Cynnwys y Cwrs
Modiwlau Gorfodol:
Dylunio a Dadansoddi Algorithmau (20 credyd)
Yn y modiwl hwn, bydd y myfyrwyr yn gwella eu sgiliau dadansoddi trwy ddylunio a gwerthuso algorithmau ar gyfer ystod o gymwysiadau byd go iawn.
Cyfrifiadura Cwmwl a Data Ymylol (20 credyd)
Nod y modiwl yw darparu dealltwriaeth o Rhyngrwyd Pethau (IoT) a seilwaith data ymylol o ran cyfathrebu, prosesu a dadansoddi data a gynhyrchir o ddyfeisiau IoT.
Rhwydweithiau Diwifr (20 credyd)
Nod y modiwl hwn yw darparu dealltwriaeth fanwl o dechnolegau cyfathrebu diwifr, gan gwmpasu LAN diwifr, protocolau addasol, optimeiddio traws-haenau, codio, a rheoli gwallau.
Rhaglennu Uwch (20 credyd)
Nod y modiwl hwn yw dyfnhau hyfedredd myfyrwyr mewn egwyddorion ac arferion rhaglennu gwrthrych-ganolog, gan eu galluogi i ddefnyddio cysyniadau a thechnegau uwch wrth ddylunio a datblygu datrysiadau meddalwedd soffistigedig.
Ymchwil ac Ymarfer Proffesiynol (20 credyd)
Nod y modiwl hwn yw arfogi’r myfyriwr â’r sgiliau, y wybodaeth a’r technegau angenrheidiol i gynhyrchu traethawd hir â ffocws ymchwil neu dechnegol.
Diogelwch Gwybodaeth (20 credyd)
Nod y modiwl hwn yw rhoi cipolwg ar weithrediad diogelwch data mewn systemau cyfrifiadurol ac annog myfyrwyr i werthfawrogi’r egwyddorion rheoli ymarferol a damcaniaethol sy’n gysylltiedig â diogelwch gwybodaeth.
Traethawd Hir Technoleg (40 credyd)
Nod y prosiect technoleg yw i’r myfyriwr gymhwyso gwybodaeth, sgiliau a thechnegau a ddatblygwyd yn ystod astudiaeth gyfeiriedig ac annibynnol i ddatrys prosiect sy’n ymwneud â thechnoleg yn y byd go iawn. Gall y prosiect technoleg fod ar ffurf prosiect ymchwil manwl neu ddatblygiad system gyfrifiadurol.
Cymwysiadau Symudol Newydd (20 credyd)
Nod y modiwl yw arfogi myfyrwyr â’r wybodaeth a’r sgiliau i ddylunio a datblygu cymwysiadau symudol sy’n defnyddio technolegau newydd yn effeithiol.
I gael gradd MSc, rhaid i chi ddilyn a chwblhau cyfanswm o 180 credyd yn llwyddiannus. Gellir dyfarnu PgC (60 credyd) a PgD (120 credyd) fel dyfarniadau annibynnol neu ymadael.
Dysgu ac Addysgu
Defnyddir amrywiaeth o ddulliau addysgu yn Ysgol Dechnolegau Caerdydd, gan gynnwys darlithoedd, gweithdai ymarferol, tiwtorialau, seminarau ac astudiaethau achos o’r byd go iawn, i gyd wedi’u hategu gan ddysgu ar-lein drwy Moodle. Gydag agwedd sy’n canolbwyntio ar y myfyriwr, mae’r Ysgol yn gweithredu polisi drws agored i staff i gefnogi myfyrwyr, ynghyd â chefnogaeth gan ein tîm gyrfaoedd a sgiliau academaidd.
Stiwdios
Mae stiwdios yn rhan bwysig o’r strategaeth addysgu ar gyfer y rhaglen. Mae stiwdios yn ffordd ryngweithiol ac effeithiol o gyflwyno deunydd craidd a sefydlu fframwaith ar gyfer modiwl y gellir gosod deunydd arall yn ei erbyn.
Gweithdai
Yn y gweithdai bydd y myfyriwr neu fyfyrwyr yn gweithio’n fwy gweithredol i ddeall y pwnc astudio. Gall hyn gynnwys strategaethau fel cyflwyno gwaith a baratowyd yn flaenorol i gyfoedion a darlithwyr. Yn y dosbarthiadau hyn gall myfyrwyr ymarfer a mireinio eu sgiliau mewn amgylchedd cefnogol lle gallant dderbyn adborth gan aelod o staff academaidd. Mae’r gweithdai ymarferol yn cynrychioli cyfle pontio gwerthfawr rhwng theori a’r gweithle.
Defnyddir gweithdai i ymestyn cysyniadau damcaniaethol neu ymarferol penodol yn ogystal â chyflwyno ymarferion datrys problemau. Defnyddir gweithdai yn y rhan fwyaf o fodiwlau ac maent yn rhoi profiad gwerthfawr i fyfyrwyr ddatblygu sgiliau ymarferol a chyflwyno yn ogystal â rhoi dull i staff asesu dysgu sy’n canolbwyntio ar y myfyriwr.
