Ffurfiwyd MCCU Caerdydd De Cymru (Crimson Caps) gan dair prifysgol: Prifysgol Metropolitan Caerdydd, Prifysgol Caerdydd a Phrifysgol De Cymru.
Mae Prifysgolion yr MCC, y mae pob un ohonynt yn cael cyllid bob blwyddyn gan yr MCC (Clwb Criced Marylebone), wedi'u hanelu at fyfyrwyr gwrywaidd a benywaidd sydd â'r potensial i chwarae criced o’r radd flaenaf, a myfyrwyr benywaidd sydd wedi chwarae ar lefel uwch o fewn y siroedd. Nod MCCU yw rhoi cyfle i gricedwyr ifanc talentog gael cyfleoedd hyfforddi a chwarae ar y lefel uchaf wrth fynd ymlaen â’u haddysg.
Mae’r MCCU wedi'i leoli ym mhrif ddinas Cymru ac o'i chwmpas, ac mae yna gysylltiadau trafnidiaeth rhagorol rhwng y tri sefydliad partner.
Mae MCCU De Cymru Caerdydd, yn chwarae gemau cartref ar gaeau a ddefnyddir gan Glwb Criced Sir Morgannwg, gan gynnwys Gerddi Sophia.
Met Caerdydd yw'r canolbwynt ar gyfer gweithrediadau’r Ganolfan o ddydd i ddydd. Mae hyfforddiant hefyd yn cael ei gynnal ym Mhrifysgol Caerdydd ac yn ysgol griced dan do CCS Morgannwg yn stadiwm SWALEC.
Cysylltwch â mdoleary@cardiffmet.ac.uk i gael rhagor o wybodaeth.
Sut i wneud Cais
Gallwch wneud cais i ddod yn aelod o sgwad MCCU Caerdydd De Cymru trwy e-bostio'ch CV at Mark O'Leary (Prif Hyfforddwr).
E-bost: mdoleary@cardiffmet.ac.uk
Fel arall,
cliciwch yma i lenwi ffurflen gais ar-lein o wefan prifysgolion MCC.
Graddedigion Proffesiynol
Ers sefydlu MCCU Caerdydd De Cymru mae rhai o'r chwaraewyr wedi cael contractau proffesiynol ac wedi chwarae criced o’r radd flaenaf. Yn eu plith mae:
Aaron Nijjar (CCS Essex)
Kieran Bull (CCS Morgannwg)
Jake Libby (CCS Swydd)
Matthew Hobdon (CCS Sussex)
Fabian Cowdrey (CCS Caint)
Andrew Salter (CCS Morgannwg)
Heather Knight (Lloegr)
Andrew Balbirnie (CCS Middlesex ac Iwerddon)