Hyfforddi Chwaraeon – Gradd BSc (Anrh)

Blwyddyn un

Yn y flwyddyn astudio gyntaf byddwch yn ymgymryd â chwe modiwl gorfodol. Trwy gydol y modiwlau hyn byddwch yn archwilio cysyniadau allweddol ym maes hyfforddi chwaraeon.

Trwy gymryd rhan mewn a gydag amrywiaeth o seminarau, sesiynau hyfforddi a gweithgareddau dysgu annibynnol byddwch yn gwella eich gwybodaeth a'ch defnydd ymarferol o wahanol ddamcaniaethau hyfforddi yn eich ymarfer. Byddwch hefyd yn ymgymryd â modiwlau i helpu i adnabod materion pwysig o fewn y dirwedd chwaraeon yn ogystal ag astudio un modiwl sy'n ymwneud â'r disgyblaethau gwyddor chwaraeon ac ymarfer corff traddodiadol.

Gorfodol:

• Ymchwil ac Ysgolheictod
• Addysgeg Chwaraeon Gymhwysol
• Materion trafod ym maes Chwaraeon, Cymdeithas ac Addysg
• Addysg Gorfforol, Hyfforddi Chwaraeon ac Addysgeg
• Sylfeini Gwyddor Chwaraeon ac Ymarfer Corff
• Cyflwyno Hyfforddi ac Addysgu fel Gweithgareddau Cymdeithasol a Pherthynol

Blwyddyn dau

Mae'r modiwlau ail flwyddyn yn eich helpu i ddatblygu dealltwriaeth ddyfnach o ddamcaniaethau cysylltiedig â hyfforddi a sut y gallwch gymhwyso'r wybodaeth hon yn ymarferol. Mae'r modiwlau y byddwch chi'n eu hastudio yn yr ail flwyddyn wedi'u cynllunio i'ch helpu chi i ddechrau siapio'ch hunaniaeth hyfforddi yn fwy pwrpasol mewn cysylltiad â'ch nodau yn y dyfodol. Maen nhw'n ehangu eich gwybodaeth a'ch dealltwriaeth o beth ydy hyfforddi ac yn rhoi cyfleoedd i chi hyfforddi a gweithio gydag eraill i helpu i fireinio'ch dealltwriaeth o natur gymdeithasol a pherthynol hyfforddi.

Mae modiwlau ychwanegol y gallwch ddewis eu hastudio sy'n anelu at feithrin mwy o wybodaeth ryngddisgyblaethol am ddatblygiad chwaraeon, moeseg, cymdeithaseg a chysyniadau gwyddonol chwaraeon ac ymarfer corff yn ogystal â'r broses ymchwil. Mae cyfleoedd pellach yn yr ail flwyddyn i ennill cymwysterau hyfforddi galwedigaethol a phroffesiynol ynghyd â'r wybodaeth gysylltiedig i ddatblygu sgiliau a phriodoleddau entrepreneuraidd sy'n hanfodol yn y diwydiannau sydd ynghlwm â hyfforddi chwaraeon. Yn bwysig, mae'r ail flwyddyn hefyd yn integreiddio cyfleoedd dysgu yn y gwaith i sicrhau eich bod chi'n ennill profiad yn y diwydiant.

Gorfodol:

• Ymchwil Dylunio ac Ymarfer Corff
• Addysgeg Chwaraeon Cymhwysol
• Lleoliad Proffesiynol
• Addysgeg a Chyfathrebu mewn Hyfforddi Chwaraeon
• Deall Arferion Hyfforddi

Modiwlau opsiynol:

• Dulliau Amlddisgyblaethol ym maes Chwaraeon ac Iechyd
• Menter mewn Chwaraeon ac Iechyd
• Cyfranogiad mewn Chwaraeon a Gweithgaredd Corfforol
• Dadansoddi mewn Perfformiad Chwaraeon
• Cymdeithaseg Chwaraeon, Ymarfer Corff ac Iechyd
• Moeseg Chwaraeon

Blwyddyn Tri

Mae blwyddyn olaf yr astudiaeth yn eich galluogi i ddefnyddio'r wybodaeth rydych chi wedi'i hennill a'i diwygio trwy gydol eich gradd mewn ffordd fwy ystyrlon. Byddwch yn symud y tu hwnt i fod yn deall eich amgylchedd a'ch practis ac yn dechrau myfyrio'n gritigol ar theori a chysyniadau hyfforddi i gynhyrchu gwybodaeth ar gyfer gweithredu. Yn y modd hwn, rydych yn dod yn hyfforddwr ‘ymarferol ddoeth’, rydych yn defnyddio’r damcaniaethau a’r cysyniadau hyfforddi i wneud penderfyniadau mwy gwybodus a mwy medrus.

