Cwestiynau Cyffredin 

Rydym yn cynnig ystod o gymorth technegol a masnachol sydd wedi'i deilwra i anghenion eich cwmni gan gynnwys cefnogaeth yn y meysydd canlynol: 

Byddwn yn adolygu cymhwysedd cwmnïau a phrosiectau gyda chi’n unigol i wirio a ellir defnyddio cyllid Project HELIX i gefnogi'ch ymholiad. Mae rhai o'r meini prawf cymhwysedd allweddol yn cynnwys:  

• Rhaid i chi fod yn wneuthurwr bwyd neu ddiod (neu'n bwriadu cychwyn busnes cynhyrchu bwyd neu ddiod) yng Nghymru.  

• Mae’n rhaid i’r busnes fod o fewn ei derfynau rheoli cymorthdaliadau Cymorth Ariannol Lleiaf (MFA) o £315,000 yn y flwyddyn ariannol gyfredol a dwy flynedd ariannol flaenorol (1 Ebrill i 31 Mawrth).​

Efallai y bydd ZERO2FIVE yn gallu cefnogi'r ymholiadau canlynol ar sail fasnachol lle na ellir defnyddio cyllid Project HELIX:  

• Busnesau y tu allan i Gymru   

• Busnesau arlwyo bwyd neu fanwerthu bwyd  

Yn gyntaf, cysylltwch â ni gyda'ch ymholiad i gael trafodaeth gychwynnol. Byddwn yn mynd trwy ein gwaith papur cymhwysedd gyda chi ac yn eich gwahodd i ddigwyddiad Cwrdd â Chanolfan y Diwydiant Bwyd ZERO2FIVE, lle byddwn yn egluro mwy am y gwasanaethau y gallwn eu cynnig. Bydd un o'n tîm yn trafod eich ymholiad prosiect gyda chi’n unigol er mwyn amlinellu’r prosiect, pennu lefel y gefnogaeth a ariennir a'r amserlen debygol ar gyfer darparu cefnogaeth. Unwaith y bydd holl ddogfennau contract cyllido Project HELIX wedi'u cytuno a'u llofnodi, gall y prosiect ddechrau. 

Os yw eich busnes yn cwrdd â'r meini prawf cymhwysedd ac wedi’i nodi fel micro-fusnes yna efallai y byddwch yn gymwys i gael cymorth wedi'i ariannu'n llawn. Gall busnesau bach, canolig a mawr cymwys dderbyn cefnogaeth rannol neu wedi'i hariannu'n llawn yn dibynnu ar lefel y cymorth sydd ei angen.  ​

Gallwn, gall Canolfan y Diwydiant Bwyd ZERO2FIVE gefnogi a mentora pob agwedd ar sicrhau ardystiad BRCGS a SALSA.  

Mae gan ein tîm technegol gyfoeth o brofiad yn y diwydiant mewn perthynas â systemau rheoli diogelwch bwyd. Gall ZERO2FIVE hefyd gefnogi busnes trwy gynnal cyn-archwiliad manwl neu ddadansoddiad bwlch ar gyfer safon diogelwch bwyd o'ch dewis chi.  

Cliciwch yma am fwy o wybodaeth..

Mae ZERO2FIVE yn gweithredu Rhaglen Trosglwyddo Gwybodaeth HELIX. Mae'r rhaglen hon yn cyflogi gweithwyr technegol a marchnata ac yn eu hymgorffori mewn busnesau cynhyrchu a phrosesu bwyd a diod yng Nghymru am o leiaf blwyddyn gyda chefnogaeth lawn a mentora gan ZERO2FIVE.  

Mae'r cwmni'n elwa o ran-ariannu’r gweithiwr, gweithiwr lefel graddedig llawn cymhelliant, cefnogaeth gan y staff profiadol yn ZERO2FIVE a mynediad at gyfleusterau ZERO2FIVE.  

Gall cwmnïoedd wneud cais ar gyfer gweithiwr fel hyn ddwywaith y flwyddyn fel arfer. Gweler yma am fanylion.  

