Peirianneg Meddalwedd - Gradd BSc (Anrh)

Blwyddyn Sylfaen (Blwyddyn 0):

Gall y rhaglen hon ymgorffori Blwyddyn Sylfaen, sydd wedi’i bwriadu ar gyfer myfyrwyr sy’n dymuno cofrestru ar y radd anrhydedd tair blynedd, sy’n perthyn i un o’r categorïau canlynol:

1. Myfyrwyr nad ydynt wedi cael y sgôr gofynnol ar gyfer Lefel A (neu gyfwerth) i gael mynediad i flwyddyn gyntaf y rhaglen radd.

2. Myfyrwyr hŷn sydd wedi bod allan o’r system addysg ffurfiol ers peth amser.

Mae rhagor o wybodaeth am y Flwyddyn Sylfaen ar gael drwy glicio yma.

Gradd

Mae’r rhaglen radd Peirianneg Meddalwedd yn cynnwys nifer o fodiwlau gorfodol, gydag ystod o opsiynau yn yr ail flwyddyn a’r flwyddyn olaf i ddatblygu eich diddordebau a’ch arbenigedd penodol.

Mae gan fyfyrwyr hefyd yr opsiwn i gwblhau lleoliad blwyddyn o hyd mewn diwydiant rhwng Blynyddoedd 2 a 3.

Mae’r modiwlau yn 20 credyd oni nodir yn wahanol.

Blwyddyn 1:

Mae myfyrwyr yn dilyn 120 credyd o fodiwlau gorfodol:

• Egwyddorion Rhaglennu
• Pensaernïaeth a Systemau Gweithredu
• Meddwl Cyfrifiadurol
• Explore
  
• Dylunio Gwefannau a Chronfeydd Data
  

Blwyddyn 2:

Mae myfyrwyr yn dilyn 100 credyd o fodiwlau gorfodol, gyda dewis o un modiwl dewisol 20 credyd:

• Dylunio System sy’n Canolbwyntio ar Wrthrych
  
• Symudol & Technolegau Gwe
• Expand
  
• Datblygu Ystwyth a DevOps
• Algorithmau a Strwythurau Data

Modiwlau opsiynol* (un o’r canlynol):

• Rheoli Data a Gwybodaeth
• Rhwydweithiau a Chyfathrebu
  

Blwyddyn 3:

Mae myfyrwyr yn dilyn 100 credyd o fodiwlau gorfodol, gyda dewis o un modiwl dewisol 20 credyd.

Modiwlau gorfodol:

• Systemau Cyfochrog a Dosbarthu
• Rhaglennu Uwch
• Prosiect Datblygu (40 credyd)
• Technoleg Broffesiynol, Gynaliadwy a Moesegol

Modiwlau dewisol* (un o’r canlynol):

• Seiberddiogelwch a Cryptograffeg
  
• Profiad Gwaith Diwydiannol
• Technoleg Gwefannau Uwch




Nodyn: Mae modiwlau dewisol yn amodol ar argaeledd a galw; felly, ni chaiff pob modiwl dewisol redeg mewn un Flwyddyn Academaidd.

Anogir dull myfyriwr-ganolog o ddysgu ac addysgu trwy ddefnyddio ystod eang o strategaethau addysgu, megis labordai technegol a phrosiectau unigol a phrosiectau grŵp. Bydd astudiaethau achos go iawn ac anerchiadau gan westeion a fydd yn arbenigwyr o fyd busnes, ac â chefnogaeth Teams a Moodle, ein hamgylcheddau dysgu rhithiol, yn ychwanegu at hyn.

Oherwydd natur y rhaglen, bydd gweithdai ymarferol ar y campws ac ar-lein yn allweddol er mwyn datblygu dealltwriaeth a galluoedd technegol myfyrwyr, â sylfeini damcaniaethol sicr yn greiddiol iddyn nhw. Bydd disgwyl i’r myfyrwyr ddatblygu eu gwybodaeth a’u dealltwriaeth ymhellach drwy hunan-astudio cyfeiriedig ac amser ar gyfer dysgu annibynnol – yn ogystal â chyflawni’r gwaith ar yr amserlen – i gael datblygu portffolio proffesiynol o waith prosiect ac arteffactau meddalwedd wrth iddyn nhw symud i swyddi yn raddedigion.

Bydd Tîm y Rhaglen yn cefnogi’r myfyrwyr yn academaidd ac yn fugeiliol, o dan arweiniad Cyfarwyddwr y Rhaglen. Bydd Tiwtor Personol o fewn yr Ysgol yn cael ei neilltuo i bob myfyriwr hefyd a fydd yn bwynt cyswllt ar gyfer materion academaidd a bugeiliol cyffredinol. Cefnogir myfyrwyr hefyd gan Hyfforddwyr Myfyrwyr; mae rôl Hyfforddwr Myfyrwyr ar gyfer myfyrwyr cyfredol 2il, 3edd flwyddyn a Meistr sy'n darparu cefnogaeth cymheiriaid mewn Modiwlau.

