Symposiwm Cymunedau Bwriadol 2018
Gweithiodd ar themâu 'beth sy'n gweithio' ac archwilio'r broses o ffurfio cymunedau, modelau cyfreithiol a rhwystrau ar y ffordd. Cyflwyniadau gan: Kirsten Stevens-Wood, Yael Arbol, Dr Francesca Fois a Chris Coates.
Symposiwm Cymunedau Bwriadol 2016
Living the Good Life’ wedi'i seilio ar thema cynaliadwyedd a byw effaith isel. Cyflwyniadau gan academyddion yr Athro Jenny Pickerill, yr Athro Dave Mullins a Dr Keith Halfacree.
Yr Athro Jenny Pickerill
Mae ymchwil gyfredol Jenny yn cynnwys dadansoddi materion cymdeithasol, daearyddol a gwleidyddol eco-dai er mwyn deall yn well ffurf a swyddogaethau eco-gartrefi, sut y gellid gwella eco-gartrefi, sut i annog mwy o gyflenwad a galw, sut mae gwybodaeth eco-adeiladu yn teithio a sut i wneud eco-dai yn fwy fforddiadwy.
Yr Athro Dave Mullins
Mae David ym Mhrifysgol Birmingham ers 1989 a than 2011 bu’n gweithio yn y Ganolfan Astudiaethau Trefol a Rhanbarthol lle cyflawnodd amrywiaeth o rolau ymchwil ac addysgu gan gynnwys Cyfarwyddwr Ymchwil. Fe'i penodwyd yn Gadeirydd y Polisi Tai yn 2006 ac ymunodd â Chanolfan Ymchwil y Trydydd Sector yn 2009 lle mae'n arwain y ffrydiau tai a darparu gwasanaethau ar hyn o bryd.
Dr Keith Halfacree
Mae Keith Halfacree yn ymwneud â dadleuon cysyniadol ynghylch y ffyrdd y mae cefn gwlad yn newid ym Mhrydain a gwledydd eraill yn y Gogledd byd-eang. Yn ddiweddar, cafodd gefnogaeth Ymddiriedolaeth Leverhulme i archwilio sut mae pobl sy'n ymwneud ag arbrofion 'yn ôl i'r tir' diweddar ym Mhrydain yn rhyngweithio â'r tir o ddydd i ddydd.
Symposiwm Cymunedau Bwriadol 2014
Archwiliodd (y cyntaf) gymunedau bwriadol fel ffenomen, gan gynnwys eu lle yn y llenyddiaeth iwtopaidd a chymwysiadau mwy ymarferol megis defnyddio ymddiriedolaethau tir cymunedol. Y siaradwyr oedd: Yr Athro Lucy Sargisson, Maria Brenton, Keith Cowling, Ruth Bradbrook a Dr Melissa Fernandez.
Maria Brenton – cymunedau cyd-drigo pobl hŷn
Mae Maria yn Rheolwr Prosiect ac Ymgynghorydd Cyd-drigo i’r Older Women’s Cohousing Company Ltd, ac yn Aelod o Fwrdd Co-housing UK. Mae hi hefyd wedi ysgrifennu'n helaeth am gyd-drigo a henaint.
Keith Cowling – Ymddiriedolaethau Tir Cymunedol
Mae Keith Cowling yn gyn-bensaer gyda 25 mlynedd o brofiad fel pensaer cymunedol ac entrepreneur cymdeithasol. Mae gan Keith ddiddordeb arbennig yn y maes.
Yr Athro Lucy Sargisson – Intentional Communities as Practical Utopias
Lucy Sargisson yw'r unig Athro astudiaethau Utopaidd yn y byd. Wedi'i lleoli ym Mhrifysgol Nottingham, mae gan Lucy ymrwymiad parhaus i ymchwilio i gymunedau bwriadol ac mae'n aelod o Rwydwaith Ymchwil CoHousing UK.
Ruth Bradbrook – Yn byw mewn Cymuned Fwriadol
Yn 2013 cymerodd Ruth y cam o symud gyda'i phartner o’r 'confensiynol' i Old Hall, sy'n gymuned gyd-berchnogaeth yn Suffolk. Dathlodd Old Hall ei ben-blwydd yn 40 y llynedd ac mae ganddo bron i 40 aelod rhwng 92 a 2 oed.
Dr Melissa Fernandez – Ymchwilio i ddatblygiad cyd-drigo Featherstone
Mae Melissa yn ysgolhaig rhyngddisgyblaethol gyda PhD mewn Cymdeithaseg o LSE, mae hi hefyd wedi gweithio ym maes hawliau dynol rhyngwladol yn y DU, yr UD a Puerto Rico
Horiatu-Cristian Cojan – Buddion cynaliadwy Cyd-drigo
Mae ymchwil yn awgrymu y gall cyd-drigo gynnig ffordd fwy cynaliadwy o fyw yn amgylcheddol