Astudiaethau Achos
Mae astudiaethau achos yn strategaeth addysgu a dysgu a ddefnyddir mewn ystod o fodiwlau; maen nhw hefyd yn offeryn asesu defnyddiol. Bydd myfyrwyr yn cael astudiaeth achos, neu bydd gofyn iddyn nhw ddatblygu problemau cymhleth go iawn neu efelychol, a bydd angen iddyn nhw eu dadansoddi’n fanwl ac yna syntheseiddio/cyflwyno eu datrysiad eu hunain yn ysgrifenedig neu ar lafar.
Moodle
Bydd y rhan fwyaf o fodiwlau yn cael eu cefnogi gan Moodle ac yn darparu ystod eang o ddeunydd dysgu a chanllawiau astudio i fyfyrwyr.
Asesu
Mae asesiadau ar ffurf gwaith cwrs unigol neu grŵp, aseiniadau yn seiliedig ar ymchwil, asesiadau ymarferol, cyflwyniadau, adroddiadau, profion dosbarth a thraethawd hir/prosiect datblygu.
Cyflogadwyedd a Gyrfaoedd
Mae graddedigion medrus mewn Cyfrifiadureg yn cael ystod eang o gyfleoedd gyrfa. Mae’r rhaglen Cyfrifiadureg Uwch yn canolbwyntio ar yrfa ac yn eang ei chwmpas, sy’n eich galluogi i wella’ch sgiliau presennol i ateb y galw masnachol cynyddol am raddedigion Cyfrifiadureg.
Gofynion Mynediad a Sut i Wneud Cais
Dylai ymgeiswyr fodloni ag un o’r canlynol:
- Meddu ar, neu ddisgwyl cael, gradd anrhydedd israddedig neu gyfwerth mewn maes perthnasol, e.e., Cyfrifiadura, Systemau Gwybodaeth neu Beirianneg gydag o leiaf dosbarthiad 2:2.
- Meddu ar gymhwyster proffesiynol addas gan gorff proffesiynol priodol.
Penderfynir ar berthnasedd gan y Cyfarwyddwr Rhaglen gan gyfeirio at drawsgrifiad yr ymgeisydd, ac, os oes angen, trwy gyfweliad.
Bydd cywerthedd yn cael ei bennu gan:
- Tîm Derbyn Rhyngwladol ar gyfer ymgeiswyr o’r tu allan i’r Deyrnas Unedig.
- Cyfarwyddwr y Rhaglen ar gyfer ymgeiswyr sy’n cyflwyno cymwysterau proffesiynol megis y BCS. Byddai ymgeisydd o’r fath yn cael ei gyfweld gan y Cyfarwyddwr Rhaglen i sefydlu addasrwydd.
Gofynion Iaith Saesneg:
Dylai ymgeiswyr nad Saesneg yw eu hiaith gyntaf gyfeirio at Ofynion Iaith Saesneg i gadarnhau’r lefel a’r dystiolaeth o ruglder sy’n ofynnol ar gyfer mynediad i’r rhaglen.
Gall myfyrwyr sydd â chymwysterau lefel 7 sy’n bodoli ac sy’n dymuno cael mynediad i’r cwrs wneud cais ar sail RPL am fynediad gyda Chredyd. Mewn achosion o’r fath bydd y rheoliadau a nodir yn y Llawlyfr Academaidd yn berthnasol ac yn caniatáu ar gyfer RPL o 120 credyd ar y mwyaf ar raglen Meistr. Yn yr achos hwn byddai’r 60 credyd sy’n weddill yn cynnwys y modiwl dulliau ymchwil a’r traethawd hir.
Rheolir y broses dderbyn gan dîm derbyniadau canolog Prifysgol Metropolitan Caerdydd mewn ymgynghoriad â Chyfarwyddwr y Rhaglen.
Bydd pob cais gan fyfyrwyr Rhyngwladol yn amodol ar asesiad cychwynnol o gymwysterau academaidd, hyfedredd Iaith Saesneg ac addasrwydd cyffredinol ar gyfer y rhaglen gan y Timau Derbyn Rhyngwladol. Fodd bynnag, mae’r penderfyniad terfynol yn parhau i fod yn gyfrifoldeb y Cyfarwyddwr Rhaglen.
Gwybodaeth Ychwanegol
Sut i Wneud Cais:
Dylid gwneud ceisiadau am y cwrs hwn yn uniongyrchol i’r Brifysgol trwy ein cyfleuster
hunanwasanaeth. Am wybodaeth bellach ewch i’n tudalennau
Sut i Wneud Cais.
Ffioedd Dysgu a Chefnogaeth Ariannol:
I gael y wybodaeth ddiweddaraf am
ffioedd dysgu a’r gefnogaeth ariannol a allai fod ar gael.
Ffioedd Rhan-amser:
Codir y taliadau fesul Modiwl Sengl oni nodir yn benodol:
Israddedig = 10 Credyd; Ôl-raddedig = 20 Credyd
Yn gyffredinol, gwelwn y bydd y mwyafrif o fyfyrwyr yn cwblhau 60 credyd y flwyddyn ar gyfer astudio Israddedig ac Ôl-raddedig; i gael gwir gost, eglurwch hyn trwy gysylltu â Chyfarwyddwr y Rhaglen yn uniongyrchol.
Cysylltu â Ni