Canolfan Diwydiant Bwyd ZERO2FIVE>Amdanom Ni>Veronika Bulochova

 

Sergio Ardu

Veronika Bulochova
Academydd Cyswllt (Doethuriaeth)
E-bost: vbulochova@cardiffmet.ac.uk
Yn ôl i'r Proffiliau

Fy rôl yng Nghanolfan Diwydiant Bwyd ZERO2FIVE

Ym mis Mai 2021, cefais fy ngwobrwyo ag ysgoloriaeth Doethuriaeth gyntaf Canolfan Diwydiant Bwyd ZERO2FIVE i ymgymryd â phrosiect ymchwil Doethuriaeth, yn canolbwyntio ar bennu diwylliant diogelwch bwyd y sector lletygarwch ac arlwyo gan ddefnyddio data amser real a thechnoleg Deallusrwydd Artiffisial (AI) newydd.

Cydweithrediad amlddisgyblaethol yw’r prosiect ymchwil hwn rhwng Canolfan Diwydiant Bwyd (CDB) ZERO2FIVE (Ysgol Chwaraeon a Gwyddorau Iechyd Caerdydd), a Chanolfan Ymchwil Twristiaeth Cymru (Ysgol Reoli Caerdydd). Mae hefyd yn gydweithrediad amlwladol gyda Phrifysgol Canberra, Awstralia.

Effaith y Prosiect

O ystyried y ffaith fod cyfran fawr o ddigwyddiadau clefydau a gludir gan fwyd yn gysylltiedig â sefydliadau gwasanaeth bwyd, mae angen tynnu rhagor o sylw at gefnogi a gwella diogelwch bwyd yn y sector hwn. Rhaid i agweddau sefydliadol megis arweinyddiaeth gref, cymhelliant, ymrwymiad, canfyddiad risg, agwedd bositif ac argaeledd adnoddau weithio’n gytûn i yrru’r diwylliant diogelwch bwyd yn ei flaen a sicrhau diogelwch bwyd.

  • Felly, bydd yr ymchwil hon yn sicrhau dealltwriaeth wybyddol fanwl o’r diwylliant diogelwch bwyd mewn sefydliadau arlwyo yng Nghymru. 
  • Datblygir y technolegau Deallusrwydd Artiffisial (AI) a Dysgu Peirianyddol (ML) i ganfod cydymffurfiaeth o ymddygiadau diogelwch bwyd penodol yn y sector gwasanaeth bwyd.
  • Caiff mecanweithiau wedi’u targedu er mwyn gwella’r diwylliant diogelwch bwyd yn y sector gwasanaeth bwyd a lletygarwch eu datblygu a’u peilota.   
  • Bydd yr astudiaeth yn darparu’r mecanweithiau i wella gweithrediad ymddygiadau sy’n lleihau risg yn y sector gwasanaeth bwyd a lletygarwch a lleihau digwyddiadau o glefydau a gludir gan fwyd. 

Y Tîm Goruchwylio

  • Dr Elizabeth Redmond, Uwch Gymrawd Ymchwil, Canolfan Diwydiant Bwyd, (Cyfarwyddwr Astudiaethau)
  • Dr Ellen Evans, Cymrawd Ymchwil, Canolfan Diwydiant Bwyd, (Goruchwyliwr Academaidd)
  • Dr Claire Haven-Tang, Deon Cyswllt (Ymchwil), Ysgol Reoli Caerdydd (Goruchwyliwr Academaidd)
  • Dr Ambikesh Jayal, Prifysgol Canberra, Awstralia (Goruchwyliwr Academaidd)

Profiad Blaenorol  

Ar ôl graddio o Brifysgol Morgannwg gyda BSc mewn Bioleg Ddynol, enillais 12 mlynedd o brofiad yn y diwydiant wedyn wrth weithio yn y sector gwasanaeth bwyd a lletygarwch.

