Hyb Ffisioleg Chwaraeon

Pwy ydym ni

Rydym yn wyddonwyr chwaraeon profiadol gyda phrofiad o wella perfformiad chwaraeon yn ymarferol a drwy ymchwil. Mae ein staff eisoes yn gweithio gydag Athletau Cymru a Lloegr, Triathlon Cymru ac mewn pêl-droed; gallwch chi hefyd ddefnyddio ein harbenigedd i wella eich perfformiad chwaraeon eich hun.

Bydd ein tîm Ffisioleg yn darparu profion, yn monitro ac yn rhoi chyngor i’ch helpu i wella’ch perfformiad ar gyfer y chwaraeon pellter hir.

Gallwn ddarparu profion a chyngor safonol neu bwrpasol i wella’r rhan fwyaf o agweddau ar berfformiad chwaraeon.

Michael Hughes, Ffisiolegydd Chwaraeon

• Cyn ffisiolegydd chwaraeon i Gymdeithas Olympaidd Prydain (sy’n canolbwyntio ar athletau, rhwyfo, chwaraeon raced, chwaraeon gaeaf)
• Gwaith ymgynghori ar gyfer FIFA, Ffederasiwn Badminton y Byd, Badminton Cymru a Lloegr, Tîm Rali Subaru y Byd
• Gwaith ymchwil ar y cyd gydag Athletau Cymru, Triathlon Cymru, Chwaraeon Cymru
• Yn canolbwyntio ar brofion ffitrwydd ar y maes ac yn y labordy
• PhD mewn ffisioleg chwaraeon sy’n cynnwys rhedeg cyflym (pêl-droed, hoci, chwaraeon raced, rygbi, pêl-fasged)

Dan Nash, Ffisiolegydd Chwaraeon

• Ffisiolegydd chwaraeon presennol i Athletau Cymru a Thriathlon Cymru
• Gwaith blaenorol gyda Chwaraeon Cymru a Rhwyfo Cymru, yn ogystal â phrofiad gyda rygbi a phêl-droed
• PhD mewn blinder a biofarcwyr statws iechyd mewn rhedwyr dygnwch hyfforddedig iawn
• Rhedwr rhyngwladol Cymru a Phrydain gydag amser rhedeg marathon o 2:15 a daliwr record 50 cilomedr cyfredol y DU

Sut ydyn ni’n gwneud hynny?

Trwy fentrau ‘Campws Agored’ a ‘Chenhadaeth Ddinesig’ y Brifysgol gallwn gynnig ein gwasanaethau i gyrff llywodraethu, clybiau, grwpiau ymarfer ac aelodau unigol o’r cyhoedd.

Gweithdrefnau profion ffisioleg

Profion V̇O₂max (£75)

Mae’r gwerth hwn yn dangos terfyn uchaf eich trothwy ar gyfer gweithgaredd aerobig ac mae’n elfen hanfodol o ffitrwydd yn y rhan fwyaf o chwaraeon (yn enwedig dygnwch). Byddwch yn ymarfer yn ein labordy mor hir ag sy’n bosibl, nes gorflino. (gellir trefnu opsiynau haws ond mae’r canlyniadau’n llai manwl) a byddwn yn asesu sut mae eich calon a’ch ysgyfaint yn ymateb i’r her. Gallwch hefyd fesur cyfradd curiad uchaf eich calon – canlyniad gwerthfawr ar gyfer gosod parthau ymarfer.

Mae’r V̇O₂max yn dangos llinell sylfaen cyfradd metabolig y mae ei hangen ar gyfer y rhan fwyaf o chwaraeon a gallwn ddefnyddio’r canlyniadau i arwain eich ymarfer a’ch gwaith paratoi.

