Canolfan Diwydiant Bwyd ZERO2FIVE>Amdanom Ni>Suzie Phelan

Suzie Phelan

Sharon Mayho

Suzie Phelan
Technolegydd Bwyd
Email: SPhelan@cardiffmet.ac.uk
Back To Profiles

Fy rôl yng Nghanolfan Diwydiant Bwyd ZERO2FIVE

Mae fy rôl yn cynnwys cefnogi gweithgynhyrchwyr bwyd a diod yng Nghymru trwy drosglwyddo gwybodaeth datblygu cynnyrch newydd (NPD) ar draws pob categori cynnyrch, gan ganolbwyntio’n arbennig ar:

  • Gefnogi a mentora cleientiaid wrth ddatblygu a gweithredu proses NPD arfer gorau
  • Hwyluso datblygu cynnyrch newydd a phresennol ym mhob cam o’r cysyniad hyd at lansio
  • Cynorthwyo’r gwaith o ffurfio ryseitiau ar gyfer datblygu cynnyrch yn ddiogel a chanllawiau o ran pennu oes silff
  • Cynnal paneli synhwyraidd ar gyfer cynhyrchion i lywio datblygiad a chynnal mantais gystadleuol ar gyfer ein cleientiaid
  • Hwyluso ac arwain arloesi a datblygu cynnyrch ar gyfer ZERO2FIVE a’i gleientiaid

Profiad Blaenorol  

Dunbia: Technolegydd NPD (Awst 2017 – Ebrill 2021)

Prosesydd cig premiwm yw Dunbia.  Safle pecynnu manwerthu yw’r safle yn Cross Hands lle roeddwn i wedi fy lleoli sy’n cynhyrchu ar gyfer Manwerthwyr a Gwasanaeth Bwyd y DU. Cydlynais y broses datblygu cynnyrch o’r briff hyd at lansio (Proses Gatiau) gan gydymffurfio â deddfwriaeth Diogelwch Bwyd ar gyfer Sainsburys a Tesco. Wrth gefnogi gyda chyfrifon manwerthu a gwasanaeth bwyd eraill yn ôl yr angen: Asda, Morrisons, Lidl, Iceland, Amazon, JD Wetherspoon, Whitbread a Stonegate. Mae’r cynhyrchion yn cynnwys: Cig Ffres (Stêcs, Darnau o Gig ac Offal), Maluriedig (Briwgig, Byrgyrs, Peli Cig), Gwerth Ychwanegol, Sous Vide, Bwyd Parti a Danteithion Nadolig.

Mileeven Fine Foods: Rôl Gynhyrchu, Ansawdd, NPD a Marchnata. (Ionawr – Awst 2017)

Busnes teuluol yw Mileeven Fine Foods sy’n arbenigo mewn Mêl Gwyddelig 100% Pur a mêl amrwd un ffynhonnell o bob rhan o’r bryd, cyffeithiau a chynhyrchion Nadolig.

Knockdrinna Farmhouse Cheese

Roedd fy rôl yn amrywio rhwng yr Uned Cynhyrchu Caws, y Siop Fferm a’r Caffi (Mawrth 2012 - Medi 2014). Cynhyrchydd Caws Teuluol – Caws Geifr, Defaid a Gwartheg yn ogystal â Siop Fferm a Chaffi. 

Fresh Finesse: Arddangoswr Siop Fwyd a Chanolfan Siopa. (Ionawr 2015 – Awst 2016)

Roeddwn i’n cynnal arddangosiadau bwyd ffres.


Cymwysterau ac Aelodaeth Broffesiynol

BSc (Anrh) Entrepreneuriaeth a Marchnata Bwyd 

Astudiais “Entrepreneuriaeth a Marchnata Bwyd”, gradd Anrhydedd Baglor 4 mlynedd o hyd yng Ngholeg Prifysgol Corc (UCC). Roedd y cwrs hwn yn cynnig cyfuniad unigryw o fusnes a gwyddoniaeth. Mae’r rhaglen yn archwilio cymhwyso cysyniadau busnes a gwyddor bwyd i gefnogi rhagoriaeth fusnes. Yn debyg i Brifysgol Metropolitan Caerdydd, mae gan UCC enw da’n rhyngwladol mewn addysg ac ymchwil bwyd ac fe’i haddysgir gan ddarlithwyr a gydnabyddir yn rhyngwladol yn eu maes arbenigedd.

Cyrsiau a Hyfforddiant Perthynol:

  • AHDB: Ansawdd cig, deall cymhlethdodau’r gadwyn gyflenwi cig eidion a chig oen. 
  • Diogelwch Bwyd Lefel 3 CIEH mewn Gweithgynhyrchu 
  • HACCP a Diogelwch Bwyd Lefel 2
  • Gwobr Lefel 3 Highfield mewn HACCP ar gyfer Gweithgynhyrchu Bwyd (RQF)