Siarter Myfyrwyr 2024/2025

Mae’r Brifysgol yn ymrwymo i:

• Sicrhau safonau uchel o ran darparu rhaglenni gan ddefnyddio dulliau arloesol o ddysgu ac addysgu sy’n cefnogi uchelgeisiadau’r myfyrwyr a chanlyniadau cydnabyddedig i raddedigion.
• Darparu amrywiaeth o adnoddau dysgu a mannau dysgu priodol a hygyrch.
• Darparu gwybodaeth glir am raglenni a modiwlau, gan gynnwys amserlen ar gyfer asesiadau.
• Sicrhau mynediad i ystod o wasanaethau cymorth ar y campws ac ar-lein a staff i gynorthwyo myfyrwyr gyda’u hanghenion dysgu.
• Darparu adborth ar asesiadau a gweithgareddau dysgu o fewn 20 diwrnod gwaith.
• Gwneud addasiadau rhesymol i brosesau dysgu ac asesu ar gyfer myfyrwyr unigol lle bo hynny’n briodol, yn unol â Deddf Cydraddoldeb 2010.
• Gweithio’n agos gyda’r Coleg Cymraeg Cenedlaethol a darparu gwybodaeth glir am gyfleoedd i fyfyrwyr astudio a chael eu hasesu drwy gyfrwng y Gymraeg.
• Sicrhau bod rheoliadau a gweithdrefnau academaidd a nodir yn y Llawlyfr Academaidd yn dryloyw ac yn cael eu cymhwyso’n deg i’r holl fyfyrwyr.
• Darparu parhad dysgu a sicrhau bod myfyrwyr yn dal i allu ymgysylltu ag asesiadau os bydd aflonyddwch allanol yn tarfu ar eu hastudiaethau.
• Adolygu ei darpariaeth yn barhaus er mwyn gwella ansawdd a safonau.

Mae Undeb y Myfyrwyr yn ymrwymo i:

• Hyrwyddo dulliau o ennyn diddordeb myfyrwyr.
• Gweithio gyda’r Brifysgol i ddatblygu deialog agored, adeiladol a pharhaus rhwng myfyrwyr a staff, ac ymhlith myfyrwyr.
• Cynnal etholiadau democrataidd i benodi arweinwyr myfyrwyr sy’n hyrwyddo hawliau myfyrwyr a sicrhau partneriaeth gref ac effeithiol gyda’r Brifysgol.

Mae’r myfyrwyr yn ymrwymo i:

• Fod yn llawn cymhelliant ac yn barod i ymgysylltu â’r rhaglen o’u dewis.
• Cyflwyno gwaith wedi’i asesu erbyn y terfyn amser gofynnol.
• Ystyried a myfyrio ar eu hymchwil a’u hadborth eu hunain a dderbyniwyd gan staff academaidd.
• Gwneud defnydd llawn o’r dysgu, y gefnogaeth a’r adnoddau a ddarperir.
• Cymryd perchnogaeth o astudio annibynnol y tu allan i weithgaredd dysgu wedi’i amserlennu.
• Dilyn rheoliadau a gweithdrefnau academaidd y Brifysgol, gan gynnwys y rhai sy’n ymwneud â chyflwyno asesiadau a chamymddwyn academaidd.

Mae’r Brifysgol yn ymrwymo i:

• Ddarparu cyfleoedd i godi, gwrando arno ac ymateb i lais y myfyrwyr.
• Cefnogi cyfranogiad effeithiol mewn datblygu, adolygu a gwerthuso rhaglenni.
• Sicrhau bod myfyrwyr yn gwybod ble i fynd os nad yw’r Brifysgol yn bodloni’r safonau gofynnol.
• Rheoli gweithdrefn Cwynion a Apeliadau Academaidd glir, sy’n cadw at ofynion Swyddfa’r Dyfarnwr Annibynnol (OIA).