Yn 2020, cefais fy nyfarnu â MSc mewn Gwyddor a Thechnoleg Bwyd (Rhagoriaeth) o Brifysgol Metropolitan Caerdydd yn arbenigo mewn Diogelwch Bwyd. Roedd fy mhrosiect ymchwil Meistr yn canolbwyntio ar ddiogelwch perchnogion anifeiliaid anwes sy’n rhoi deietau cig amrwd i anifeiliaid anwes domestig, sydd wedi arwain at ddau bapur ymchwil a gyhoeddwyd gan y Journal of Food Protection.

Rydw i bellach yn gweithio ar fy mhrosiect ymchwil Doethuriaeth, ar ôl derbyn ysgoloriaeth gyntaf Canolfan Diwydiant Bwyd ZERO2FIVE ym mis Mai 2021. 


Cymwysterau ac Aelodaeth Broffesiynol

Cymwysterau

  • MSc Gwyddor a Thechnoleg Bwyd (Diogelwch Bwyd), Prifysgol Caerdydd (2018-2020)
  • BSc Bioleg Ddynol (2006-2009), Prifysgol Morgannwg (2006-2009)
  • Diogelwch Bwyd ar gyfer Gweithgynhyrchu Bwyd Lefel 3 RSPH, Nodi a Rheoli Risgiau Alergenau Bwyd Lefel 2 RSPH a Deall sut i ddatblygu Cynllun HACCP RSPH (2019)
  • Dysgu Diogelwch Bwyd Lefel 2 CPL, Dysgu Ymwybyddiaeth Tân CPL a Dysgu Iechyd a Diogelwch CPL (2018); Dysgu Y Ymwybyddiaeth Alergenau CPL (2017)  

Aelodaeth Broffesiynol

  • Aelod myfyriwr o’r International Association of Food Protection (IAFP)
  • Aelod Myfyriwr o’r Institute of Food Science and Technology (IFST)


Cyfnodolion a Chyhoeddiadau

Cyhoeddiadau Ymchwil a Adolygwyd gan Gymheiriaid

  • Bulochova, V. ac Evans, E. W. (2021) “Exploring food safety perceptions and self-reported practices of pet owners, providing raw meat-based diets to pets.” Journal of Food Protection.
  • Bulochova, V. ac Evans, E. W. (2021) “Raw Meat–Based Pet Feeding and Food Safety: Netnography Study of Pet Owner Comments and Review of Manufacturers' Information Provision” Journal of Food Protection 84 (12): 2099–2108.

Cyfranogiad mewn Digwyddiadau

  • Bulochova, V. ac Evans, E.W. (2019) “A netnography study of consumer food safety perceptions and practices relating to raw meat pet diets”. Cyflwynwyd y poster yn 17eg Gynhadledd Flynyddol yr UK Association for Food Protection, Caerdydd, DU. 23 Hydref 2019. 
  • Bulochova, V. ac Evans, E.W. (2020) Exploring the perceptions and practices of pet-owners and provision of food safety information regarding raw meat-based pet diets. Cyflwynwyd y poster yng Nghyfarfod Blynyddol Rhithiol yr International Association for Food Protection (IAFP). 26-28 Hydref 2020.
  • Bulochova, V. ac Evans, E.W. (2021) Exploring perceptions and self-reported food safety practices of pet owners, providing raw meat-based diets to pets. Cyflwynwyd y poster yn: International Association for Food Protection (IAFP) European Symposium on Food Safety - A Virtual Meeting. 27-28 Ebrill 2021.
  • Bulochova, V ac Evans, E.W. (2021) A Netnography Study Relating to Raw Meat-based Diets for Pets. Cyflwynwyd y poster yn y 2021 Consumer Food Safety Education (CFSE) Virtual Conference Poster Session. 10-11 Mawrth 2021.   
  • Bulochova, V. & Evans, E.W. (2021) “Investigating potential food safety risks associated with raw food diets for companion pets in the UK.” The Global Food Safety Incidents and Emergency Response Conference 2021, a gynhaliwyd gan yr FSA, 22 Hydref 2021.