Canolfan Diwydiant Bwyd ZERO2FIVE>Amdanom Ni>Jackie Evans

Jackie Evans

Jackie Evans

Jackie Evans
Technolegydd Bwyd
E-bost: jacevans@cardiffmet.ac.uk
Yn ôl i'r Proffiliau

Fy rôl yng Nghanolfan Diwydiant Bwyd ZERO2FIVE

Rwy'n Dechnolegydd Bwyd yng Nghanolfan Diwydiant Bwyd ZERO2FIVE (FIC), yn cefnogi cwmnïau gweithgynhyrchu bwyd a diod o Gymru i ddatblygu a gweithredu eu Systemau Rheoli Ansawdd a'u Cynlluniau Diogelwch Bwyd (HACCP), yn ogystal â mentora graddedigion a gyflogir ar raglen KITE.  Rwy'n cynnal archwiliadau mewnol, yn helpu cwmnïau i baratoi ar gyfer archwiliadau trydydd parti, cynghori ar ymholiadau Awdurdod Lleol, adolygu Systemau Rheoli Ansawdd, ysgrifennu cynlluniau HACCP, cefnogi Datblygu Cynnyrch Newydd, cynnal dadansoddiad cemegol o gynhyrchion, gan gynghori ar bennu oes silff, a chyfarwyddo ar gydymffurfiad labelu cyfreithiol.

Profiad Blaenorol

2003 - 2008 Technolegydd Datblygu Cynnyrch Newydd - Sunjuice Limited

Gweithiais fel technolegydd Datblygu Cynnyrch Newydd yn datblygu sudd a smwddis ar gyfer manwerthwyr mawr y DU. Fe wnes i reoli'r broses Datblygu Cynnyrch Newydd o fanwerthiant neu friff hyd at lansio cynnyrch.

Sainsbury's Probiotic Orange Juice - Gan weithio ar y cyd â Christian Hansen, llwyddais i lansio'r sudd probiotig cyntaf ar y farchnad yn y DU a enillodd Wobr Arloesedd y Byd yn 2005.

2001 - 2003 Cynllun Cwmni Addysgu Rheolwr Cyswllt/Ansawdd - Dare Valley Poultry (Cargill Integra Wales)

I ddechrau roeddwn ar gynllun graddedigion mewn partneriaeth â Met Caerdydd (Sefydliad Prifysgol Cymru, Caerdydd ar y pryd) ac yna cefais fy nghyflogi gan y cwmni. Gweithiais ar nifer o brosiectau bach i ennill profiad yn yr amgylchedd cynhyrchu yn ogystal ag ennill profiad o dechneg ac ansawdd. Gan weithio ochr yn ochr â'r Rheolwr Technegol, cynorthwyais gydag adolygiad ac uwchraddiad y System Rheoli Ansawdd a HACCP i fod yn unol â rhifyn 4 Safon Consortiwm Manwerthu Prydain (BRC).

Cymwysterau ac Aelodaeth Broffesiynol

BSc (Anrh) Astudiaethau Bwyd

Gwobr Lefel 3 yn HACCP ar gyfer Cynhyrchu Bwyd

Lefel 3 Goruchwyliaeth Diogelwch Bwyd ar gyfer Gweithgynhyrchu

Archwiliwr Trydydd Parti - Safon Fyd-eang BRC ar gyfer Diogelwch Bwyd Rhifyn 6

Safon Fyd-eang ar gyfer Diogelwch Bwyd Rhifyn 7 - Trosi 6-7 ar gyfer Archwilwyr