Cynnwys y Cwrs
Modiwlau gorfodol:
Data Mawr ar gyfer Menter (20 credyd)
Bydd y modiwl hwn yn cyflwyno technegau rheoli data mawr trwy weithgareddau ymarferol sy'n gysylltiedig â materion byd go iawn.
Technolegau Data Mawr (20 credyd)
Nod y modiwl hwn yw rhoi gwybodaeth ddamcaniaethol a sgiliau ymarferol i fyfyrwyr drwy ymdrin â thueddiadau diweddar i storio, prosesu a dadansoddi data mawr mewn amgylchedd gwasgaredig.
Dadansoddiad Geo-ofodol (20 credyd)
Nod y modiwl hwn yw rhoi cyfle i fyfyrwyr ennill profiad a datblygu sgiliau wrth drin data gofodol, a nodi a deall unrhyw batrymau a ddatgelir yn y data hwnnw trwy gymhwyso technegau amrywiol mewn dadansoddi gofodol.
Rhaglennu ar gyfer Dadansoddi Data (20 credyd)
Nod y modiwl hwn yw helpu myfyrwyr i ddatblygu dealltwriaeth o strategaethau rhaglennu a datrys problemau, yn ogystal â datblygu, dadansoddi ac asesu'n feirniadol datrysiadau i broblemau dadansoddi data yn y byd go iawn.
Ymchwil ac Ymarfer Proffesiynol (20 credyd)
Nod y modiwl hwn yw arfogi'r myfyriwr â'r sgiliau, y wybodaeth a'r technegau angenrheidiol i gynhyrchu traethawd hir â ffocws ymchwil neu dechnegol.
Dadansoddi a Delweddu Data (20 credyd)
Mae'r modiwl hwn yn rhoi profiad ymarferol i fyfyrwyr gyda setiau data cyhoeddus neu ddata a gynhyrchir gan ddefnyddwyr, gan ganolbwyntio ar ddadansoddi data hanesyddol, cyfredol a rhagfynegol. Mae'n ymdrin â chrafu data, dethol, delweddu, a dadansoddeg, gan integreiddio'r rhain â dulliau dadansoddi amrywiol.
Traethawd Hir Technoleg (40 credyd)
Nod y prosiect technoleg yw i'r myfyriwr gymhwyso gwybodaeth, sgiliau a thechnegau a ddatblygwyd yn ystod astudiaeth gyfeiriedig ac annibynnol i ddatrys prosiect sy'n gysylltiedig â thechnoleg y byd go iawn. Gall y prosiect technoleg fod ar ffurf prosiect ymchwil manwl neu ddatblygu system gyfrifiadurol.
Diogelwch Gwybodaeth (20 credyd)
Nod y modiwl hwn yw rhoi mewnwelediad i weithredu diogelwch data mewn systemau cyfrifiadurol ac annog myfyrwyr i werthfawrogi'r egwyddorion rheoli ymarferol a damcaniaethol sy'n gysylltiedig â diogelwch gwybodaeth.
I gael gradd MSc, rhaid i chi ddilyn a chwblhau cyfanswm o 180 credyd yn llwyddiannus. Gellir dyfarnu PgC (60 credyd) a PgD (120 credyd) fel dyfarniadau annibynnol neu ymadael.
Dysgu ac Addysgu
Defnyddir amrywiaeth o ddulliau addysgu yn Ysgol Dechnolegau Caerdydd, gan gynnwys darlithoedd, gweithdai ymarferol, tiwtorialau, seminarau ac astudiaethau achos o’r byd go iawn, i gyd wedi’u hategu gan ddysgu ar-lein drwy Moodle. Gydag agwedd sy’n canolbwyntio ar y myfyriwr, mae’r Ysgol yn gweithredu polisi drws agored i staff i gefnogi myfyrwyr, ynghyd â chefnogaeth gan ein tîm gyrfaoedd a sgiliau academaidd.
Stiwdios
Mae stiwdios yn rhan bwysig o’r strategaeth addysgu ar gyfer y rhaglen. Mae stiwdios yn ffordd ryngweithiol ac effeithiol o gyflwyno deunydd craidd a sefydlu fframwaith ar gyfer modiwl y gellir gosod deunydd arall yn ei erbyn.
Gweithdai
Yn y gweithdai bydd y myfyriwr neu fyfyrwyr yn gweithio’n fwy gweithredol i ddeall y pwnc astudio. Gall hyn gynnwys strategaethau fel cyflwyno gwaith a baratowyd yn flaenorol i gyfoedion a darlithwyr. Yn y dosbarthiadau hyn gall myfyrwyr ymarfer a mireinio eu sgiliau mewn amgylchedd cefnogol lle gallant dderbyn adborth gan aelod o staff academaidd. Mae’r gweithdai ymarferol yn cynrychioli cyfle pontio gwerthfawr rhwng theori a’r gweithle.
Defnyddir gweithdai i ymestyn cysyniadau damcaniaethol neu ymarferol penodol yn ogystal â chyflwyno ymarferion datrys problemau. Defnyddir gweithdai yn y rhan fwyaf o fodiwlau ac maent yn rhoi profiad gwerthfawr i fyfyrwyr ddatblygu sgiliau ymarferol a chyflwyno yn ogystal â rhoi dull i staff asesu dysgu sy’n canolbwyntio ar y myfyriwr.
Astudiaethau Achos
Mae astudiaethau achos yn strategaeth addysgu a dysgu a ddefnyddir mewn ystod o fodiwlau; maen nhw hefyd yn offeryn asesu defnyddiol. Bydd myfyrwyr yn cael astudiaeth achos, neu bydd gofyn iddyn nhw ddatblygu problemau cymhleth go iawn neu efelychol, a bydd angen iddyn nhw eu dadansoddi’n fanwl ac yna syntheseiddio/cyflwyno eu datrysiad eu hunain yn ysgrifenedig neu ar lafar.
