Canolfan Diwydiant Bwyd ZERO2FIVE>Amdanom Ni>Matt Bates

Matt Bates

Matt Bates

Matt Bates
Cemegydd Dadansoddol
E-bost: mbates@cardiffmet.ac.uk
Yn ôl i'r Proffiliau

Fy rôl yng Nghanolfan Diwydiant Bwyd ZERO2FIVE

Fel Cemegydd Dadansoddol sy’n arbenigo mewn dadansoddi Cyfansoddion Organig Anweddol (VOC), rwy’n gweithio’n agos gyda’n tîm technegol yma yn ZERO2FIVE ar amrywiaeth o brosiectau sy’n cefnogi diwydiant bwyd a diod Cymru.

Fy rôl innau yw dwyn samplu a dadansoddi VOC o ansawdd uchel i’n galluoedd profi synhwyraidd sefydledig a gwella arlwy ein cynnyrch i BBaCh Cymru trwy Brosiect HELIX.

O ran bwyd, mae VOCs yn gyfrifol am arogl cynnyrch bwyd neu ddiod. Mae’r prosiectau diweddar y bûm yn gweithio arnyn nhw gyda ZERO2FIVE wedi cynnwys edrych ar ddŵr â blas, cig oen a diodydd botanegol heb alcohol i fusnesau bwyd a diod yng Nghymru, rhai mawr a bach.

Yn seiliedig ar y llwyddiannau cynnar hyn, rwy’n ymestyn ein gallu dadansoddol; mae hyn yn cynnwys echdynnu thermol a phorth aroglau er mwyn arogli cyfansoddion echludo ar gromatograffaeth nwy.

Mae fy rôl hefyd yn golygu cysylltu a meithrin cysylltiadau a chydweithrediadau â phrifysgolion eraill sy’n arbenigo mewn dadansoddi bwyd, a gwaith synhwyraidd yn arbennig.

Rôl eilaidd yw hybu ymchwil academaidd ar draws Ysgol Chwaraeon a Gwyddorau Iechyd Caerdydd, gan weithio gyda thîm ZERO2FIVE a’r rhai sy’n cyd-fynd yn fwy â’r gwyddorau iechyd. Ymhlith y prosiectau presennol y mae edrych ar anweddolion clwyfau fel adnodd diagnostig ar gyfer diagnosio heintiau.    


Profiad Blaenorol

Ar ôl astudio gradd Meistr Cemeg a Ffrangeg ym Mhrifysgol Manceinion (gan dreulio blwyddyn rhyngosod yn y byd diwydiant yn Lyon), symudais i Ffrainc am bedair blynedd arall i weithio gyda llywodraeth Ffrainc. 

Wedi fy lleoli i’r gogledd o Baris, fy rôl oedd datblygu technegau newydd, ac offeryniaeth i asesu cysylltiad y boblogaeth â chyfansoddion gwenwynig fel bensen a fformaldehyd. Roedd y prosiect yn llwyddiant mawr, gan arwain at fonitro ar draws Ewrop gyfan gan ddefnyddio technoleg samplu oddefol a ddatblygwyd gennym (y prosiect MACBETH fel y’i galwyd) a helpodd baratoi’r ffordd at well dealltwriaeth o’n cysylltiad â gwenwynau dan do. 

Pan ddychwelais i’r DU ym 1999, gweithiais i gwmni offeryniaeth yn arbenigo mewn dadansoddi VOC mewn amrywiaeth o rolau technegol a masnachol. Yn ystod y cyfnod hwnnw, gweithiais ar sawl prosiect a rhaglen gyffrous gan gynnwys: 

  • Monitro ar gyfer VOCs gwenwynig o gwmpas adeilad y Cenhedloedd Unedig yn Efrog Newydd tra oedden nhw wrthi’n eistedd - Safleoedd dinistrio arfau cemegol 
  • Dod o hyd i oroeswyr mewn adeiladau a oedd wedi cwympo trwy eu harwyddiannau cemegol 
  • Canfod dyfeisiau ffrwydrol byrfyfyr er mwyn diogelu milwyr 
  • Dadansoddi inc beiros i bennu pa mor ddiweddar yr oedd addasiadau wedi’u gwneud i waith papur swyddogol 

Fodd bynnag, yn y bôn, rydw i’n wastad wedi ymddiddori yn y VOCs sy’n gysylltiedig ag aroglau a pheraroglau ac fe adawais i sefydlu fy musnes fy hun yn 2014. O wneud hynny, mae gen i brofiad helaeth o weithio gydag amrywiaeth eang o gwmnïau rhyngwladol (cynhyrchion i ddefnyddwyr, datblygu offeryniaeth, amddiffyn, blas a pheraroglau, amgylcheddol a fferyllol) ar brosiectau arbenigol. 

 Ers cychwyn fy swydd newydd ym Mhrifysgol Metropolitan Caerdydd, mae gweithio ar brosiectau VOC arbenigol sydd nid yn unig yn cefnogi perchnogion busnesau bwyd a diod yng Nghymru ond sydd hefyd yn cyfrannu at ysgogi ymchwil academaidd pellach yn y gwyddorau iechyd wedi bod yn werth chweil.


Cymwysterau ac Aelodaeth Broffesiynol

  • MChem (Cemeg a Ffrangeg), Prifysgol Manceinion 
  • MPhil (Dadansoddi VOC amgylcheddol), llywodraeth Ffrainc