Cynnwys y Cwrs
Mae rhaglen y radd yn cynnwys 7 modiwl gorfodol a phrosiect Traethawd Hir i ddatblygu eich diddordebau a’ch arbenigedd penodol. Mae pob modiwl a addysgir yn 20 credyd, oni nodir yn wahanol.
Diogelwch Gwybodaeth - Risgiau, Bygythiadau ac Ymosodiadau (20 Credyd)
Mae’r modiwl hwn yn rhoi cipolwg ar weithredu diogelwch data mewn systemau cyfrifiadurol a’i nod yw annog myfyrwyr i werthfawrogi’r egwyddorion rheoli ymarferol a damcaniaethol sy’n gysylltiedig â diogelwch gwybodaeth.
Diogelwch sy’n Canolbwyntio ar y Bod Dynol (20 credyd)
Mae’r modiwl hwn yn rhoi cipolwg ar ddiogelwch y gellir ei ddefnyddio, ffactorau cymdeithasol ac ymddygiadol sy’n effeithio ar ddiogelwch, diwylliant diogelwch ac ymwybyddiaeth, yn ogystal ag effaith rheolaethau diogelwch ar ymddygiadau defnyddwyr.
Gwaith Fforensig (20 credyd)
Mae’r modiwl hwn yn archwilio gwaith fforensig cyfrifiadurol gyda ffocws penodol ar ddiffiniadau, modelau cysyniadol, systemau gweithredu a dadansoddi arteffactau, prif gof, gwaith fforensig rhaglenni a’r cwmwl.
Systemau a Meddalwedd Diogel (20 credyd)
Mae’r modiwl hwn yn darparu ymdriniaeth fanwl o breifatrwydd a diogelwch systemau a meddalwedd, a dulliau ar gyfer dylunio systemau a meddalwedd diogel gan ddefnyddio Cylchoedd Bywyd Datblygu Meddalwedd (SDLC) diogel traddodiadol a newydd.
Diogelwch Rhwydwaith (20 credyd)
Mae’r modiwl hwn yn archwilio pensaernïaeth y Rhyngrwyd, protocolau a gwendidau rhwydweithiau, offer amddiffyn rhwydweithiau, LAN di-wifr, diogelwch, a phynciau diogelwch rhwydwaith Uwch gan gynnwys SDN, IoT.
Cryptograffeg Gymhwysol (20 credyd)
Mae’r modiwl hwn yn ymdrin â phynciau manwl fel cynlluniau cryptograffig cymhwysol, cryptograffeg gymesur ac anghymesur, modelau diogelwch cryptograffig, a phrotocolau safonol ac uwch.
Ymchwil ac Ymarfer Proffesiynol (20 credyd)
Nod y modiwl hwn yw arfogi’r myfyriwr â’r sgiliau, yr wybodaeth a’r technegau sy’n angenrheidiol i gynhyrchu traethawd hir gyda ffocws ymchwil neu dechnegol. Bydd y modiwl yn cael ei asesu drwy gynnig ymchwil ysgrifenedig y gellir ei defnyddio wedyn fel sail i’r traethawd hir.
Traethawd Hir Seiberddiogelwch (40 credyd)
Nod y prosiect technoleg yw rhoi cyfle i’r myfyriwr gymhwyso gwybodaeth, sgiliau a thechnegau a ddatblygwyd yn ystod astudiaeth gyfeiriedig ac annibynnol i ddatrys prosiect diogelwch cyfrifiadurol yn y byd go iawn. Gall y prosiect diogelwch cyfrifiadurol fod ar ffurf prosiect ymchwil manwl neu ddatblygu system diogelwch cyfrifiadurol. Yn y naill achos neu’r llall, mae’r modiwl yn galluogi’r myfyriwr i ddatblygu ei wybodaeth a’i ddealltwriaeth o brosiectau datblygu ac ymchwil yn y byd go iawn drwy ddysgu annibynnol a gwerthuso beirniadol.
I gael gradd MSc, rhaid i chi ddilyn a chwblhau cyfanswm o 180 credyd yn llwyddiannus. Gellir dyfarnu PgC (60 credyd) a PgD (120 credyd) fel dyfarniadau annibynnol neu ymadael.
