Rheoli Gwesty a Lletygarwch Rhyngwladol - Gradd BA (Anrh)

​Gellir astudio’r radd hon fel gradd amser llawn tair blynedd neu radd pedair blynedd sy’n cynnwys blwyddyn o astudio sylfaenol. Bwriad ein blwyddyn sylfaen yw eich paratoi ar gyfer eich blynyddoedd dilynol o astudio, gan gynnig cyfle i chi gryfhau eich sgiliau, eich gwybodaeth a’ch hyder.

Bydd y flwyddyn sylfaen yn berthnasol i:

1. Myfyrwyr nad ydynt wedi cael y nifer gofynnol o bwyntiau Safon Uwch (neu gyfwerth) i ddechrau ar flwyddyn gyntaf y rhaglen radd.
2. Myfyrwyr hŷn sydd wedi bod allan o’r system addysg ffurfiol ers peth amser.

Darganfyddwch fwy am y flwyddyn sylfaen.

Nodwch: Bydd angen i chi wneud cais gan ddefnyddio cod UCAS penodol os ydych yn dymuno ymgymryd â’r 4 blynedd gan gynnwys sylfaen. Cyfeiriwch at Wybodaeth Gwrs Allweddol ar waelod y dudalen hon.

​Blwyddyn Un

• Hanfodion Lletygarwch (20 credyd​)
• Gweithrediadau Coginio a Gwasanaeth (20 credyd)
• Marchnata ar gyfer Twristiaeth, Lletygarwch a Digwyddiadau (20 credyd) *
• Datblygu Pobl o fewn Sefydliadau (20 credyd)
• Refeniw, Costau a Rheolaethau Cyllidebol (20 credyd)

Modiwlau dewisol gorfodol (dewiswch un o’r canlynol):

• Gweithrediadau Gwesty a Lletygarwch Ymarferol (20 credyd)
• Sbaeneg mewn Cyd-destunau Proffesiynol 1 (20 credyd)
• Tsieinëeg Mandarin mewn Cyd-destunau Proffesiynol 1 (20 credyd)
• Ffrangeg mewn Cyd-destunau Proffesiynol 1 (20 credyd)

* Modiwl ar gael drwy gyfrwng y Gymraeg.

** Gall myfyrwyr ddewis gwneud naill ai Gweithrediadau Gwesty a Lletygarwch Ymarferol neu un o’r modiwlau iaith ym Mlwyddyn Un.

Blwyddyn Dau

Mae’r ail flwyddyn yn adeiladu ar eich sylfaen wybodaeth bresennol ac yn symud ymlaen i feysydd mwy arbenigol o reoli gwesty twristiaeth a lletygarwch.

Modiwlau gorfodol:

• Gweithrediadau Gwesty, Tactegau a Gwneud Penderfyniadau (20 credyd)
• Digwyddiadau Lletygarwch yn y Trydydd Sector (20 credyd)
• Dylunio Ymchwil ar Waith​ (20 credyd) *

Modiwlau dewisol gorfodol (dewiswch o leiaf un):

• Ymddygiad Defnyddwyr ar gyfer Twristiaeth, Lletygarwch a Digwyddiadau (20 credyd)
• Rheoli Pobl ar gyfer Twristiaeth, Lletygarwch a Digwyddiadau (20 credyd)
• Dechrau Busnes ac Entrepreneuriaeth (20 credyd)

Modiwlau dewisol:

• Lleoliad Gwaith yn yr Haf (20 credyd)
• Technolegau ar gyfer Twristiaeth, Lletygarwch a Digwyddiadau (20 credyd)
• Newid Cymdeithasol a Chydraddoldeb(au) (20 credyd)
• Sbaeneg mewn Cyd-destunau Proffesiynol 2 (20 credyd) **
• Tsieinëeg Mandarin mewn Cyd-destunau Proffesiynol 2 (20 credyd) **
• Ffrangeg mewn Cyd-destunau Proffesiynol 2 (20 credyd) **

* Modiwl ar gael drwy gyfrwng y Gymraeg.

