgyblion y strategaethau
ymdopi iach a ddysgant drwy’r rhaglen i gefnogi plant eraill.
Mae’r Ap iValue U Wellbeing ar gael i’w
lawrlwytho o’r App Store. Mae’r Ap yn adnodd rhagorol am strategaethau llesiant
meddyliol a chorfforol pobl ifanc, rhieni ac athrawon. Gallwch chi ddarllen mwy
am y prosiect hwn yma a gwylio fideo am ddatblygiad a dyluniad yr Ap
iValue U Wellbeing yma.