Ymchwil>Academïau Byd-eang>Support for Global Academy Development

Cefnogaeth i Ddatblygiad Academiau Byd-eang

Rydym yn darparu nifer o gyfleoedd cyllido mewnol drwy’r Academïau Byd-eang. Bydd y cyfleoedd hyn yn gofyn bod ein hacademyddion yn gweithio ar draws disgyblaethau i gael hyd i atebion ac i greu syniadau newydd a fydd yn mynd i’r afael â heriau a blaenoriaethau byd-eang. Nod y gronfa hon yw cefnogi datblygiad ceisiadau ar gyfer cyllid allanol i gael datblygu ymhellach ymchwil cydweithredol ein hacademyddion.

Dyma rai o brosiectau a ariennir gan Met Caerdydd o dan bob Academi Byd-eang:

Iechyd a Pherfformiad Dynol

Teitl: Gwneud symudiadau'n Anochel
Cydweithrediad rhwng: Ysgol Gelf a Dylunio, Ysgol Chwaraeon a Gwyddorau Iechyd a’r Ysgol Dechnolegau
Disgrifiad: Nod y prosiect hwn yw gwella lefelau’r gweithgaredd corfforol ar gyfer pobl hŷn drwy ddatblygu technolegau ymatebol sydd wedi’u cyfoethogi’n synhwyraidd sy’n gwneud symud yn anochel ac yn gymdeithasol ddeniadol. Fe wnaeth cyllido’r prosiect hwn alluogi tîm aml-ddisgyblaethol profiadol o ymchwilwyr ac ymchwilwyr gyrfa gynnar o Ysgol Gelf a Dylunio Caerdydd, Ysgol Chwaraeon a Gwyddorau Iechyd Caerdydd ac Ysgol Dechnolegau Caerdydd, yn ogystal â rhanddeiliaid a chynrychiolwyr grwpiau o gleifion, i gael dod at ei gilydd am weithdy creadigol un-dydd. Fe wnaeth y gweithdy gael cyfranogwyr i gymryd rhan mewn gweithgareddau creadigol i helpu i amlygu’r heriau a’r rhwystrau allweddol i bobl hŷn gael cymryd rhan mewn ymarfer corff, gan fapio’r mathau o weithgareddau y bydd pobl hŷn yn ymwneud â nhw, ac archwilio ble mae gwasanaethau’n cael eu darparu ar hyn o bryd a phwy sy’n eu hariannu. Mae’r wybodaeth a gynhyrchwyd gan y digwyddiad hwn (ar fideo, ffotograffau, taflenni adborth a byrddau stori grwpiau) yn cael ei defnyddio i oleuo datblygiad nifer o gynigion ymchwil yn targedu cynghorau ymchwil y DU, y trydydd sector, a diwydiant.

Teitl: Defnyddio IL-6 ennyn marcio ymarfer newydd
Cydweithrediad rhwng: Ysgol Chwaraeon a Gwyddorau Iechyd Caerdydd (Adran BMS), Ysgol Chwaraeon a Gwyddorau Iechyd Caerdydd (Chwaraeon) a’r Ysgol Dechnolegau
Disgrifiad: Mae sawl marciwr genomig sy’n gysylltiedig â’r prosesau biolegol sy’n berthnasol i gymryd rhan ac i berfformio mewn chwaraeon yn cael eu defnyddio i lywio’r gwaith penderfynu mewn chwaraeon a gwyddor ymarfer. Nod y prosiect hwn oedd pennu a ellir dynodi’r gennyn IL-6R yn ennyn marcio ymarfer a chwaraeon newydd. Mae’r prosiect wedi hwyluso cydweithredu newydd rhwng disgyblaethau gwahanol o fewn Prifysgol Metropolitan Caerdydd (sef Ysgol Dechnolegau Caerdydd, ac Is-adrannau Ffisiolegol Ymarfer a Gwyddorau Biofeddygol yn Ysgol Chwaraeon a Gwyddorau Iechyd Caerdydd). Fe gyfunodd arbenigedd, profiad llwyddiannus ym maes ymchwil ac arloesedd, a rhwydweithiau cydweithredwyr yr unedau hyn. Fe wnaeth cyllido’r prosiect hwn roi data a mewnwelediad, gan fynd i’r afael â’r cwestiwn: beth yw’r ffordd orau i ddylunio rhaglenni ymarfer fydd wedi’u paru â’r cyfranogwyr yn yr ymarfer hwnnw, gan wneud y tîm ymchwilio yn bartneriaid cydweithredol deniadol â darparwyr ymarfer yng Nghymru, ac yn dechrau cydweithredu gyda darparwyr ymarfer eraill (yn genedlaethol ac yn rhyngwladol).