Mae Undeb y Myfyrwyr yn ymrwymo i:

• Weithio ochr yn ochr â’r Brifysgol i ddiffinio a hyrwyddo ystod o ddulliau i ymgysylltu, gwerthuso a gwella cyfleoedd i godi, gwrando ac ymateb i lais y myfyrwyr.
• Hwyluso system gynrychioliadol, wedi’i gwreiddio ar bob lefel o’r Brifysgol i sicrhau bod materion a syniadau myfyrwyr, gan gynnwys myfyrwyr cyfrwng Cymraeg, yn cael eu codi’n brydlon a bod y ddolen adborth wedi’i chau.
• Darparu cefnogaeth a chynrychiolaeth i fyfyrwyr unigol a grwpiau o fyfyrwyr sy’n destun gweithdrefnau’r Brifysgol pan ofynnir amdanynt.

Mae’r myfyrwyr yn ymrwymo i:

• Gymryd rhan mewn prosesau sydd wedi’u cynllunio i gael adborth gan fyfyrwyr a graddedigion.

Mae’r Brifysgol yn ymrwymo i:

• Gyflawni ei chyfrifoldebau statudol o ran cydraddoldeb a diogelu i ddarparu amgylchedd dysgu diogel, gan gynnwys dulliau mwy diogel o ddelio â hunanladdiad.
• Sicrhau bod llwybrau clir ac ymatebol i fyfyrwyr geisio cymorth ar gyfer eu lles a’u hiechyd meddwl sy’n cynnwys dysgu’r broses hunanasesu ‘StepChange’.
• Sicrhau bod polisïau’r Brifysgol yn adlewyrchu gwaith parhaus i fynd i’r afael â thrais yn erbyn menywod, cam-drin domestig a thrais rhywiol.
• Traddodi amrywiaeth o wasanaethau ymroddedig sy’n gwella profiad myfyrwyr, gan sicrhau eu bod yn hygyrch i’r myfyrwyr hynny sydd angen cymorth ychwanegol.
• Rhoi gwybodaeth am ble y gall myfyrwyr gael mynediad at gefnogaeth ariannol.
• Darparu mynediad at wasanaethau cymorth Cymraeg gan gynnwys cwnsela, tiwtoriaid academaidd personol a cheisiadau am gymorth ariannol.
• Darparu gwasanaethau cymorth arbenigol i fyfyrwyr rhyngwladol er mwyn eu helpu i bontio’n esmwyth i Addysg Uwch y DU, ynghyd â chyngor ymarferol a chefnogaeth i addasu i ddiwylliant, prosesau a gweithdrefnau Prydain.

Mae Undeb y Myfyrwyr yn ymrwymo i:

• Gynnal ymgyrchoedd a digwyddiadau perthnasol a defnyddiol drwy gydol cylch bywyd y myfyrwyr.
• Cynhyrchu datganiad Ymrwymiad Amrywiaeth a Chynhwysiant blynyddol a fydd yn amlinellu meysydd ffocws i hyrwyddo cynhwysiant ar gyfer y flwyddyn academaidd sydd i ddod.
• Darparu cymorth fugeiliol i fyfyrwyr, gan gynnwys cyfeirio at wasanaethau proffesiynol.

Mae’r myfyrwyr yn ymrwymo i:

• Ymgysylltu’n weithredol â’u Tiwtor Academaidd Personol a mynychu apwyntiadau a drefnwyd.
• Cadw at holl bolisïau a gweithdrefnau’r Brifysgol a dilynwch yr egwyddorion a nodir yn y Cod Ymddygiad Myfyrwyr.
• Bod yn gyfrifol am ddatgelu ac adrodd am honiadau o gamymddwyn a cham-drin rhywiol.
• Cydnabod pan fydd amgylchiadau’n effeithio ar eu hiechyd a’u lles a gofyn am gymorth amserol gan y gwasanaeth cymorth priodol.

Mae’r Brifysgol yn ymrwymo i:

• Gefnogi profiad dysgu’r myfyrwyr drwy ddarparu adnoddau a gwybodaeth ddigidol hygyrch o ansawdd uchel.
• Sicrhau bod myfyrwyr yn cael y wybodaeth ddiweddaraf am drwy lwyfannau digidol.
• Cyfathrebu â myfyrwyr yn eu dewis iaith (Cymraeg, Saesneg, neu Ddwyieithog).
• Cydnabod gohebiaeth gan fyfyrwyr mewn modd amserol.
• Cydymffurfio â’r rhwymedigaethau a amlinellir gan yr Awdurdod Cystadleuaeth a Marchnadoedd (CMA), ac i ddiogelu lles myfyrwyr.
• Darparu manylion am y costau astudio.
• Cadw gwybodaeth myfyrwyr yn gyfrinachol yn unol â Pholisi Diogelu Data’r Brifysgol a deddfwriaeth allanol.
• Gweithredu gofynion Mesur y Gymraeg (Cymru) 2011 a sicrhau cydymffurfiaeth â Safonau’r Gymraeg.