Mae eich blwyddyn olaf yn canolbwyntio ar eich datblygu chi fel myfyriwr mwy annibynnol sy'n cael ei yrru ac a all fod yn cymryd rheolaeth o'ch dysgu a sicrhau bod hyn yn cyd-fynd â'ch camau cyntaf i swydd fel unigolyn graddedig neu ddewis astudio ymhellach. Mae gennych gyfres o fodiwlau i ddewis ohonyn nhw y gellir eu teilwra i gefnogi eich gyrfa yn y dyfodol. Gall yr opsiynau hyn aros yn benodol ym maes hyfforddi, rhai fel modiwlau sy'n seiliedig ar addysg hyfforddwyr neu fe allech chi ymestyn eich astudiaeth i feysydd eraill fel cymdeithaseg, moeseg neu ddadansoddi perfformiad. Dydy hynny ddim yn golygu nad ydyn nhw'n ymwneud â hyfforddi, ond maen nhw'n ystyried chwaraeon yn ehangach a gall rhain eich helpu i gysylltu â meysydd eraill sy'n gysylltiedig â'ch dyfodol. Yn olaf, yn ystod eich blwyddyn astudio ddiwethaf byddwch yn gallu ymgymryd â lleoliadau dysgu yn y gwaith a chymryd rhan mewn prosiect mawr yn eich dewis o faes astudio.

Gorfodol:

• Prosiect Terfynol
• Cymhwyso a Deall Theori Hyfforddi Chwaraeon ar Waith

Modiwlau opsiynol:

• Materion Cyfoes ym maes Ddatblygu Polisi
• Problemau Hyfforddi Chwaraeon Cymhwysol a Dadansoddi Perfformiad
• Materion Moesegol mewn Chwaraeon
• Rheoli Chwaraeon Perfformiad Uchel
• Cymdeithaseg Diwylliannau Chwaraeon a Chorfforol
• Hyfforddi'r Hyfforddwr: Datblygiad Proffesiynol ac Addysg

Mae dulliau dysgu, addysgu ac asesu effeithiol yn sail i nodau addysgol a chanlyniadau dysgu pob un o'n rhaglenni a'n modiwlau. Gall dulliau dysgu ac addysgu gynnwys darlithoedd, seminarau, gweithdai, tiwtorialau a sesiynau ymarferol. Mae ein Hamgylchedd Dysgu Rhithwir hefyd yn agwedd annatod o'r pecyn dysgu sy'n cefnogi anghenion ein myfyrwyr.

Mae darlithoedd arweiniol yn cyflwyno pynciau a chysyniadau allweddol, tra bod seminarau, tiwtorialau, gweithdai a sesiynau ymarferol yn canolbwyntio ar gymhwyso cysyniadau allweddol gyda'r nod o wella profiad ac ymgysylltiad myfyrwyr. Byddwch hefyd yn cwrdd â thiwtoriaid ar sail un i un. Fel ysgol, rydyn ni'n gweithio'n galed i ddarparu cyfleoedd dysgu myfyriwr-ganolog sy'n darparu amgylchedd dysgu hyblyg o ansawdd uchel.

Mae dulliau dysgu ac addysgu yn pwysleisio ac yn hwyluso datblygiad eich rhesymu critigol, ac yn cymell integreiddio ymarfer a theori. Trwy gydol eich rhaglen, byddwch yn profi dysgu dan arweiniad tiwtor a dulliau dysgu hunan-gyfeiriedig, gan gynyddu annibyniaeth a myfyrio a'ch annog i ddatblygu agwedd gadarnhaol tuag at ddysgu gydol oes.