Moodle
Bydd y rhan fwyaf o fodiwlau yn cael eu cefnogi gan Moodle ac yn darparu ystod eang o ddeunydd dysgu a chanllawiau astudio i fyfyrwyr.
Asesu
Crëir asesiadau o fewn fframwaith cymwyseddau EDGE (Moesegol, Digidol, Byd-eang ac Entrepreneuriaeth) Prifysgol Metropolitan Caerdydd ac maent ar ffurf gwaith cwrs unigol neu grŵp, aseiniadau ar sail ymchwil, asesiadau ymarferol, cyflwyniadau, adroddiadau, profion dosbarth a thraethawd hir/prosiect datblygu.
Cyflogadwyedd a Gyrfaoedd
Mae'r rhaglen hon yn archwilio sut y gellir rheoli technolegau gwybodaeth a chyfathrebu, a sut y gallant wasanaethu dibenion rheoli. Mae graddedigion wedi dilyn gyrfaoedd fel rheolwyr TGCh, rheolwyr prosiectau ac ymgynghorwyr, dadansoddwyr busnes a systemau, athrawon a darlithwyr.
Gofynion Mynediad a Sut i Wneud Cais
Dylai ymgeiswyr fodloni ag un o'r canlynol:
- Meddu ar, neu ddisgwyl cael, gradd israddedig neu gyfwerth, mewn maes perthnasol, e.e., Cyfrifiadura neu Systemau Gwybodaeth gydag o leiaf dosbarthiad 2:2.
- Meddu ar gymhwyster proffesiynol addas gan gorff proffesiynol priodol.
Penderfynir ar berthnasedd gan y Cyfarwyddwr Rhaglen gan gyfeirio at drawsgrifiad yr ymgeisydd, ac, os oes angen, trwy gyfweliad.
Bydd cywerthedd yn cael ei bennu gan:
- Tîm Derbyn Rhyngwladol ar gyfer ymgeiswyr o'r tu allan i'r Deyrnas Unedig.
- Cyfarwyddwr y Rhaglen ar gyfer ymgeiswyr sy'n cyflwyno cymwysterau proffesiynol megis y BCS. Byddai ymgeisydd o'r fath yn cael ei gyfweld gan gyfarwyddwr y rhaglen i sefydlu addasrwydd.
Gofynion Iaith Saesneg:
Dylai ymgeiswyr nad Saesneg yw eu hiaith gyntaf gyfeirio at
Ofynion Iaith Saesneg i gadarnhau'r lefel a'r dystiolaeth o ruglder sy'n ofynnol ar gyfer mynediad i'r rhaglen.
Gall myfyrwyr sydd â chymwysterau lefel 7 sy'n bodoli ac sy'n dymuno cael mynediad i'r cwrs wneud cais ar sail RPL am fynediad gyda Chredyd. Mewn achosion o'r fath bydd y rheoliadau a nodir yn y Llawlyfr Academaidd yn berthnasol ac yn caniatáu ar gyfer RPL o 120 credyd ar y mwyaf ar raglen Meistr. Yn yr achos hwn byddai'r 60 credyd sy'n weddill yn cynnwys y modiwl dulliau ymchwil a'r traethawd hir.
Rheolir y broses dderbyn gan dîm derbyniadau canolog Prifysgol Metropolitan Caerdydd mewn ymgynghoriad â Chyfarwyddwr y Rhaglen.
Bydd pob cais gan fyfyrwyr Rhyngwladol yn amodol ar asesiad cychwynnol o gymwysterau academaidd, hyfedredd Iaith Saesneg ac addasrwydd cyffredinol ar gyfer y rhaglen gan y Timau Derbyn Rhyngwladol. Fodd bynnag, mae'r penderfyniad terfynol yn parhau i fod yn gyfrifoldeb y Cyfarwyddwr Rhaglen.
Sut i Wneud Cais:
Dylid gwneud ceisiadau am y cwrs hwn yn uniongyrchol i'r Brifysgol trwy ein cyfleuster
hunanwasanaeth. Am wybodaeth bellach ewch i'n tudalennau Sut i Wneud Cais yn
www.metcaerdydd.ac.uk/sutiwneudcais.
Gwybodaeth Ychwanegol
Ymgeiswyr Rhyngwladol:
Cyn gwneud cais, dylai myfyrwyr rhyngwladol (y rhai o’r tu allan i'r UE), gysylltu â'r Swyddfa Ryngwladol ym Met Caerdydd i drafod y gweithdrefnau angenrheidiol mewn perthynas ag astudio gyda ni. I gael rhagor o wybodaeth, ewch i
www.cardiffmet.ac.uk/international.
Ffioedd Dysgu a Chefnogaeth Ariannol:
I gael y wybodaeth ddiweddaraf am ffioedd dysgu a'r gefnogaeth ariannol a allai fod ar gael. Ewch i
www.metcaerdydd.ac.uk/ffioedd.
Ffioedd rhan-amser:
Codir y taliadau fesul Modiwl Unigol oni nodir yn wahanol:
Israddedig = 10 Credyd; Ôl-raddedig = 20 Credyd
Yn gyffredinol, bydd y mwyafrif o fyfyrwyr yn cwblhau 60 credyd y flwyddyn ar gyfer astudiaethau Israddedig ac Ôl-raddedig; i gael gwir bris, cysylltwch â Chyfarwyddwr y Rhaglen yn uniongyrchol.
Cysylltu â Ni