• V̇O₂max
• Cyflymder neu bŵer yn V̇O₂max
• Cyfradd uchaf curiad y galon

Profion ymarfer corff is-facsimaidd (£90, neu £140 o’i gyfuno â phrawf V̇O₂max)

Er bod V̇O₂max yn dangos y ‘trothwy’ ar gyfer gweithgaredd aerobig, mae ymatebion y corff i ymarfer dwysedd isel yr un mor bwysig ar gyfer chwaraeon dygnwch. Byddwn yn profi sut mae eich calon a’ch ysgyfaint yn ymateb i’r dwyseddau y byddwch yn dod ar eu traws yn ystod ymarferion a chystadlaethau. Gallwn hefyd fesur ymateb y lactad yn y gwaed yn ystod ymarfer corff – mae’n debyg mai dyma’r newidyn mwyaf defnyddiol i’w wybod ar gyfer gosod parthau ymarfer a gwerthuso eich ffitrwydd dygnwch. Yn olaf, gallwn asesu eich economi / effeithlonrwydd yn ogystal â’r gyfradd rydych chi’n defnyddio carbohydradau a braster.

• Trothwyon lactad
• Parthau ymarfer
• Technegau rhedeg cynnil / effeithiolrwydd beicio
• Cyfraddau ocsideiddio braster a charbohydradau

Dod o hyd i’ch esgidiau rasio perffaith (£75)

Mae dyfodiad esgidiau â phlatiau carbon wedi cael effaith fyd-eang ar Record Bersonol rhedwyr ledled y byd. Mae’r esgidiau hyn yn gweithio trwy wella’ch technegau rhedeg cynnil, gan ganiatáu ichi redeg yn gyflymach wrth ddefnyddio’r ru’n faint o egni. Fodd bynnag, erbyn hyn mae dewis helaeth o “esgidiau gwych” ac mae’r effaith y mae’r esgidiau yn ei gael ar berfformiad y rhedwr yn amrywio. Gallwn asesu eich cynildeb rhedeg mewn amrywiaeth o esgidiau (a ddarperir gennych chi’ch hun) er mwyn darganfod pa un sy’n mynd i roi’r hwb mwyaf i chi ar ddiwrnod y ras.

Profion maes a phrofi chwaraeon tîm

Efallai y bydd angen dewisiadau gwahanol ar grwpiau o chwaraewyr sy’n cymryd rhan mewn chwaraeon tîm yn lle profion labordy, felly gall profion maes fod yn ddelfrydol i chi. Er enghraifft gallwn werthuso ffitrwydd mewn amgylchedd ymarfer mwy nodweddiadol – ar gae pêl-droed, er enghraifft.

Gallai athletwyr dygnwch hefyd fabwysiadu dewisiadau gwahanol ar y maes i brofion labordy.

Yn y naill achos neu’r llall, dylech gysylltu â ni am fwy o fanylion. Mae enghreifftiau o newidynnau y gallwn eu mesur yn cynnwys:

• Profion macsimaidd: cyflymder sbrintio
• Gallu i sbrintio dro ar ôl tro
• Prawf Yo-Yo
• Prawf 30-15
• Monitro ymarferion

Mae ein profion labordy yn weithdrefnau safonol a ddefnyddir i werthuso ffitrwydd ac i helpu i arwain eich ymarfer ond gallwn hefyd brofi priodoldeb eich sesiynau ymarfer yn dilyn profion labordy. Gyda’r wybodaeth hon, gallwch fireinio’ch ymarfer ymhellach a gweld a ydych chi’n ymarfer yn gywir.

Gweithdrefnau eraill

Gyda’n cyfleusterau, ein gwybodaeth a’n cydweithwyr eraill, gallwn greu ystod eang o weithdrefnau neu weithgareddau eraill i’ch helpu i baratoi. Cysylltwch â ni os oes gennych unrhyw faterion perfformiad chwaraeon y credwch y gallwn helpu gyda nhw.

Defnyddiwch y cyfeiriad e-bost isod i archebu lle.

E-bost: sportphysiologyhub@cardiffmet.ac.uk