Rhaglenni Cymorth

Mae Prosiect HELIX yn darparu cymorth cyllid ar gyfer trosglwyddo gwybodaeth mewn perthynas â chynhyrchu bwyd byd-eang, tueddiadau a gwastraff er mwyn helpu gweithgynhyrchwyr bwyd bach i ganolig ledled Cymru i gynyddu cynhyrchiant a lleihau gwastraff. 

Cliciwch yma i gael mwy o wybodaeth am raglen HELIX. 

Mae'r Clwstwr Busnes Effaith Uchel yn rhan o raglen datblygu clystyrau Llywodraeth Cymru. 

Mae Prif Weithredwyr busnesau bach a chanolig, Rheolwyr-Gyfarwyddwyr ac aelodau Bwrdd y Diwydiant Bwyd a Diod Llywodraeth Cymru detholedig yn cwrdd bob chwarter â Chanolfan y Diwydiant Bwyd ZERO2FIVE, Caerdydd a'r Ganolfan Technoleg Bwyd, Llangefni mewn amryw o leoliadau yng Nghymru. 

Mae busnesau bwyd a diod yn elwa o gydweithredu a'r gefnogaeth a ddarperir gan y canolfannau bwyd a Llywodraeth Cymru. Mae'r cydweithrediad ar sawl ffurf ac yn cynnwys: 

• Rhannu adnoddau (e.e. offer) 
• Mentrau gwerthu ar y cyd (e.e. cydweithredu ar gyfer marchnad allforio newydd) 
• Mynediad at fewnwelediadau i'r farchnad (e.e. ymchwil i'r farchnad) 
• Mynediad at wybodaeth clwstwr (e.e. arbenigedd Canolfan Fwyd) 

I gael gwybod mwy am sut y gall y Clwstwr Busnes Effaith Uchel fod o fudd i'ch busnes, cysylltwch â ni. 

Darllenwch fwy am y Clwstwr Busnes Effaith Uchel: 
Taflen ffeithiau Saesneg 
Taflen ffeithiau Gymraeg

Rydym yn falch iawn o fod yn aelodau o Gytundeb Courtauld 2025 sy'n dod ag ystod o sefydliadau sy'n ymwneud â'r diwydiant bwyd a diod ynghyd gyda’r nod o wneud cynhyrchu a bwyta bwyd a diod yn fwy cynaliadwy.