Gwyddor Bwyd, Diogelwch a Diogelu

Teitl: Archwilio sut y gellid defnyddio deallusrwydd artiffisial a pheiriannau’n dysgu i gael asesu safonau hylendid y dwylo mewn amgylcheddau arlwyo a chynhyrchu bwyd
Cydweithrediad rhwng: Ysgol Dechnolegau, yr Ysgol Chwaraeon a Gwyddorau Iechyd, y Ganolfan Diwydiant Bwyd ZERO2FIVE a’r Ysgol Reoli
Disgrifiad: Cafodd y cydweithrediad amlddisgyblaethol hwn rhwng y Ganolfan Diwydiant Bwyd ZERO2FIVE, yr Ysgol Chwaraeon a Gwyddorau Iechyd, Canolfan Ymchwil Twristiaeth Cymru, Ysgol Reoli Caerdydd ac Adran Peirianneg a Chyfrifiadura Cymhwysol yr Ysgol Dechnolegau ei feithrin yn ystod gweithdy rhyngddisgyblaethol yr Academïau Byd-eang ym mis Tachwedd 2019. Roedd y prosiect hwn yn mynd i’r afael ag angen a adnabuwyd gan Ganolfan Diwydiant Bwyd ZERO2FIVE a Chanolfan Ymchwil Twristiaeth Cymru i asesu a oedd bobl fyddai’n trafod bwyd yn cydymffurfio o ran golchi dwylo, â’r nod o ddiogelu defnyddwyr, cwmnïau cynhyrchu bwyd a busnesau lletygarwch ac arlwyo. Fe wnaeth cyllido’r prosiect hwn alluogi’r tîm ymchwilio i gynnal cyfweliadau gyda rheolwyr cynhyrchu bwyd a lletygarwch er mwyn archwilio’r manteision posib, derbynioldeb, a’r pryderon o ran defnyddio Deallusrwydd Artiffisial a Pheiriannau’n Dysgu (AI&ML) i gael asesu cydymffurfiad o ran golchi dwylo, a datblygu’r dechnoleg AI&ML. Fe wnaeth casgliadau’r prosiect hwn oleuo’r dyluniad cyntaf a’r archwilio yn y dyfodol, helpu i adnabod ffynonellau allanol posib ar gyfer cyllido prosiectau dilynol, a galluogi’r tîm ymchwilio i ymestyn eu rhwydweithiau allanol.

Teitl: Adnabod risgiau o ran diogelwch bwyd sy’n gysylltiedig â nano-ronynnau Ti02 (titaniwm deuocsid) o fewn cynhyrchion bwyd ag E171 ar eu labeli
Cydweithrediad rhwng: Adran Gofal Iechyd a Bwyd ac Adran Gwyddorau Biofeddygol yr Ysgol Chwaraeon a Gwyddorau Iechyd, a’r Ganolfan Diwydiant Bwyd
Disgrifiad: Mae’r cydweithrediad aml-ddisgyblaethol hwn rhwng academyddion o’r Ganolfan Diwydiant Bwyd ac Adran Gofal Iechyd a Bwyd ac Adran Gwyddorau Biofeddygol yn Ysgol Chwaraeon a Gwyddorau Iechyd Caerdydd, yn archwilio i weld a yw defnyddwyr yn gallu canfod gwahaniaethau rhwng cynhyrchion bwyd sy’n cynnwys titaniwm deuocsid (TiO2 neu E172), ychwanegyn bwyd a ddefnyddir i wynnu cynhyrchion bwyd neu i ychwanegu disgleirdeb (e.e. gliter bwytadwy), a chynhyrchion nad ydynt yn cynnwys yr ychwanegyn hwn, er mwyn goleuo’r diwydiant bwyd. Fe wnaeth y prosiect hwn fynd i’r afael â’r galw gan gwsmeriaid yn rhyngwladol i gael gwahardd yr ychwanegyn hwn a phennu a yw’n bosib symud yr ychwanegyn heb effeithio ar ddewis cwsmeriaid. Fe wnaeth cyllido’r prosiect alluogi’r tîm ymchwil i ddarparu data a mewnwelediad i drafod cwestiynau ail-fformiwleiddio bwyd am resymau diogelwch, gan wneud y tîm yn bartneriaid cydweithredol deniadol i gynhyrchwyr bwyd Cymru a rhyngwladol. Fe wnaeth casgliadau’r prosiect hwn fod yn sail ar gyfer ceisiadau grantiau allanol am brosiectau dilynol.

