Mae ein rhaglenni perfformiad yn cael cefnogaeth ryngddisgyblaethol gan ein Tîm Gwasanaethau Perfformiad mewnol ac yn cael eu cefnogi gan Ysgol Chwaraeon a Gwyddorau Iechyd Caerdydd (YChGIC). Gyda llawer o staff llawn amser, staff academaidd a lleoliadau myfyrwyr, darperir gwasanaeth cymorth gwirioneddol integredig ac unigryw i'n rhaglenni perfformio.
Cryfder a Chyflyru
Mae ein tîm yn cyflwyno rhaglen o sesiynau grwp a thimau bach gyda phrofion integredig drwy gydol y tymor.
Mae pob rhaglen wedi'i chynllunio'n benodol i fod o fudd i'r tîm neu'r unigolyn ac mae'n cwmpasu holl ddatblygiad yr athletwr yn berthynol â gofynion y gystadleuaeth neu'r tu allan i'r tymor. Y tu hwnt i gryfder a phŵer, mae cyfuniad o ymarfer cyflymder, ystwythder, plyometrig, dygnwch a sefydlogrwydd yn cael eu tanategu mewn amgylchedd agos, cefnogol, blaengar.
Cymerwch olwg agosach ar y Tîm Cryfder a Chyflyru ym Met Caerdydd.
Ffisiotherapi
Mae ein tîm yn darparu cymorth adsefydlu a strategaethau lleihau anafiadau yn ogystal â darparu hyfforddiant a darpariaeth diwrnod gem.
Ffordd o Fyw Athletwyr a Datblygiad Personol
Mae ein ffordd o fyw athletwyr a'n cymorth datblygiad personol yn canolbwyntio ar ddarparu cefnogaeth a chyfleoedd diduedd ar gyfer datblygiad corfforol.
Dadansoddiad Perfformiad
Cyflwynir Dadansoddi Perfformiad mewn partneriaeth ag YChGIC. Gan elwa o'n labordy dadansoddi a chamerâu ar y campws wedi'u hintegreiddio i'n cyfleusterau chwaraeon, gall timau gael dadansoddiad o'u gemau a'u hyfforddiant.
Gwasanaethau Perfformiad Eraill
Mae rhai o'n rhaglenni perfformio hefyd yn gweithio'n agos gyda staff academaidd i elwa o'r gwaith cyflwyno, ymchwil a phrofi diweddaraf mewn meysydd fel Biomecaneg a Ffisioleg.