Mae Undeb y Myfyrwyr yn ymrwymo i:

• Ddarparu ystod o gyfryngau i sicrhau cyfathrebu effeithiol, amserol a pherthnasol gan Undeb y Myfyrwyr.
• Cadw gwybodaeth myfyrwyr yn gyfrinachol yn unol â chyfreithiau diogelu data.
• Sicrhau y gwradewir ar lais y myfyrwyr ac yr ymatebir iddo mewn modd amserol.

Mae’r myfyrwyr yn ymrwymo i:

• Gyfathrebu’n barchus â staff a myfyrwyr y Brifysgol bob amser, gan gynnwys trwy’r cyfryngau cymdeithasol.
• Gwirio pob e-bost a chyfathrebiad gan y Brifysgol yn rheolaidd ac ymateb neu weithredu yn ôl yr angen.
• Gwirio Moodle a MetCanolog yn rheolaidd am ddiweddariadau a chyhoeddiadau a chwblhau unrhyw dasgau mewn modd amserol.
• Cadw eu manylion cyswllt yn gyfredol.
• Ymgyfarwyddo â gwybodaeth sydd ar gael am ffioedd cwrs a chostau astudio cysylltiedig.
• Talu ffioedd dysgu a chostau eraill o fewn yr amserlen berthnasol.
• Hysbysu’r Brifysgol pa iaith yr hoffent dderbyn gohebiaeth gan y Brifysgol (Cymraeg neu Saesneg).

Mae’r Brifysgol yn ymrwymo i:

• Ddarparu amgylchedd addysgol arloesol sy’n cefnogi myfyrwyr i gyflawni eu huchelgeisiadau personol a phroffesiynol a chanlyniadau cydnabyddedig i raddedigion drwy nodi a chysylltu eu dysgu o weithgareddau cwricwlaidd a chyd-gwricwlaidd.
• Darparu mynediad at gyngor gyrfaoedd, datblygu sgiliau (trwy’r fenter Siapio Eich Dyfodol) a chyfleoedd i wella cyflogadwyedd drwy atgyfeiriadau a chyfeirio at y Gwasanaeth Gyrfaoedd.
• Darparu cyfleoedd a chefnogaeth i astudio, gweithio neu wirfoddoli dramor i wella sgiliau meddal, cyfathrebu traws-ddiwylliannol, a rhagolygon cyflogadwyedd.
• Rhoi cyfle i fyfyrwyr sy’n astudio ar gampysau Caerdydd i gael cydnabyddiaeth am weithgarwch allgyrsiol dilys drwy’r Adroddiad Cyflawniad Addysg Uwch (HEAR).

Mae Undeb y Myfyrwyr yn ymrwymo i:

• Ddarparu amrywiaeth o Glybiau Chwaraeon UM, Cymdeithasau UM, digwyddiadau cymdeithasol, a chyfleoedd datblygiad personol.
• Darparu cofnodion cywir o’r myfyrwyr sy’n cymryd rhan mewn gweithgareddau UM i’w cofnodi ar y HEAR ar gyfer myfyrwyr sy’n astudio yng Nghaerdydd.
• Cyflwyno’r Wobr Met Caerdydd i gydnabod datblygiad personol a phroffesiynol y tu allan i astudiaethau academaidd.

Mae’r myfyrwyr yn ymrwymo i:

• Ymgysylltu â’r cyfleoedd cymdeithasol ac allgyrsiol.
• Ymgysylltu â gweithgareddau wedi’u cymeradwyo gan HEAR i ehangu eu sgiliau, a hybu eu datblygiad personol a phroffesiynol.
• Ymgyfarwyddo ag unrhyw godau proffesiynol perthnasol a dilyn unrhyw safonau penodol.