Mae ein dulliau addysgu a dysgu yn ymgorffori sgiliau 'EDGE' Met Caerdydd (Moesegol, Byd-eang, Digidol ac Entrepreneuraidd) a byddwch yn cael arweiniad da i arddangos y priodoleddau graddedig a ddisgwylir gennych mewn byd gwaith cynyddol gystadleuol. Ein nod ydy eich helpu chi i ddatblygu'n weithwyr proffesiynol myfyriol ac ysgolheigion critigol. Yn eich rhaglen chwaraeon ym Met Caerdydd, byddwch yn dod ar draws profiad dysgu o'ch cyfnod sefydlu hyd nes i chi raddio sy'n gydlynol ac yn datblygu'ch hunaniaeth yn eich rhaglen astudio.

Mae nodweddion penodol o'ch profiad dysgu ar y cwrs gradd Hyfforddi Chwaraeon yn cynnwys y canlynol:

• Mae'r radd hyfforddi chwaraeon yn cael ei chydnabod yn eang fel un o'r rhaglenni hyfforddi chwaraeon mwyaf blaenllaw yn y DU. Rydym yn cyfuno elfennau ymarferol a damcaniaethau cyfoes sy'n gysylltiedig â hyfforddi sy'n mynd y tu draw i'r dull traddodiadol gwyddor chwaraeon o fynd ati er mwyn deall yn beth wir olygir wrth hyfforddi chwaraeon.
• Ymchwilwyr a hyfforddwyr o fri rhyngwladol sy'n rhan annatod o'r profiad dysgu a gynigir i'n myfyrwyr.
• Mae’r radd hyfforddi chwaraeon yn integreiddio ymchwil gyfoes i sicrhau bod ein harferion addysgu yn seiliedig ar ymchwil.
• Mae pob agwedd ar Ddysgu ac Addysgu yn defnyddio'r llenyddiaeth ymchwil ddiweddaraf a'r Safonau Galwedigaethol Cenedlaethol (e.e. cymwysterau hyfforddi CIMSPA a'r Corff Llywodraethu Cenedlaethol - NGB).

Mae'r strategaethau asesu ar gyfer pob modiwl yn amrywio i sicrhau bod y dull mwyaf priodol yn cael ei weithredu ar gyfer eich maes astudio. Mae dulliau asesu wedi'u cynllunio i wella'ch profiad dysgu ac i gydnabod eich bod wedi cyflawni'r canlyniadau dysgu sy'n gysylltiedig â phob modiwl. Mae asesu hefyd yn sicrhau eich bod wedi cyflawni'r safon sy'n ofynnol i symud ymlaen i'r cam nesaf neu i fod yn gymwys ar gyfer dyfarniad (fel y'i mynegir gan y FHEQ a'r CQFW). Mae asesiadau'n cefnogi'ch profiad dysgu trwy ddarparu cyfleoedd i chi gymryd rhan mewn asesiadau ffurfiannol a chrynodol i brofi'ch gwybodaeth, eich gallu, eich sgil a'ch dealltwriaeth gritigol ac hefyd i ddatblygu eich sgiliau hanfodol perthnasol i'r gweithle. Asesir y modiwlau israddedig gan gyfuniad o fathau o asesu. Er enghraifft:

• gwaith cwrs ysgrifenedig
• cyflwyniadau poster
• cyflwyniadau llafar
• portffolios
• arholiadau gyda llyfrau a rhai heb lyfrau
• sgiliau ymarferol
• gweithgareddau eraill a gynlluniwyd i asesu, datblygu a gwella sgiliau academaidd a chyflogadwyedd.

Disgwylir i chi gwblhau prosiect terfynol fel rhan o'r asesiad o'ch gradd anrhydedd. Mae prosiectau terfynol yn ddarnau pwysig o waith a allai fod yn brosiect ymchwil, arloesi, ymgynghori neu'n seiliedig ar y gymuned.

