Dylech wneud yn siŵr bod gennych ddigon o arian i dalu am eich holl gostau byw ar gyfer pob tymor yr ydych chi’n astudio ym Met Caerdydd. Gallwch wneud hyn trwy gyllidebu a rheoli arian yn dda.
Os bydd eich arian yn dod i ben oherwydd amgylchiadau annisgwyl, fe allech fod yn gymwys i dderbyn cymorth ariannol ar gyfer eich costau byw. Bydd disgwyl ichi ddangos eich bod chi wedi cymryd pob cam rhesymol i sicrhau bod gennych ddigon o arian i bara hyd at eich taliad incwm nesaf (e.e. rhandaliad Cyllid Myfyrwyr, cyflog o swydd, ayyb).
Os oes angen cymorth ariannol arnoch ar frys, gallwch ystyried yr opsiynau canlynol.
Cymorth Ariannol
Mae disgwyl i fyfyrwyr wneud darpariaeth ariannol addas i dalu am eu holl gostau cyn dechrau eu cwrs.
Fodd bynnag, os byddwch yn eich cael eich hun mewn trafferthion ariannol, gallech fod yn gymwys i ymgeisio i’r Brifysgol am gymorth ariannol.
Er mwyn bod yn gymwys i ymgeisio, rhaid i chi fod wedi’ch cofrestru ar eich cwrs ac yn methu talu am eich costau hanfodol ar hyn o bryd.
Ar ôl i chi gyflwyno’r ffurflen hon, anfonir dolen i chi drefnu apwyntiad gydag aelod o’n tîm. Yn ystod yr apwyntiad hwn, byddwn yn trafod eich sefyllfa ymhellach gyda chi. Yn dilyn y sgwrs hon, efallai y byddwn wedyn yn eich gwahodd i ymgeisio am gymorth ariannol. Sylwch na allwn warantu dyfarniad.
Myfyrwyr rhyngwladol ac UE
Os ydych chi’n wynebu caledi ariannol taer o ganlyniad i amgylchiadau sylweddol ac annisgwyl, fe allech fod yn gymwys ar gyfer cymorth ariannol brys trwy ein ‘Cronfa cymorth i fyfyrwyr rhyngwladol’.
Gallwch wneud cais ar gyfer cymorth ariannol os ydych chi:
- wedi dioddef trosedd neu dwyll (rhaid ichi gael rhif cyfeirnod trosedd)
- yn ffoi rhag trais neu gam-drin domestig
- wedi dioddef trychineb domestig yn y DU megis tân neu lifogydd yn y tŷ
Bydd hefyd angen inni gysylltu â’r Gwasanaeth Cynghori Myfyrwyr Byd-eang i roi gwybod iddynt am eich amgylchiadau felly efallai y byddan nhw’n cynnig rhywfaint o gymorth ichi.
Adnoddau hunan-gymorth
Os ydych yn ei chael hi'n anodd rheoli eich arian, rydym yn argymell eich bod yn cwblhau ein e-Fodiwl ymwybyddiaeth ariannol:
Cysylltwch â ni
Os oes angen i chi siarad â rhywun am gyllidebu a dyled, neu'r Gronfa Cymorth i Fyfyrwyr, gallwch drefnu apwyntiad:
Cyngor ariannol