Dysgu ac Addysgu
Defnyddir amrywiaeth o ddulliau addysgu yn Ysgol Dechnolegau Caerdydd, gan gynnwys darlithoedd, gweithdai ymarferol, tiwtorialau, seminarau ac astudiaethau achos o’r byd go iawn, i gyd wedi’u hategu gan ddysgu ar-lein drwy Moodle. Gydag agwedd sy’n canolbwyntio ar y myfyriwr, mae’r Ysgol yn gweithredu polisi drws agored i staff i gefnogi myfyrwyr, ynghyd â chefnogaeth gan ein tîm gyrfaoedd a sgiliau academaidd.
Stiwdios
Mae stiwdios yn rhan bwysig o’r strategaeth addysgu ar gyfer y rhaglen. Mae stiwdios yn ffordd ryngweithiol ac effeithiol o gyflwyno deunydd craidd a sefydlu fframwaith ar gyfer modiwl y gellir gosod deunydd arall yn ei erbyn.
Gweithdai
Yn y gweithdai bydd y myfyriwr neu fyfyrwyr yn gweithio’n fwy gweithredol i ddeall y pwnc astudio. Gall hyn gynnwys strategaethau fel cyflwyno gwaith a baratowyd yn flaenorol i gyfoedion a darlithwyr. Yn y dosbarthiadau hyn gall myfyrwyr ymarfer a mireinio eu sgiliau mewn amgylchedd cefnogol lle gallant dderbyn adborth gan aelod o staff academaidd. Mae’r gweithdai ymarferol yn cynrychioli cyfle pontio gwerthfawr rhwng theori a’r gweithle.
Defnyddir gweithdai i ymestyn cysyniadau damcaniaethol neu ymarferol penodol yn ogystal â chyflwyno ymarferion datrys problemau. Defnyddir gweithdai yn y rhan fwyaf o fodiwlau ac maent yn rhoi profiad gwerthfawr i fyfyrwyr ddatblygu sgiliau ymarferol a chyflwyno yn ogystal â rhoi dull i staff asesu dysgu sy’n canolbwyntio ar y myfyriwr.
Astudiaethau Achos
Mae astudiaethau achos yn strategaeth addysgu a dysgu a ddefnyddir mewn ystod o fodiwlau; maen nhw hefyd yn offeryn asesu defnyddiol. Bydd myfyrwyr yn cael astudiaeth achos, neu bydd gofyn iddyn nhw ddatblygu problemau cymhleth go iawn neu efelychol, a bydd angen iddyn nhw eu dadansoddi’n fanwl ac yna syntheseiddio/cyflwyno eu datrysiad eu hunain yn ysgrifenedig neu ar lafar.
Moodle
Bydd y rhan fwyaf o fodiwlau yn cael eu cefnogi gan Moodle ac yn darparu ystod eang o ddeunydd dysgu a chanllawiau astudio i fyfyrwyr.
Asesu
Mae’r strategaeth asesu ar gyfer y rhaglen yn amrywio i sicrhau’r dull mwyaf priodol ar gyfer pob modiwl a maes pwnc penodol. Mae asesiadau’n digwydd ar ffurf gwaith cwrs unigol neu grŵp, aseiniadau ar sail ymchwil, asesiadau ymarferol, cyflwyniadau, adroddiadau, profion dosbarth a thraethawd hir.
Rhoddir adborth manwl, penodol ac amserol i waith pob myfyriwr yn unol â chanllawiau Prifysgol Met Caerdydd.
Cyflogadwyedd a Gyrfaoedd
Bydd yr wybodaeth arbenigol y byddwch yn ei hennill drwy’r cwrs yn eich rhoi mewn sefyllfa gref i ddilyn ystod eang o yrfaoedd gan gynnwys dadansoddi risg, dadansoddwr achosion cyfrifiadurol, dadansoddwr seiberddiogelwch, ymgynghorydd diogelwch gwybodaeth a rolau rheoli mewn diwydiant. Mae’r rhaglen hefyd yn rhoi ystod o sgiliau cyfrifiadurol i chi y gellid eu cymhwyso’n eang i unrhyw rôl ym meysydd gwyddor data a chyfrifiadura.
Bydd modd i chi gychwyn gyrfaoedd mewn rolau mwy technegol fel haciwr moesegol neu arbenigwr achosion diogelwch, yn ogystal â rolau rheoli fel asesydd risg, datblygwr polisi diogelwch gwybodaeth, swyddog diogelu data a swyddog cydymffurfio.