Mae 'egwyddorion EDGE' Met Caerdydd yn eich cefnogi i ffynnu yn y byd modern. Trwy gydol eich gradd byddwch yn profi ystod o gyfleoedd i ddatblygu eich cymwyseddau moesegol, digidol, byd-eang ac entrepreneuraidd trwy ddysgu yn seiliedig ar broblemau, astudiaethau achos diwydiant y byd go iawn, profiadau gwaith integredig ar y campws a chyfleoedd ar gyfer lleoliadau dysgu yn y gwaith oddi ar y campws. Byddwn yn sicrhau eich bod yn cael ystod o gyfleoedd i ddatblygu sgiliau trosglwyddadwy fel cyfathrebu, gwaith tîm ac arweinyddiaeth.

Yn ystod eich astudiaethau blwyddyn gyntaf cewch gyfle i ymgymryd â chymwysterau technegol mewn ystod o feysydd sy'n berthnasol i'r diwydiant yn cynnwys hyfforddi chwaraeon, hyfforddi ymarferion, a iechyd a diogelwch. Bydd y cyfleoedd hyn yn sicrhau bod gennych y cymwysterau a'r profiad priodol i wneud cais am un o'r nifer o gyfleoedd lleoliad gwaith a gynigir ar ac oddi ar y campws. Byddwn hefyd yn eich cefnogi i chwilio am gyfleoedd i weithio neu astudio dramor. Gall lleoliadau gwaith roi egwyddorion EDGE critigol i chi wrth gael swydd broffesiynol ar ôl graddio. Mae myfyrwyr sydd wedi graddio o'r rhaglen Hyfforddi Chwaraeon wedi mynd ymlaen i weithio mewn gyrfaoedd o fewn a thu hwnt i'r Diwydiant Chwaraeon.

Mae graddedigion diweddar o Hyfforddi Chwaraeon bellach yn gweithio mewn timau chwaraeon proffesiynol, timau chwaraeon academi yn ogystal â chyrff llywodraethu chwaraeon cenedlaethol. Mae llawer o fyfyrwyr hefyd yn dilyn cyfleoedd mewn ffitrwydd a’r diwydiant hamdden ac mae myfyrwyr eraill wedi parhau i raglenni Meistr fel y radd Hyfforddi Chwaraeon ac Addysgeg, TAR ac wedi symud ymlaen ymhellach i astudiaethau lefel doethuriaeth gan gynnwys y Doethuriaeth a Addysgir mewn Hyfforddi.

Cynigion Nodweddiadol

• Pwyntiau tariff: 112-120
  
• Cynnig cyd-destunol: Gweler ein tudalen cynigion cyd-destunol.
  
• TGAU: Pum TGAU ar Radd C / 4 neu uwch, gan gynnwys Saesneg Iaith / Cymraeg Iaith Gyntaf a Mathemateg / Mathemateg – Rhifedd.
  
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
  
• Pynciau Safon Uwch: O leiaf tair Safon Uwch i gynnwys Graddau BB. Does dim angen pynciau penodol. Bagloriaeth Cymru – Ystyrir Tystysgrif Her Sgiliau Uwch fel trydydd pwnc.
  
• Diploma Cenedlaethol BTEC / Diploma Estynedig Technegol Caergrawnt: DMM-DDM
  
• Lefel T: Teilyngdod.
  
• Diploma Mynediad i Addysg Uwch: 15 credyd gyda Rhagoriaeth a 30 credyd gyda Theilyngdod. Does dim angen pynciau penodol.
  
• Diploma Bagloriaeth Ryngwladol (IB): 1 x H6. Does dim angen pynciau penodol.
  
• Tystysgrif Gadael Iwerddon: 3 x H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
  
• Advanced Highers yr Alban: Graddau CC. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.
  

Os nad ydych yn bodloni’r gofyniad mynediad uchod, rydym hefyd yn cynnig Rhaglen Sylfaen sy’n caniatáu gwneud cynnydd i Flwyddyn 1.

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Ar gyfer ymholiadau cyffredinol, cysylltwch â'r Tîm Derbyniadau ar 029 2041 6044 neu drwy e-bost askadmissions@cardiffmet.ac.uk.

Ar gyfer ymholiadau penodol am y cwrs, cysylltwch â'r Tîm Cymorth Rhaglen:
E-bost: CSSHSLTSE@cardiffmet.ac.uk