Na, darperir y gefnogaeth ariannol trwy amser staff a chostau prosiect ZERO2FIVE cysylltiedig gan gynnwys mynediad i'n hoffer a'n cyfleusterau.  

Yn anffodus nid yw cyfleusterau labordy Prifysgol Metropolitan Caerdydd wedi'u hachredu gan UKAS gan eu bod yn cael eu defnyddio'n bennaf at ddibenion academaidd ac ymchwil; felly nid ydym yn cynnal unrhyw brofion oes silff na microbiolegol. Fodd bynnag, gallwn eich cyfeirio tuag at UKAS a'u rhestr o labordai achrededig, eich helpu i bennu meini prawf profi tebygol i gefnogi anghenion eich cynnyrch, a dehongli'ch canlyniadau ar ôl eu derbyn o labordy ardystiedig UKAS o'ch dewis. 

Fel yr uchod, nid ydym yn cynnal dadansoddiadau maethegol arferol yn ein labordai ymchwil ac addysgu. Fodd bynnag, gallwn eich cyfeirio at labordai achrededig UKAS a all gynnal dadansoddiad maethegol, a'ch helpu i ddehongli'ch canlyniadau ar ôl eu derbyn.  

Mae gennym fynediad at feddalwedd cyfrifo maeth y gellir ei ddefnyddio i roi syniad o gyfansoddiad maethegol eich cynnyrch yn seiliedig ar y rysáit a gwybodaeth am golledion coginio a gyflenwir gan eich busnes.  

Mae astudiaeth HACCP sydd wedi'i hystyried a’i dogfennu’n ofalus yn hanfodol ar gyfer unrhyw fusnes bwyd a diod ac mae gweithdrefnau HACCP sy'n seiliedig ar egwyddorion Codex yn ofyniad cyfreithiol ledled yr UE. Er y gall y tîm yn ZERO2FIVE eich cefnogi trwy'r broses o ddatblygu astudiaeth HACCP yn seiliedig ar ganllawiau arfer gorau, ni allwn ysgrifennu eich astudiaeth HACCP ar eich rhan. Perchnogion y busnes sy'n gyfrifol am ddiogelwch bwyd a chydymffurfiad cyfreithiol yr holl gynhyrchion a gynhyrchir gan y busnes.  

Gallwn adolygu eich cynllun a'ch cefnogaeth HACCP gyda throsglwyddo gwybodaeth neu fentora mewn unrhyw feysydd y gallai eich busnes fod angen cefnogaeth. Mae yna becynnau cyfrifiadur hefyd ar gael i helpu gydag ysgrifennu cynllun HACCP fel MyHACCP ar gyfer busnesau bwyd a diod cychwynnol a llai. 

Na, cysylltwch ag adran safonau masnach eich awdurdod lleol a fydd yn gallu eich helpu gyda hyn. Fodd bynnag, gallwn eich cefnogi gyda gweithdrefnau calibradu a dogfennaeth ategol eich cwmni.  

Efallai y bydd cefnogaeth ar gyfer adolygu a datblygu cynnwys labeli bwyd a diod ar y cyd â deddfwriaeth gyfredol y DU a'r UE ar gael i fusnesau cymwys o dan gyllid Project HELIX.  

Ar hyn o bryd nid ydym yn cynnig cefnogaeth dylunio gwaith celf. Efallai y bydd cefnogaeth dylunio label a brandio ar gael i'ch busnes os ydych chi'n gymwys trwy gyllid amgen. Cysylltwch â Cywain i drafod eich anghenion dylunio ymhellach.