Gall myfyrwyr sydd â diddordeb mewn addysg bellach ymuno â graddau ymchwil, fel MPhil/PhD/ProfDoc yng nghymuned ymchwil fywiog Met Caerdydd.
Gofynion Mynediad
Dylai ymgeiswyr fodloni ag un o’r canlynol:
- Meddu ar radd israddedig neu gyfwerth mewn maes perthnasol, gyda dosbarthiad 2:2 o leiaf, neu ddisgwyl cael hynny;
- Meddu ar gymhwyster proffesiynol addas gan gorff proffesiynol priodol.
Bydd cywerthedd yn cael ei bennu gan:
- Tîm Derbyniadau Rhyngwladol ar gyfer ymgeiswyr o’r tu allan i’r Deyrnas Unedig.
- Cyfarwyddwr y Rhaglen ar gyfer ymgeiswyr sy’n cyflwyno cymwysterau proffesiynol megis y BCS. Byddai ymgeisydd o’r fath yn cael ei gyfweld gan y Cyfarwyddwr Rhaglen i sefydlu a yw’r ymgeisydd yn addas ai peidio.
Gall profiad gwaith blaenorol yn y maes cysylltiedig o bosibl wneud iawn am y gofyniad gradd Anrhydedd 2:2.
Gofynion Iaith Saesneg:
Dylai ymgeiswyr nad Saesneg yw eu hiaith gyntaf gyfeirio at Ofynion Iaith Saesneg i gadarnhau’r lefel a’r dystiolaeth o ruglder sy’n ofynnol ar gyfer mynediad i’r rhaglen.
Gall myfyrwyr sydd â chymwysterau lefel 7 sy’n bodoli sy’n dymuno ymuno â’r cwrs wneud cais ar sail RPL am fynediad gyda Chredyd. Mewn achosion o’r fath bydd y rheoliadau y manylir arnynt yn y Llawlyfr Academaidd yn berthnasol ac yn caniatáu ar gyfer uchafswm RPL o 120 credyd ar raglen Meistr. Yn yr achos hwn byddai’r 60 credyd sy’n weddill yn cynnwys y modiwl dulliau ymchwil a’r traethawd hir.
Rheolir y broses dderbyn gan dîm derbyniadau canolog Prifysgol Metropolitan Caerdydd mewn ymgynghoriad â Chyfarwyddwr y Rhaglen.
Bydd holl geisiadau gan fyfyrwyr Rhyngwladol yn amodol ar asesiad cychwynnol o gymwysterau academaidd, hyfedredd Iaith Saesneg ac addasrwydd cyffredinol ar gyfer y rhaglen gan y Timau Derbyniadau Rhyngwladol. Fodd bynnag, y Cyfarwyddwr Rhaglen fydd yn gwneud y penderfyniad terfynol.
Gwybodaeth Ychwanegol
Gweithdrefn Ddethol:
Dewisir myfyrwyr y cwrs hwn drwy ffurflen gais a chyfweliad lle bo angen.
Sut i Wneud Cais:
Dylid gwneud ceisiadau ar gyfer y cwrs hwn yn uniongyrchol i’r Brifysgol drwy ein cyfleuster
hunanwasanaeth. I gael rhagor o wybodaeth, ewch i’n tudalennau Sut i Wneud Cais yn
www.metcaerdydd.ac.uk/sutiwneudcais.
Ffioedd Dysgu a Chefnogaeth Ariannol:
I gael y wybodaeth ddiweddaraf am ffioedd dysgu a’r gefnogaeth ariannol a allai fod ar gael, ewch i
www.metcaerdydd.ac.uk/ffioedd.
Ffioedd rhan amser:
Mae’r ffioedd ar sail Modiwlau Sengl oni nodir yn wahanol:
Israddedig = 10 Credyd; Ôl-raddedig = 20 Credyd
Yn gyffredinol, bydd y rhan fwyaf o fyfyrwyr yn gwneud 60 credyd y flwyddyn ar gyfer astudiaeth Israddedig ac Ôl-raddedig; er mwyn cael y gost wirioneddol dylech wirio hyn drwy gysylltu’n uniongyrchol â Chyfarwyddwr y Rhaglen.
Cysylltu â Ni