Mae staff Ysgol Gelf a Dylunio Caerdydd yn ymhél â’r broses o ddatblygu ymchwil o'r radd flaenaf a chydweithrediad ystyrlon â’r diwydiant, y sector cyhoeddus a sefydliadau cymunedol.
Cydnabuwyd hyn gan REF2021, sef asesiad annibynnol y DU o ansawdd ymchwil ar draws sefydliadau addysg uwch y DU, a raddiodd 84% o’n hymchwil celf a Dylunio fel un sy’n arwain y byd neu’n rhagorol yn rhyngwladol. Roedd y cyflwyniad Celf a Dylunio hefyd yn gydradd ail am effaith, gan ddangos gwerth diwylliannol, cymdeithasol ac economaidd ein hymchwil.
Trwy feithrin amgylchedd dysgu integredig a chyffrous, mae ein myfyrwyr yn teimlo budd y rhagoriaeth ymchwil ac arloesi hon yng nghyfoeth eu haddysg ac yn rhagolygon am yrfa ein graddedigion.