** Dim ond os gwnaethant eu dilyn ym Mlwyddyn Un y gall y myfyrwyr ddewis opsiwn iaith.

Blwyddyn Tri

Mae’r drydedd flwyddyn yn galluogi myfyrwyr i deilwra eu gradd yn seiliedig ar eu diddordebau a’u dyheadau gyrfaol.

Modiwlau gorfodol:

• Lletygarwch Critigol (20 credyd)
• Rheoli Gwesty a Lletygarwch Cynaliadwy mewn Byd sy’n Newid (20 credyd)
• Arweinyddiaeth Strategol a Rheoli Newid (20 credyd)
• Traethawd Hir (40 credyd) *, Prosiect Menter (40 credyd) *, Prosiect Ymgynghori (40 credyd) NEU Astudiaeth Ymchwil Annibynnol (20 credyd)

Modiwlau dewisol:

• Rheoli Gwesty Cyrchfan a Stadia (20 credyd)
• Twristiaeth Gastronomig (20 credyd)
• Cyfathrebu Marchnata yn yr Oes Ddigidol (20 credyd)
• Adnoddau Cyflogeion a Rheoli Gwirfoddolwyr (20 credyd)
• Cyrchfannau a Digwyddiadau (20 credyd)
• Arweinyddiaeth a Datblygiad Proffesiynol gyda Mentora (20 credyd)
• Sbaeneg mewn Cyd-destunau Proffesiynol 3 **
• Tsieinëeg Mandarin mewn Cyd-destunau Proffesiynol 3 **
• Ffrangeg mewn Cyd-destunau Proffesiynol 3 **

* Modiwl ar gael drwy gyfrwng y Gymraeg.

** Dim ond os gwnaethant eu dilyn ym Mlwyddyn Un a Dau y gall y myfyrwyr ddewis opsiwn iaith.

Sylwer bod modiwlau dewisol yn rhedeg yn dibynnu ar y galw ac argaeledd​.

Dysgir ein gradd Rheoli Gwesty a Lletygarwch Rhyngwladol trwy gyfuniad o ddarlithoedd wythnosol, tiwtorialau, gweithdai a seminarau.

Byddwch yn elwa o siaradwyr gwadd arbenigol y diwydiant, gweithdai rhyngweithiol a theithiau maes trwy gydol eich astudiaethau. Bydd dysgu wyneb yn wyneb a dysgu rhithwir yn rhoi'r sgiliau ymarferol, datrys problemau a digidol sydd eu hangen arnoch i ffynnu fel rheolwr gwesty neu letygarwch.

Bydd y dysgu seiliedig ar waith yn digwydd yn ein hystafell lletygarwch pwrpasol ein hunain ar y safle a cheginau cyfagos, sydd wedi'u cynllunio'n benodol at eich defnydd chi. Man hyblyg lle cewch gyfle i weithio mewn grwpiau i ddylunio a rheoli digwyddiad lletygarwch.

Mae addysgu yn y ffordd ymarferol hon nid yn unig yn helpu i ddatblygu sgiliau rheoli gwestai a lletygarwch allweddol, ond hefyd yn adeiladu eich hyder.

Darllenwch astudiaethau achos a chwblhewch ymarferion ymarferol i gymhwyso theori mewn lleoliad ymarferol. Mireiniwch eich sgiliau cyflwyno mewn amgylchedd cefnogol clos a chael adborth gwerthfawr gan y tîm academaidd.

Mae gennych yr opsiwn i ddewis lleoliad gwaith blwyddyn o hyd yn y DU neu dramor gyda'n llwybr Rheoli Gwestai a Lletygarwch Rhyngwladol gydag Interniaeth. Mae cyrchfannau interniaeth yn y gorffennol yn cynnwys Disney World yn Florida, Silverstone Grand Prix, The Royal Crescent Hotel and Spa (Caerfaddon), Greenwich Country Club (UDA), a Scottish Golf Open.

