Dyddgu Hywel

Arweinydd y Prosiect:
Prosiect Darpariaeth Gydweithredol: Modiwl 'Come rain or Shine'.
Prosiect cydweithredol rhwng Prifysgol Metropolitan Caerdydd, Prifysgol Bangor, a Phrifysgol Cymru y Drindod Dewi Sant

Mae Dyddgu yn Uwch-ddarlithydd yn Ysgol Addysg a Pholisi Cymdeithasol Caerdydd. Ymunodd â'r Ysgol yn 2014. Cyn hynny bu'n addysgu yn y sector Addysg Bellach am dair blynedd fel Darlithydd Dylunio a Thechnoleg a Pheirianneg yng Ngholeg Meirion Dwyfor, a blwyddyn yn addysgu Dylunio a Thechnoleg yn Ysgol Uwchradd Rhydywaun.

Mae'n arwain y ddarpariaeth Gymraeg ar y radd ddwyieithog BA mewn Astudiaethau Addysg Gynradd ac yn cyfrannu at y cwrs BA mewn Astudiaethau Addysg Gynradd (gyda SAC) ac Astudiaethau Plentyndod Cynnar.

Mae ei chyfrifoldebau academaidd ychwanegol yn cynnwys bod yn gymedrolwr ac arholwr i Gyd-bwyllgor Addysg Cymru (CBAC) ac mae'n gweithio'n agos â'r pwnc Safon Uwch, Dylunio a Thechnoleg. Mae'n arholwr allanol i bartneriaid rhyngwladol Prifysgol Metropolitan Caerdydd, a phrifysgolion eraill yn y DU.

http://www.cardiffmet.ac.uk/news/Pages/Cardiff-Met’s-Dyddgu-shines-as-the-Welsh-Women's-rugby-team-hold-strong-in-the-Six-Nations.aspx

http://www.colegcymraeg.ac.uk/cy/ycoleg/darlithwyrcelfyddydau/addysg/dyddgu-hywel.aspx

http://www.unipaper.co.uk/article/cardiff/sport/feb_2015/cardiff-met-lecturer-dyddgu-hywel-teaches-england-a-lesson

Arferai Dyddgu chwarae rygbi i Gymru ar lefel ryngwladol. Chwaraeodd mewn ymgyrchoedd y Chwe Gwlad, dau Gwpan Rygbi'r Byd, cystadlaethau Rygbi Ewropeaidd, i dîm rygbi 7 bob ochr Cymru, cynrychiolodd dîm y Barbariaid, ac enillodd 31 o gapiau dros ei gwlad.