Bydd myfyrwyr yn cwblhau'r modiwlau canlynol dros gyfnod o flwyddyn lawn (amser llawn) neu ddwy flynedd (rhan-amser); gellir gweld modiwlau yma.

Mae yna fodiwl pwnc penodol a thri modiwl a rennir sy'n eich paratoi ar gyfer eich maes ymchwil ac yn datblygu eich sgiliau fel ymchwilydd.

Traethawd Hir
Bydd myfyrwyr yn cwblhau cynllun traethawd hir (10 credyd) a chymhwysiad moeseg cysylltiedig. Dilynir hyn gan y traethawd hir sy'n cyfrif am 100 credyd. Ysgrifennir y traethawd hir fel dau bapur ymchwil sy'n mynd i'r afael â dau faes ar wahân o'r prosiect ymchwil. Bydd y traethawd hir yn cynnwys holl elfennau'r broses ymchwil o ddyluniad yr astudiaeth, casglu data, dadansoddi canfyddiadau ac adroddiad ar ffurf erthygl mewn cyfnodolyn. Bydd myfyrwyr yn cael eu goruchwylio gan ddau aelod o staff i gwblhau eu traethawd hir. Bydd myfyrwyr yn cael eu paru ag aelodau staff priodol sydd ag arbenigedd yn y pwnc a / neu'r fethodoleg a ddewiswyd.

Mae'r rhaglen MRes yn cynnwys 180 credyd y mae 110 ohonynt yn cael eu hennill o gwblhau cynllun traethawd hir a thraethawd hir ar y pwnc a ddewiswyd gan fyfyrwyr. Mae'r rhaglen ar ffurf ymchwil annibynnol i raddau helaeth, gyda chefnogaeth goruchwylwyr academaidd. Mae'r 70 credyd o fodiwlau ymchwil arbenigol a addysgir yn sicrhau y bydd gennych y wybodaeth, y sgiliau ymarferol a phroffesiynol i gymryd rhan mewn maes ymchwil o'ch dewis a hefyd i ddarparu sylfaen wybodaeth ehangach o fethodolegau ymchwil. Bydd y modiwlau a addysgir yn cynnwys amrywiaeth o wahanol ddulliau dysgu ac addysgu gan gynnwys: darlithoedd, seminarau, gwaith grŵp bach, gweithdai, dysgu ar-lein, dosbarthiadau tiwtorial a dysgu hunangyfeiriedig.

Dyrennir dau aelod o staff i bob myfyriwr er mwyn goruchwylio eu traethawd hir yn ogystal â thiwtor personol ar wahân. Bydd eich tiwtor personol yn eich cefnogi gyda gofal bugeiliol a chyngor ar gyfer cynllunio gyrfa, e.e. eich cefnogi chi wrth gwblhau cynllun datblygiad personol.

Mae gan bob modiwl ei ffurf ei hun o asesu. Asesir mwyafrif y modiwlau trwy waith cwrs, gan gynnwys adolygiadau ymchwil, adroddiadau, traethodau a chyflwyniadau. Bydd y traethawd hir yn cael ei ysgrifennu ar ffurf dwy erthygl mewn cyfnodolion.

Bydd graddedigion MRes mewn sefyllfa dda ar gyfer astudio ar lefel PhD neu yrfa sy'n cynnwys cynnal, gwerthuso'n feirniadol neu gymhwyso canfyddiadau ymchwil. Mae ymarfer sy'n seiliedig ar dystiolaeth yn golygu bod gwybodaeth a dealltwriaeth o ymchwil yn hanfodol ym mhob maes sy'n gysylltiedig ag iechyd fel bod darparwyr gofal iechyd yn gallu dehongli canfyddiadau ymchwil blaenorol, ynghyd â chyfrannu at y broses o ddylunio a chynnal prosiectau ymchwil. Bydd graddedigion hefyd wedi'u cymhwyso'n dda mewn rolau sy'n cynnwys ysgrifennu gwyddonol, dadansoddi ymchwil, dylunio neu weinyddu prosiectau ymchwil a datblygu portffolios ymchwil.

Fel rheol mae angen gradd anrhydedd dda (fel arfer 2.1 neu uwch) mewn pwnc iechyd neu wyddor gymdeithasol. Fodd bynnag, croesewir ymgeiswyr sydd â phrofiad neu gymwysterau proffesiynol perthnasol a chânt eu hystyried yn unigol.

Ymgeiswyr Rhyngwladol
Bydd angen i fyfyrwyr nad Saesneg yw eu hiaith gyntaf ddarparu tystiolaeth o ruglder i safon IELTS 6.0 neu gyfwerth o leiaf. I gael manylion llawn am sut i wneud cais ac am gymwysterau Iaith Saesneg ewch i’r tudalennau Rhyngwladol ar y wefan.

Y Broses Ddethol:
Ar ôl derbyn eich cais fe'ch gwahoddir i gyfarfod byr gyda Chyfarwyddwr y Rhaglen i drafod y cwrs yn fwy manwl ac ystyried pa un yw'r llwybr rhaglen mwyaf priodol ac addas i'ch cefndir a'ch anghenion yn y dyfodol.

Sut i Wneud Cais::  
Dylid gwneud ceisiadau am y cwrs hwn yn uniongyrchol i'r brifysgol trwy ein cyfleuster hunanwasanaeth. Am wybodaeth pellach ewch i'n tudalennau Sut i Wneud Cais: www.cardiffmet.ac.uk/howtoapply.

Os oes gennych ddiddordeb mewn defnyddio credyd gan sefydliad arall, neu os ydych wedi ennill cymwysterau a / neu brofiad i astudio ar gyfer cwrs yn Met Caerdydd, gallwch ddod o hyd i ragor o wybodaeth am hyn ynghyd â gwybodaeth ar sut i wneud cais ar y dudalen RPL.

Ffioedd Dysgu a Chefnogaeth Ariannol:
I gael yr wybodaeth ddiweddaraf am ffioedd dysgu a'r gefnogaeth ariannol a allai fod ar gael. Ewch i www.cardiffmet.ac.uk/fees. 

Sylwch fod costau ychwanegol i ffi’r cwrs ar gyfer y rhaglen hon. Mae mwy o wybodaeth ar y dudalen we ffioedd.

Ffioedd rhan-amser:
Codir y taliadau fesul Modiwl Unigol oni nodir yn benodol:
Israddedig = 10 Credyd; Ôl-raddedig = 20 Credyd

Yn gyffredinol, bydd y mwyafrif o fyfyrwyr yn cwblhau 60 credyd y flwyddyn ar gyfer astudiaethau Israddedig ac Ôl-raddedig; i gael gwir brisiad, cysylltwch â Chyfarwyddwr y Rhaglen yn uniongyrchol.

Ar gyfer ymholiadau cyffredinol, cysylltwch â'r Tîm Derbyn ar 029 2041 6044 neu e-bostiwch askadmissions@cardiffmet.ac.uk.

Ar gyfer ymholiadau cyffredinol, cysylltwch â'r Tîm Derbyn ar 029 2041 6044 neu e-bostiwch asquire@cardiffmet.ac.uk ​​​