Bydd y strategaeth asesu ar gyfer y rhaglen yn amrywio i sicrhau’r dull mwyaf priodol ar gyfer pob modiwl a phwnc penodol. Caiff modiwlau eu hasesu drwy gyfuniad o ddulliau, megis arholiadau ffurfiol, aseiniadau rhaglennu ymarferol, aseiniadau ysgrifenedig, adroddiadau technegol, cyflwyniadau, profion yn y dosbarth, asesiadau gan gymheiriaid ac astudiaethau achos.

Prif nod y rhaglen radd hon yw datblygu eich gwybodaeth a’ch arbenigedd mewn dylunio, datblygu a darparu meddalwedd ar gyfer amgylcheddau a llwyfannau modern. Bydd yn arddangos effaith a phwysigrwydd ehangach meddalwedd a thechnoleg i’r economi ddigidol yn y DU ac yn fyd-eang, gan ddatblygu diwylliant a gwerthfawrogiad o saernïaeth meddalwedd a gwaith ’codemanship’ drwy greu arteffactau meddalwedd defnyddiol y gellir eu defnyddio. Ar ben hynny, bydd gennych sgiliau meddwl cyfrifiadurol, dadansoddi a datrys problemau trosglwyddadwy iawn.

Peirianneg Meddalwedd
Bydd graddedigion Peirianneg Meddalwedd yn dod o hyd i amrywiaeth eang o gyfleoedd gyrfa ar draws y sector TG a thelathrebu traddodiadol, yn ogystal â’r mwyafrif o’r sectorau diwydiannol eraill (cyhoeddus a phreifat), gan gynnwys y diwydiannau digidol/creadigol, gwasanaethau ariannol a phroffesiynol, gweithgynhyrchu uwch, peirianneg ac ymgynghoriaeth reoli.

Gallwch gael profiad byd go iawn fel rhan o’ch astudiaeth drwy gwblhau lleoliad blwyddyn ryngosod opsiynol /interniaeth ddiwydiannol. Dros y blynyddoedd diwethaf, mae ein myfyrwyr wedi llwyddo i gael lleoliadau mewn cynlluniau cystadleuol cenedlaethol gyda Microsoft, HP, General Electric a’r Swyddfa Dywydd.

Mae’r rhaglen radd hon yn y broses o gael ei hachredu gan BCS, y Sefydliad Siartredig TG – y corff sy’n hyrwyddo’r proffesiwn TG byd-eang gyda mwy na 70,000 o aelodau ledled y byd. Mae’r rhaglen radd hon yn bodloni’r gofynion addysgol ar gyfer aelodaeth broffesiynol a statws siartredig (ar ôl cwblhau profiad yn y diwydiant yn llwyddiannus ar y lefel briodol o hynafedd).

Ar ôl cwblhau’r rhaglen radd hon yn llwyddiannus, mae yna hefyd opsiynau astudio ôl-raddedig a addysgir ymhellach ar draws systemau cyfrifiadura a gwybodaeth yma ym Met Caerdydd, yn ogystal â rhaglenni ymchwil a PhD.

Cynigion Nodweddiadol

• Pwyntiau tariff: 104-112
  
• Cynnig cyd-destunol: Gweler ein tudalen cynigion cyd-destunol.
  
• TGAU: Pum TGAU ar Radd C / 4 neu uwch, gan gynnwys Saesneg Iaith / Cymraeg Iaith Gyntaf a Mathemateg / Mathemateg – Rhifedd.
  
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
  
• Pynciau Safon Uwch: O leiaf tair Safon Uwch i gynnwys Graddau CCC. Does dim angen pynciau penodol. Bagloriaeth Cymru – Ystyrir Tystysgrif Her Sgiliau Uwch fel trydydd pwnc.
  
• Diploma Cenedlaethol BTEC / Diploma Estynedig Technegol Caergrawnt: DMM
  
• Lefel T: Teilyngdod. Does dim angen pynciau penodol.
  
• Diploma Mynediad i Addysg Uwch: Does dim angen pynciau penodol.
  
• Diploma Bagloriaeth Ryngwladol (IB): 2 x H5. Does dim angen pynciau penodol.
  
• Tystysgrif Gadael Iwerddon: 2 x gradd H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
  
• Advanced Highers yr Alban: Graddau DD. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.
  

Os nad ydych yn bodloni’r gofyniad mynediad uchod, rydym hefyd yn cynnig Rhaglen Sylfaen sy’n caniatáu gwneud cynnydd i Flwyddyn 1.

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Ar gyfer ymholiadau cyffredinol, cysylltwch â’r Tîm Derbyniadau ar 029 2041 6044 neu ebost askadmissions@cardiffmet.ac.uk.

Ar gyfer ymholiadau cwrs-benodol, cysylltwch â Chyfarwyddwr y Rhaglen, Dr Paul Jenkins:
E-bost: PJenkins2@cardiffmet.ac.uk