Ni allwn logi ein cyfleusterau cynhyrchu bwyd a diod at ddibenion cynhyrchu masnachol ar hyn o bryd oherwydd bod y prif ddefnydd o'n mannau cynhyrchu bwyd yn canolbwyntio yn canolbwyntio ar waith academaidd ac ymchwil. Fodd bynnag, gellir defnyddio ein mannau cynhyrchu a datblygu bwyd ar gyfer datblygu syniadau a threialon dichonoldeb cychwynnol ar raddfa fach. Mae gan ein partneriaid Arloesi Bwyd Cymru, Canolfan Fwyd Cymru yng Nghanolbarth Gorllewin Cymru a’r Ganolfan Technoleg Bwyd yng Ngogledd Cymru, ystod o gyfleusterau gweithgynhyrchu masnachol ac unedau deori pwrpasol - cysylltwch â nhw am fanylion y gefnogaeth y gallant ei chynnig naill ai trwy ddulliau wedi'u hariannu neu heb eu hariannu.  

Ar hyn o bryd dim ond ar gyfer trosglwyddo gwybodaeth y gellir defnyddio cyllid Prosiect HELIX ac nid yw'n cynnwys taliad cyllid uniongyrchol ar gyfer prynu cyfleusterau. Cysylltwch â Cywain neu Busnes Cymru a fydd efallai’n gallu eich cynghori ar ffrydiau cyllido perthnasol eraill ar gyfer gwariant cyfalaf ar adeiladau, peiriannau ac offer. 

Er na allwn ysgrifennu cynllun busnes ar gyfer eich cwmni, gallwn helpu gydag ymchwil i'r farchnad a defnyddwyr i lywio'ch cynllun a'ch strategaeth fusnes.  

Ar hyn o bryd nid ydym yn cynnig cefnogaeth gyda dylunio logo ond efallai y gallwn ddarparu cefnogaeth gychwynnol gydag ystyriaethau ar gyfer datblygu brand. Gallwn hefyd gefnogi gydag asiantaethau briffio. Efallai y bydd cyllid trwy ffynonellau amgen Llywodraeth Cymru ar gael i fusnesau cymwys. Cysylltwch â Cywain  i gael mwy o fanylion. Gallwn hefyd gynnig grwpiau ffocws neu gyfweliadau un i un gyda'ch marchnad darged er mwyn helpu gyda phenderfyniadau dylunio brandio a / neu becynnu.   

Efallai y bydd cefnogaeth cyfryngau cymdeithasol a gwefan gan ZERO2FIVE ar gael i fusnesau cymwys er ei fod yn gyfyngedig. Gallwn gynnal archwiliad o'ch gweithgaredd cyfryngau cymdeithasol a gwefan a rhoi cyngor i chi ar sut i’w gwella. Nid ydym yn cynnig cefnogaeth dylunio gwefan nac yn rheoli cefnogaeth cyfrifon cyfryngau cymdeithasol. 

Efallai y bydd ZERO2FIVE yn cefnogi busnesau cymwys i ddatblygu ryseitiau cynnyrch pwrpasol. Fodd bynnag, mae'n rhaid bod gennych rysáit gychwynnol ar gyfer eich cynnyrch a briff cynnyrch wedi'i ddogfennu y gallwn ni eich helpu i'w ddatblygu ymhellach.  

Mae gennym fynediad at ddata marchnad a thueddiadau o  Kantar Worldpanel, The Food People ac Euromonitor a gallwn ddarparu mewnwelediadau a dadansoddiad i chi er mwyn eich helpu i wneud y penderfyniad hwn yn effeithiol. 

Na, dim ond gyda chi y gallwn ni gysylltu. Ond, gallwn eich mentora ar y cwestiynau cywir i'w gofyn i'r sefydliadau hyn. Mae'r holl wybodaeth a drafodir fel rhan o'ch prosiect yn gwbl gyfrinachol. 

Gallwn helpu eich cwmni gyda gofynion technegol allforio a hefyd darparu data marchnad i chi ar gyfer nodi cyfleoedd tramor. Am gefnogaeth pellach, cysylltwch â Busnes Cymru.

Dyma'r tymheredd diogel ar gyfer oergell. Rydym yn canolbwyntio ar ddiogelwch bwyd felly dyna pam rydyn ni'n cael ein galw'n ZERO2FIVE.