Dylunio sy'n Canolbwyntio a Bobl

Teitl: Astudiaeth achos ar ba mor agored mae plant ysgol i lygredd yn yr aer ar y rhyngwyneb dan do/awyr agored ac argymhellion ar gyfer gwellhad
Cydweithrediad rhwng: Ysgol Gelf a Dylunio Caerdydd ac Ysgol Chwaraeon a Gwyddorau Iechyd Caerdydd
Disgrifiad: Fe ddaeth y cydweithrediad aml-ddisgyblaethol hwn rhwng academyddion o Ysgol Gelf a Dylunio Caerdydd ac Ysgol Chwaraeon a Gwyddorau Iechyd Caerdydd ag arbenigedd mewn llygredd aer, dylunio ac addysg at ei gilydd i archwilio lefelau llygredd a’r effaith bosib ar iechyd plant. Bu’r tîm ymchwil yn gweithio gydag ysgol leol yng nghymuned Llandaf, yn cydweithredu â myfyrwyr yng nghlwb ‘eco-ryfelwyr’ yr ysgol i astudio ansawdd yr aer yn yr iard ac yn yr ystafelloedd dosbarth, a buon nhw’n ceisio cael hyd i ffyrdd i leihau effaith y llygredd ar y mannau hyn. Fe wnaeth cyllido’r prosiect alluogi’r tîm ymchwil i brynu set o dracwyr llygredd i gael cymharu proffiliau faint o amser a dreuliai myfyrwyr sy’n cerdded, sgwtio, seiclo a gyrru i’r / o’r ysgol, gan fonitro faint fydden nhw’n agored i lygryddion dan do ac yn yr awyr agored. Fe wnaeth casgliadau’r prosiect gryfhau cyfraniad y tîm ymchwil i rwydwaith NERC (Cyngor Ymchwil Amgylchedd Naturiol) ar gyfer ansawdd yr aer y tu mewn a thu allan a bu’n gymorth wrth iddyn nhw ymdrechu i sicrhau rhagor o gyllid oddi wrth y rhwydwaith.

Teitl: Cydweithredu i ddylunio dyfeisiau meddygol personoledig
Cydweithrediad rhwng: PDR, Ysgol Gelf a Dylunio Caerdydd, Ysgol Chwaraeon a Gwyddorau Iechyd Caerdydd
Disgrifiad:Fe fu’r cydweithrediad aml-ddisgyblaethol hwn rhwng academyddion o’r Ganolfan Ryngwladol ar gyfer Dylunio ac Ymchwil (PDR) ym Mhrifysgol Metropolitan Caerdydd, Ysgol Gelf a Dylunio Caerdydd ac Ysgol Chwaraeon a Gwyddorau Iechyd Caerdydd yn archwilio i ddatblygiad cyfleuster ‘gofod gwneuthurwyr’ a fyddai’n galluogi’r GIG i weithio gyda phobl â chyflyrau niwrolegol, anafiadau i’r ymennydd, a chyflyrau cronig eraill i gael cydweithio i greu cynhyrchion i wella canlyniadau cymdeithasol a chorfforol dros y tymor hir. Roedd y prosiect hwn yn mynd i’r afael ag angen cydnabyddedig i sicrhau y gallai grwpiau amrywiol o bobl gadw neu ychwanegu at eu hannibyniaeth a bod â’r gallu llawn yn gorfforol, yn feddyliol, yn gymdeithasol ac yn alwedigaethol, a hynny ar lai o gost i’r GIG. Defnyddiwyd cyllid y prosiect hwn i gynnal tri gweithdy i ddatblygu’r prosiect rhwng y partneriaid arweiniol ym Mhrifysgol Metropolitan Caerdydd a’r partneriaid cydweithredol ym Mhrifysgol Abertawe a Byrddau Iechyd Prifysgol Caerdydd a’r Fro a Bae Abertawe. Fe wnaeth casgliadau’r gweithdai alluogi’r tîm ymchwil i adnabod themâu cyffredin a fu’n sail i gyhoeddiadau ymchwil ac yn gefnogaeth i waith ysgrifennu bidiau ar gyfer sicrhau cyllid allanol.