Mae gennym ni gysylltiad cryf â’r diwydiant ledled y byd. Rydym yn eich annog yn frwd i wneud gwaith am dâl a gwirfoddol trwy gydol eich astudiaethau i hybu eich cysylltiadau yn y sector.

Gallwch gael mynediad at gynnwys y cwrs trwy Moodle, yr amgylchedd dysgu rhithwir, gydag offer a deunyddiau dysgu rhyngweithiol. Byddwch hefyd yn cael mynediad at wasanaethau’r Llyfrgell, Met Search, ac adnoddau gan y Sefydliad Lletygarwch.

Byddwch yn dysgu gan ein tîm angerddol o ddarlithwyr Gwesty a Lletygarwch Rhyngwladol sydd hefyd yn arbenigwyr diwydiant profiadol.

Byddwch yn elwa o gael eich Tiwtor Personol eich hun drwy gydol eich astudiaethau.

Asesir ein Gradd Rheoli Gwesty a Lletygarwch Rhyngwladol gan ddefnyddio amrywiaeth o ddulliau megis traethodau, adroddiadau, cyflwyniadau, astudiaethau achos, diwrnodau asesu adeiladu tîm, portffolios a chyflwyniadau poster heb unrhyw arholiadau ffurfiol.

Mae ein hasesiadau wedi'u cynllunio i ddatblygu a hyrwyddo sgiliau trosglwyddadwy a bod o ddefnydd ymarferol wrth weithio yn y diwydiant gwestai a lletygarwch. Mae hyn yn cynnwys gweithio mewn tîm, datrys problemau, sgiliau cyflwyno, sgiliau digidol, cyfathrebu a gweithio dan bwysau.

Byddwch yn derbyn ystod eang o adborth ar eich gwaith ar lafar ac yn ysgrifenedig.

Mae'r sector gwestai a lletygarwch yn un o'r diwydiannau byd-eang mwyaf. Mae lletygarwch yn sector hanfodol o economi’r DU, ac fel diwydiant mae wedi profi i fod yn arloesol, yn ystwyth ac yn wydn yn wyneb afiechyd a thrychinebau naturiol.

Mae galw yn y farchnad am reolwyr Gwestai a Lletygarwch arbenigol, yn enwedig ym meysydd gweithrediadau, rheoli refeniw, arloesi, sgiliau digidol, cynaliadwyedd, a rheoli risg.

Bydd y sgiliau a ddysgwch chi trwy gydol ein Gradd Rheoli Gwestai a Lletygarwch Rhyngwladol yn eich galluogi i ddatblygu i rolau rheoli uwch mewn cyfnod cymharol fyr o amser ar ôl graddio.

Mae'r diwydiant lletygarwch yn cynnig ystod amrywiol o gyfleoedd gyrfa lle bydd graddedigion mewn sefyllfa dda i sicrhau swyddi rheoli yn sectorau preifat, cyhoeddus a gwirfoddol y diwydiant.

O westai, bwytai, clybiau, bariau, rheoli manwerthu trwyddedig, rheoli cynadleddau a digwyddiadau i adnoddau dynol a marchnata o fewn lletygarwch; ynghyd ag adrannau lletygarwch o fewn y gwasanaethau arfog, contract, gwasanaeth iechyd ac arlwyo lles.

Wedi'u hachredu gan y Sefydliad Lletygarwch, mae graddedigion llwyddiannus yn gymwys ar gyfer aelodaeth drwyddedig.

Pa bynnag lwybr gyrfa a gymerwch, mae ein tîm gyrfaoedd a chyflogadwyedd gyda chi bob cam o'r ffordd ar hyd eich taith. O'ch helpu i sicrhau lleoliadau gwaith ac interniaethau i ffeiriau gyrfaoedd a gweithdai cyflogadwyedd.

Mae Ysgol Reoli Caerdydd hefyd yn gartref i’r Ganolfan Entrepreneuriaeth, adran bwrpasol Prifysgol Metropolitan Caerdydd ar gyfer cefnogi ac annog entrepreneuriaeth ymhlith myfyrwyr a graddedigion.

