Beth sy'n digwydd yn ystod yr asesiad?
Mae eich asesiad yn gyfle i drafod eich anabledd a sut mae'n effeithio ar eich astudiaethau. Bydd yr asesydd yn gofyn i chi am eich profiadau addysgol, eich cymwysterau a'r cwrs rydych chi'n bwriadu ei astudio. Gall fod yn ddefnyddiol meddwl am bethau fel pa mor effeithiol oedd eich strategaethau blaenorol, unrhyw offer/meddalwedd a oedd yn ddefnyddiol i chi, ac ati cyn eich asesiad. Yn ystod yr asesiad byddwch yn gallu trafod a rhoi cynnig ar ystod o offer a meddalwedd TG, ynghyd â strategaethau cymorth gan gynnwys cefnogaeth arbenigol un i un, cymryd nodiadau a hyfforddiant TG.
Pa mor hir fydd yr asesiad yn ei gymryd?
Gallai'r asesiad bara hyd at 2 awr. Ni fydd yn rhaid i chi wneud unrhyw brofion yn ystod yr asesiad.
Beth sy'n digwydd ar ôl fy asesiad anghenion?
Bydd yr asesydd yn ysgrifennu adroddiad Asesiad Anghenion yn seiliedig ar y dystiolaeth feddygol, yr holiadur a gwblhawyd gennych cyn yr asesiad a'r drafodaeth yn ystod yr asesiad. Bydd hyn yn cael ei gwblhau o fewn 10 diwrnod gwaith o'ch asesiad.
Byddwn yn anfon yr adroddiad atoch chi a chyllid myfyrwyr, os yw'n well gennych, gallwch ofyn am weld drafft o'r adroddiad cyn ei anfon at Gyllid Myfyrwyr. Os ydych yn anghytuno ag unrhyw un o'r argymhellion neu os hoffech i unrhyw beth newid, cysylltwch â'r Ganolfan Asesu. Yn gyffredinol, bydd newidiadau yn cael eu gwneud o fewn 1 diwrnod gwaith neu cyn gynted â phosibl yn dibynnu ar yr hyn sy'n ofynnol. Byddwn yn eich hysbysu'n llawn am yr amserlenni sydd eu hangen.
Unwaith y bydd yr adroddiad wedi'i anfon at Gyllid Myfyrwyr byddant yn cysylltu â chi ynghylch prynu unrhyw offer/cymorth. Mae hwn yn llythyr LFA2, mae'n cadarnhau pa gefnogaeth y cytunwyd arno a phwy yw'r cyflenwyr.
Os nad ydych wedi derbyn llythyr LFA2 o fewn 4 wythnos i'ch asesiad, cysylltwch â'ch corff cyllido i wirio cynnydd. Gallwch hefyd gysylltu â'r Ganolfan Asesu i gael help gyda hyn os yw'n well gennych.
Beth os ydw i'n anghytuno â'r argymhellion?
Os ydych chi'n anfodlon ag unrhyw agwedd ar eich asesiad, cysylltwch â'ch asesydd i ddechrau:
E-bost: ssta@cardiffmet.ac.uk
Ffôn: 02920 205547
Gallwch hefyd alw yn y Ganolfan o fewn Gwasanaethau Myfyrwyr.
Rydym hefyd yn cydymffurfio â’r
weithdrefn gwynion sefydliadol.
Sut y bydd taliadau'n cael eu gwneud?
Bydd eich corff cyllido yn ysgrifennu atoch i ddweud wrthych sut i archebu'ch offer, bydd rhai cyrff cyllido yn ei archebu ar eich rhan, bydd eraill yn dweud wrthych gan ba gyflenwr i'w archebu.
Bydd eitemau lwfans cyffredinol yn cael eu had-dalu gan eich corff cyllido o ganlyniad i gyflwyno derbynebau ynghyd â ffurflen 'hawlio ad-daliad'. Mae'r ffi asesu anghenion yn cael ei chynnwys drwy gydol eich astudiaethau ac fe’i telir o’ch Lwfans Myfyrwyr Anabl (DSA).
A alla i gadw fy offer pan ddaw fy nghwrs i ben?
Eich eiddo chi yw unrhyw offer a brynir trwy'r DSA a bydd yn dal i fod yn eiddo i chi pan fyddwch wedi cwblhau'ch cwrs.
Gweithdrefn Cadw Data a Rheoli Cofnodion
Lawrlwythwch y weithdrefn
Mae hyn yn cynnwys:
- Data rydym yn ei gasglu
- Sut rydym yn cadw data
- Sut mae data'n cael ei storio
- Pa mor hir y cedwir data
- Sut mae'r data yn cael ei ddileu.
