Eich Prifddinas dechreuadau newydd, uchelgeisiau mawreddog, breuddwydion mawr, dyheadau mawr, calonnau mawr, croeso cynnes, men-toriaid ysbrydoledig, cysyniadau heriol a newid meddylfrydau, dyfalbarhad, penderfyniad, trawsnewid, syniadau gwych a dyfodol disglair, angerdd, mentro, rhyfeddu, chi.

“Gall gwneud cais am le mewn prifysgol fod yn llethol, a gyda’r holl derfynau amser does dim llawer o amser i feddwl sut rydych chi’n mynd i dreulio’r 3 neu 4 blynedd nesaf. Yn fy mhrofiad i, rhoddodd Clirio fwy o amser i mi feddwl am yr hyn roeddwn i wir eisiau ei wneud. Cefais y graddau yr oeddwn eu hangen ar gyfer fy newis gwreiddiol ond, ar ôl gweld yr hyn yr oedd Met Caerdydd yn ei gynnig, roeddwn yn gwybod mai hon oedd y brifysgol orau i mi gan ei bod yn cynnig y cyfleusterau a’r ffocws ymarferol yr oeddwn eu heisiau.”

Charlotte Parry
BA (Anrh) Digwyddiadau Rhyngwladol & Rheoli Lletygarwch

“Gwnewch eich ymchwil ac edrychwch ar y cyrsiau yr ydych yn galw amdanynt. Rydych chi’n gwneud penderfyniad mawr, gan y byddwch chi’n byw ac yn anadlu’r cwrs hwn am y 3 neu 4 blynedd nesaf, felly peidiwch â mynd i mewn iddo’n ddall. Gofynnwch am gael siarad yn uniongyrchol â staff addysgu os yn bosibl – gallant roi blas go iawn o’r cwrs i chi. Paratowch rai cwestiynau adeiladol a gwnewch yn glir eich bod wedi meddwl a yw’r cwrs yn addas i chi ai peidio.”

Nick Young
Ysgol Addysg a Pholisi Cymdeithasol Caerdydd

“Cefais brofiad anhygoel ym Met Caerdydd ac rydw i mor ddiolchgar fy mod wedi cymryd yr amser i fynd trwy Glirio. Rwy’n annog unrhyw un sy’n wynebu dim lle ac sy’n ystyried Clirio i fynd amdani – efallai y byddwch chi’n dod o hyd i’r union gwrs radd roeddech chi’n chwilio amdani.”

Matthew Whelan
BSc (Anrh) Gwyddor Biofeddygol / MSc Gwyddor Biofeddygol

“Fel darlithydd, mae brwdfrydedd mor bwysig i mi pan fyddaf yn ystyried ymgeiswyr. Fel prifysgol, byddwn yn edrych ar eich proffil academaidd i wneud yn siŵr eich bod yn barod i ddechrau un o’n cyrsiau, ond mae brwdfrydedd ac angerdd am y pwnc yn dweud llawer wrthyf am berson, pan fyddaf yn eu hystyried fel darpar fyfyriwr.”

Catherine Tryfona
Ysgol Dechnolegau Caerdydd