Mae opsiynau astudio pellach yn cynnwys nifer o gyrsiau ardystio megis Dyfarniad Deiliaid Trwydded Bersonol BIIAB a Lefel 2 Diogelwch Bwyd. 

Byddwch hefyd yn cael cyfle i gwblhau M.Sc. mewn Rheoli Lletygarwch a Thwristiaeth neu M.Sc. mewn Rheoli Digwyddiadau, gyda chyfleoedd i symud ymlaen i raglenni doethuriaeth, megis MPhil, PhD, DMan a Doethuriaeth Broffesiynol, i gyd yma ym Mhrifysgol Metropolitan Caerdydd.

Cynigion Nodweddiadol

​Mae’r gofynion canlynol yn seiliedig ar gynigion nodweddiadol sy’n berthnasol i ddechrau ar flwyddyn 1 y radd.

Os nad ydych yn bodloni’r gofyniad mynediad uchod, rydym hefyd yn cynnig Flwyddyn Sylfaen sy’n caniatáu gwneud cynnydd i Flwyddyn 1.​

• Pwyntiau tariff: 96-112
  
• Cynnig cyd-destunol: Gweler ein tudalen cynigion cyd-destunol.
  
• TGAU: Pum TGAU ar Radd C / 4 neu uwch, gan gynnwys Saesneg Iaith / Cymraeg Iaith Gyntaf a Mathemateg / Mathemateg – Rhifedd.
  
• Gofyniad Iaith Saesneg: IELTS Academaidd 6.0 yn gyffredinol gydag o leiaf 5.5 ym mhob elfen, neu gyfwerth.
  
• Pynciau Safon Uwch: O leiaf tair Safon Uwch i gynnwys Graddau CCC. Does dim angen pynciau penodol. Bagloriaeth Cymru – Ystyrir Tystysgrif Her Sgiliau Uwch fel trydydd pwnc.
  
• Diploma Cenedlaethol BTEC / Diploma Estynedig Technegol Caergrawnt: MMM-DMM
  
• Lefel T: Pasio (C+) – Teilyngdod.
  
• Diploma Mynediad i Addysg Uwch: Does dim angen pynciau penodol.
  
• Diploma Bagloriaeth Ryngwladol (IB): 2 x H5. Does dim angen pynciau penodol.
  
• Tystysgrif Gadael Iwerddon: 2 x gradd H2. Does dim angen pynciau penodol. Ystyrir pynciau lefel uwch yn unig gydag isafswm gradd H4.
  
• Advanced Highers yr Alban: Graddau DD. Does dim angen pynciau penodol. Ystyrir Highers yr Alban hefyd, naill ai ar eu pennau eu hunain neu ar y cyd ag Advanced Highers.
  

Derbynnir cyfuniadau o’r cymwysterau uchod os ydyn nhw’n cwrdd â’n gofynion lleiaf. Os nad yw eich cymwysterau wedi’u rhestru, cysylltwch â Derbyniadau neu cyfeiriwch at Chwiliad Cwrs UCAS.

Mae rhagor o wybodaeth ar gymwysterau Tramor i’w gweld yma.

Os ydych yn ymgeisydd hŷn, mae gennych brofiad perthnasol neu RPL yr hoffech i ni ei ystyried, cysylltwch â Derbyniadau.

Sut i Ymgeisio

Mae rhagor o wybodaeth ar sut i ymgeisio i’w gweld yma.

Ar gyfer ymholiadau cwrs-benodol, cysylltwch ag arweinydd y rhaglen, Darr​yl Gibbs​:
E-bost:dgibbs@cardiffmet.ac.uk
Ffôn: 029 2041 6327​

Ar gyfer ymholiadau cyffredinol, cysylltwch â'r Tîm Derbyn ar 029 2041 6044 6044 neu e-bostiwch askadmissions@cardiffmet.ac.uk.