Personél y Lluoedd Arfog a’u Teuluoedd
Mae’n bosibl y bydd myfyrwyr sydd wedi gwasanaethu yn Lluoedd Arfog y DU fel Milwr Rheolaidd neu Wrth Gefn yn gweld bod heriau unigryw yn gysylltiedig â gwneud cais i addysg uwch. Rydym wedi ymrwymo i gefnogi cyn-filwyr a’u dibynyddion, i sicrhau nad oes unrhyw aelod o gymuned y Lluoedd Arfog yn wynebu anfantais mewn Addysg Uwch.
Gall gwybod am eich amgylchiadau hefyd helpu staff derbyn i gymryd eich cyflawniadau i ystyriaeth a chael gwell dealltwriaeth o'r cyflawniadau a'r potensial hwn yn eu cyd-destun. Ni fydd yn adlewyrchu'n negyddol ar eich cais na'ch gallu academaidd, ond yn hytrach bydd yn ein galluogi i lunio darlun mwy cyflawn ohonoch chi fel unigolyn a nodi'r ymgeiswyr hynny y credwn sydd â'r potensial i lwyddo.
Gall ymgeiswyr israddedig fod yn gymwys i dderbyn cynnig cyd-destunol o dan y cynllun hwn. Gweler ein Polisi Derbyn Cyd-destunol am ragor o wybodaeth.
Cefnogaeth ariannol i bersonél presennol a diweddar y Lluoedd Arfog
Mae Prifysgol Metropolitan Caerdydd yn falch o fod wedi llofnodi Cyfamod y Lluoedd Arfog. Adduned ein bod gyda’n gilydd yn cydnabod ac yn deall y dylai’r rhai sy’n gwasanaethu neu sydd wedi gwasanaethu yn y Lluoedd Arfog, a’u teuluoedd, gael eu trin â thegwch a pharch yn y cymunedau, economi a chymdeithas y maent yn eu gwasanaethu gyda'u bywydau.
Beth yw ELCAS?
Mae ELCAS yn gynllun sy'n cael ei redeg gan y Weinyddiaeth Amddiffyn i ddarparu cymorth ariannol i bersonél y lluoedd arfog (rhai sy'n gwasanaethu a rhai sy'n gadael gwasanaeth) i astudio cwrs mewn prifysgol, sydd o fudd uniongyrchol i'r gwasanaeth ac sy'n arwain at ddatblygiad personol a phroffesiynol.
Os ydych chi yn eich cyfnod ailsefydlu cymwys efallai y byddwch yn gymwys i hawlio o dan y Fenter Cyllido ar y Cyd Addysg Bellach/Addysg Uwch a Ariennir yn Gyhoeddus (PFFE/AU). Gellir dod o hyd i wybodaeth yn y canlynol: http://www.enhancedlearningcredits.com/service-leaver/claiming-publicly-leaver
Sut mae gwneud cais?
Os ydych yn bodloni meini prawf cymhwysedd y cynllun ELCAS, bydd angen i chi gwblhau’r broses ymgeisio o leiaf bum wythnos cyn dechrau’r cwrs, ac mae’r holl fanylion ynglŷn â hyn ar wefan ELCAS: https://www.enhancedlearningcredits.com
Sylwch y bydd angen Rhif Cyfeirnod eich Darparwr Dysgu arnoch chi, sef 1294 ar gyfer eich cais.
Os ydych yn gwneud cais drwy UCAS ac rydych yn dod o deulu Lluoedd Arfog y DU, gallwch ddewis ‘ydyn’ o’r gwymplen yn y cwestiwn sy’n gofyn am hyn yn yr adran ‘Mwy amdanaf i’ y cais.
Gellir cyfeirio unrhyw ymholiadau ynglŷn â chwblhau'r ffurflen Rhwymedigaethau Darparwyr Dysgwyr at Dderbyniadau ar 02920 416010 neu
askadmissions@cardiffmet.ac.uk. Gellir cael unrhyw wybodaeth bellach am y cynllun trwy gysylltu â'n Hadran Gyllid ar 029 2041 6083.