Cynnwys y Cwrs
Mae gan y cwrs dri phwynt ymadael diffiniedig:
Tystysgrif Ôl-raddedig (PgC) - bydd myfyrwyr sy'n cwblhau 60 credyd ar lefel 7 (lefel meistr) yn gymwys i gael PgC. Bydd hyn yn cynnwys modiwlau craidd ac un modiwl seicoleg gymhwysol.
Diploma Ôl-raddedig (PgD) – bydd myfyrwyr sy'n cwblhau 120 credyd ar lefel 7 yn gymwys i gael PgD. Bydd hyn yn cynnwys modiwlau craidd, dau fodiwl seicoleg gymhwysol a dau fodiwl dewisol arall.
Meistr mewn Gwyddoniaeth (MSc) - bydd myfyrwyr sy'n cwblhau 180 credyd, gan gynnwys y traethawd hir, yn gymwys i gael MSc.
Cynlluniwyd y rhaglen i fod yn hyblyg ac i ddiwallu anghenion dysgu myfyrwyr unigol. Mae’n bosibl cwblhau rhai modiwlau unigol fel Datblygiad Proffesiynol Parhaus (DPP), er bod ffi ar wahân am y math hwn o astudiaeth.
Modiwlau:
Elfennau craidd:
- Dulliau a Dyluniad Ymchwil (30 credyd)
- Ymarfer Seiliedig ar Dystiolaeth (10 credyd)
- Sgiliau Therapi Seicoleg Gymhwysol (uchafswm o 40 credyd):
- Sgiliau Craidd ar gyfer Therapi Gwybyddol Ymddygiadol (CBT) (20 credyd)
- Cyfweld Cymhellol (20 credyd)
- Gwaith therapiwtig gyda phlant ifanc (20 credyd)
I fod yn gymwys ar gyfer y PgC rhaid i fyfyrwyr gwblhau un o'r modiwlau uchod, ac i fod yn gymwys ar gyfer y PgD a'r MSc rhaid iddynt gwblhau dau o'r modiwlau uchod. Mae'r modiwlau hyn yn fodiwlau seicoleg gymhwysol craidd, sy'n helpu i feithrin sgiliau ymarferol y gellir eu defnyddio mewn amrywiaeth o leoliadau seiliedig ar waith. Bydd y modiwlau hyn hefyd ar gael fel modiwlau DPP annibynnol.
Modiwlau Dewisol:
Rhaid i fyfyrwyr gwblhau dau o'r modiwlau canlynol er mwyn bod yn gymwys ar gyfer y PgD neu MSc
- Newid Ymddygiad: Damcaniaethau a Gwerthuso (20 credyd) Dysgu Seiliedig ar Waith (20 credyd)
- Datblygu Polisi Iechyd y Cyhoedd (20 credyd)
- Fframweithiau ar gyfer Ymyrraeth Iechyd y Cyhoedd (20 credyd)
- Arweinyddiaeth a Rheolaeth Strategol (20 credyd)
- Traethawd hir (60 credyd)
Rhaid i fyfyrwyr gwblhau modiwl y traethawd hir i fod yn gymwys ar gyfer yr MSc. Neilltuir dau oruchwyliwr academaidd ar gyfer pob prosiect ymchwil, gan helpu'r myfyriwr i ddylunio a chynnal yr ymchwil. Disgwylir y bydd myfyrwyr yn cwblhau prosiectau mewn lleoliadau cymhwysol, sy'n adeiladu ar sgiliau a phrofiad.
Dysgu ac Addysgu
Mae'r cyfleoedd addysgu a dysgu ar y rhaglen wedi'u cynllunio i gefnogi ymgysylltiad myfyrwyr trwy sesiynau wyneb yn wyneb a'r defnydd o ddeunyddiau ar-lein. Ar gyfer modiwlau craidd ac opsiynau, defnyddir darlithoedd, seminarau a gweithdai. Anogir gwaith grŵp a thrafodaeth ym mhob sesiwn, a chefnogir hefyd gyda deunyddiau ar-lein gan ddefnyddio Moodle.
Ar gyfer y modiwlau sgiliau Seicoleg Gymhwysol bydd gwaith grŵp bach ac ymarferion grŵp bach yn cael eu defnyddio sy'n annog datblygiad sgiliau seicolegol cymhwysol ac yn darparu profiad ymarferol i gyfranogwyr.
Mae’r traethawd hir hefyd yn caniatáu hyblygrwydd gan y bydd disgwyl i fyfyrwyr wneud eu hymchwil mewn lleoliadau cymhwysol, a allai fod yn y gweithle neu gydag un o bartneriaid lleoliad yr adran.
