News | 19 Awst 2024
Mae Ysgol Gelf a Dylunio Prifysgol Metropolitan Caerdydd yn lansio ystod o gyrsiau byr newydd, sy’n digwydd gyda'r nos a’r penwythnos, a’n agored i bob gallu, gan roi cyfle i bobl fireinio eu sgiliau mewn stiwdio a gweithleoedd proffesiynol y brifysgol.
O grochenwaith i baentio, llunio i feddwl dylunio, ffotograffiaeth, gwneud printiau a chyrsiau crefft, mae cyfanswm o 10 cwrs yn cael eu cynnal yn ystod tymor yr Hydref. Mae'r cyrsiau'n addas ar gyfer dechreuwyr gwbl newydd yn ogystal ag artistiaid a dylunwyr o bob gallu.
Mae'r cyrsiau canlynol bellach ar gael ar gyfer tymor yr Hydref:
- Cyflwyniad i Luniadu, Dydd Mercher o 2 Hydref 2024
- Bywluniadu, Dydd Mawrth o 1 Hydref 2024
- Dwdlan yn Hawdd – Cwrs Ymwybyddiaeth Ofalgar Niwrograffig Creadigol, dydd Mercher o 2 Hydref 2024
- Peintio'r Ffigur Dynol, Dydd Sadwrn 19eg a Dydd Sul 20 Hydref 2024
- Cyflwyniad i Ddyfrliw, Dydd Llun o 30 Medi 2024
- Llif Creadigol – gydag Acrylig, Cyfryngwyr a Gludwaith, Dydd Iau o 3 Hydref 2024
- Gwella Eich Ffotograffiaeth – Y Pethau Sylfaenol, Dydd Sadwrn 5ed Hydref 2024
- Gwneud Printiau Colograff, Dydd Llun o 30 Medi 2024
- Gwneud Printiau Torlun Leino Dull Lleihau, Dydd Mawrth o 1 Hydref 2024
- Gwnïo Eich Dillad Eich Hun – Gwneud Dilledyn, Dydd Llun o 30 Medi 2024
Dywedodd Dr Bethan Gordon, Deon yr Ysgol Gelf a Dylunio ym Met Caerdydd: “Mae cyrsiau byr Ysgol Gelf a Dylunio Caerdydd yn rhedeg drwy gydol y flwyddyn ar ein campws yn Llandaf ac maent wedi'u cynllunio i weddu i bob dysgwr. Does dim ots os ydych chi'n artist neu ddylunydd profiadol, yn ystyried dychwelyd i Addysg Uwch a pharatoi eich portffolio, neu'n awyddus i ddysgu sgil newydd - mae rhywbeth at ddant pawb."
“Bydd unrhyw un sy'n cymryd rhan ar y cyrsiau'n cael cyfle i ddysgu o’n tiwtoriaid profiadol, gan weithio yn rhai o’n hardaloedd stiwdio ardderchog sydd ar gael yn Ysgol Gelf a Dylunio Caerdydd, ar y cyd â dysgwyr sydd â’r un meddylfryd”.
Mae'r holl gyrsiau ar gael i
rchebu nawr. Mae rhagor o wybodaeth ar gael ar dudalen we Prifysgol Metropolitan Caerdydd.
Met Caerdydd yn lansio rhaglen newydd o gyrsiau byr celf a dylunio
Am fwy o wybodaeth neu i drefnu cyfweliad yn Gymraeg neu’n Saesneg cysylltwch â press@cardiffmet.ac.uk neu ffoniwch 029 2041 6362
Am Brifysgol Metropolitan Caerdydd
- Mae gan Brifysgol Metropolitan Caerdydd bum ysgol academaidd ar draws dau safle yn Llandaff a Cyncoed, Caerdydd: Ysgol Gelf a Dylunio Caerdydd; Ysgol Gwyddorau Chwaraeon ac Iechyd Caerdydd; Ysgol Addysg a Pholisi Cymdeithasol Caerdydd; Ysgol Reoli Caerdydd, ac Ysgol Dechnolegau Caerdydd, a thair Academi Fyd-eang: (Iechyd a Pherfformiad Dynol; Gwyddor Bwyd, Diogelwch a Diogelu; a Dylunio sy’n Canolbwyntio ar Bobl) yn dod ag arbenigedd ymchwil ynghyd i ddatblygu dulliau rhyngddisgyblaethol, rhyngwladol ac effeithiol i rai o’r heriau mwyaf sefydledig sy’n effeithio arnom yn lleol, yn genedlaethol ac yn rhyngwladol.
- Mae gan y Brifysgol dros 31,000 o fyfyrwyr ar draws 130 o wledydd wedi cofrestru ar raglenni yng Nghaerdydd ac mewn 13 o bartneriaid cydweithredol ledled y byd.
- Diben Met Caerdydd yw darparu addysg, ymchwil ac arloesedd o ansawdd uchel sy’n canolbwyntio ar ymarfer ac a gydnabyddir yn broffesiynol mewn partneriaeth â’i fyfyrwyr a’i diwydiant.
- Mae Prifysgol Metropolitan Caerdydd wedi cael ei rhestru yn 6ed yn y DU a’r gorau yng Nghymru am gynaliadwyedd yng Nghynghrair Prifysgolion People & Planet 2023/24, yr unig dabl cynghrair cynhwysfawr ac annibynnol o holl brifysgolion y DU sydd wedi’u rhestru yn ôl perfformiad amgylcheddol a moesegol.
- Mae Met Caerdydd yn yr wythfed safle yn y DU ar gyfer cyflogadwyedd graddedigion a bywyd myfyrwyr yn ôl dull rancio Prifysgolion Uni Compare 2023.
- Met Caerdydd oedd y brifysgol gyntaf yng Nghymru i gael ei dynodi'n Brifysgol Noddfa, gan ddarparu ‘Ysgoloriaethau Noddfa’ i fyfyrwyr israddedig ac ôl-raddedig, a staff academaidd sydd mewn perygl yn eu gwledydd.
- Cafodd Met Caerdydd ganlyniad ardderchog yn Arolwg Profiad Myfyrwyr Ymchwil Ôl-raddedig Uwch (PRES), gyda chyfradd boddhad cyffredinol o 90%. Mae hyn yn gosod y Brifysgol yn ail allan o’r 58 Sefydliadau Addysg Uwch a gymerodd ran, 10% yn uwch na’r cyfartaledd Sefydliadau Addysg Uwch. Dyma’r drydedd flwyddyn yn olynol i Brifysgol Met Caerdydd gael ei rhestru yn y tri uchaf am foddhad cyffredinol.
- Dyma’r Brifysgol gyntaf yng Nghymru i dderbyn cydnabyddiaeth Siarter Busnesau Bach a’r Fenter Gymdeithasol am ei gwaith gyda busnes, a’i hymrwymiad i gefnogi myfyrwyr mewn gweithgareddau menter ac entrepreneuriaeth.