Neilltuir tiwtor personol i bob myfyriwr a fydd yn cynnig cymorth bugeiliol ac academaidd ac arweiniad ar fodiwlau craidd, cymhwysol a dewisol mewn modd sy’n bodloni eu gofynion dysgu unigol.
Asesu
Defnyddir ystod o ddulliau asesu i gefnogi dysgu myfyrwyr. Bydd y rhain yn cynnwys adroddiadau ar gyfer Dulliau a Dyluniad Ymchwil, ac adolygiad systematig o arfer Seiliedig ar Dystiolaeth. Bydd y rhain yn llywio cynhyrchu'r traethawd hir 60 credyd. Bydd dyddlyfrau dysgu adfyfyriol, asesiadau cymheiriaid a chyflwyniadau yn cael eu defnyddio yn y modiwlau Sgiliau Seicoleg Gymhwysol. Defnyddir traethodau ac astudiaethau achos hefyd.
Mae'r asesiadau wedi'u cynllunio i alluogi myfyrwyr i ddangos ystod o sgiliau cymhwysol, yn barod ar gyfer amrywiaeth o gynulleidfaoedd. Anogir myfyrwyr i siarad â staff academaidd cyn ac ar ôl cyflwyno gwaith.
Cyflogadwyedd a Gyrfaoedd
Mae'r rhaglen MSc yn gwella datblygiad proffesiynol y rhai mewn cyflogaeth a'r rhai sy'n edrych i ddilyn gyrfaoedd sy'n gysylltiedig â seicoleg. Mae’r rhaglen yn addas ar gyfer y rheini sy’n gweithio mewn lleoliadau iechyd, ym maes Adnoddau Dynol lle mae ffocws ar les, a’r rhai sy’n dymuno ymestyn eu sylfaen sgiliau gyda’r nod o gael gyrfa ymchwil.
Sylwch nad yw'r rhaglen hon wedi'i hachredu gan Gymdeithas Seicolegol Prydain.
Gofynion Mynediad a Sut i Wneud Cais
Gradd anrhydedd dda (2.1 neu uwch fel arfer) mewn Seicoleg, fel arfer o gwrs israddedig achrededig BPS (Cymdeithas Seicolegol Prydain). Mae'n bosibl y bydd y rhai heb radd achrededig BPS yn dal i gael eu hystyried.
Ymgeiswyr Rhyngwladol
Bydd angen i fyfyrwyr nad Saesneg yw eu hiaith gyntaf ddarparu tystiolaeth o ruglder hyd at o leiaf safon IELTS 6.0 neu gyfwerth. I gael manylion llawn am sut i wneud cais a chymwysterau Iaith Saesneg, ewch i'r
tudalennau Rhyngwladol ar y wefan.
Gweithdrefn Ddethol:
Rhaid i ymgeiswyr ar gyfer y rhaglen MSc Seicoleg Newid Ymddygiad Cymhwysol gwblhau'r ffurflen gais sydd ar gael ar y wefan a chyflwyno datganiad personol i egluro eu rhesymau dros wneud cais am y cwrs. Ceisir dau eirda a chyfwelir pob ymgeisydd. Os nad yw ymgeiswyr yn bodloni’r meini prawf mynediad arferol yna mae’n bosibl y bydd gwybodaeth ychwanegol yn cael ei chymryd i ystyriaeth e.e. profiad gwaith a thystiolaeth arall o allu i astudio ar lefel Meistr.
Sut i Wneud Cais:
Dylid gwneud ceisiadau am y cwrs hwn yn uniongyrchol i'r brifysgol trwy ein cyfleuster
hunanwasanaeth. Am wybodaeth bellach ewch i'n tudalennau
Sut i Wneud Cais.
Os oes gennych ddiddordeb mewn defnyddio credyd gan sefydliad arall, neu os ydych wedi ennill cymwysterau a / neu brofiad i astudio ar gyfer cwrs ym Met Caerdydd, gallwch ddod o hyd i ragor o wybodaeth am hyn ynghyd â gwybodaeth ar sut i wneud cais ar y dudalen
RPL.
Gwybodaeth Ychwanegol
Ffioedd Dysgu a Chefnogaeth Ariannol:
I gael y wybodaeth ddiweddaraf am ffioedd dysgu a'r gefnogaeth ariannol a allai fod ar gael. Cyfeiriwch
yma.
Ffioedd rhan-amser:
Codir y taliadau fesul Modiwl Sengl oni nodir yn benodol:
Israddedig = 10 Credyd; Ôl-raddedig = 20 Credyd
Yn gyffredinol, gwelwn y bydd y mwyafrif o fyfyrwyr yn cwblhau 60 credyd y flwyddyn ar gyfer astudio Israddedig ac Ôl-raddedig; i gael gwir gost, eglurwch hyn trwy gysylltu â Chyfarwyddwr y Rhaglen yn uniongyrchol.
Cysylltwch â Ni