Gayle Davis

Mae Gayle wedi bod yn addysgu ar y radd BSc (Anrh) Iechyd yr Amgylchedd ers dros 13 mlynedd ac yn ystod y cyfnod hwn mae wedi dod yn gymrawd ac yna'n Uwch gymrawd o'r Academi Addysg Uwch. Mae Gayle wedi cymryd rhan ar raglen rhagoriaeth addysgu yr Academi Addysg Uwch a chwrs datblygu arweinyddiaeth INSIGHTS. Mae hi hefyd yn addysgu ar yr MSc Iechyd Cyhoeddus Cymhwysol ac yn goruchwylio myfyrwyr meistr ar draws y cyrsiau MSc Iechyd Cyhoeddus Cymhwysol ac MSc Diogelwch Galwedigaethol, Iechyd a Lles.

Ei phrif feysydd o ddiddordeb o fewn ei haddysgu yw:

• Diogelu'r Amgylchedd
• Asesiad Effaith ar Iechyd
• Diogelu Iechyd

Mae Gayle hefyd wedi cael cyfle i ddarparu sesiynau addysgu mewn Sefydliadau yn Ewrop ac Affrica ac mae'n parhau i feithrin y partneriaethau rhyngwladol hyn​.

Astudiodd Gayle Iechyd yr Amgylchedd yn Sefydliad Prifysgol Cymru Caerdydd (Prifysgol Metropolitan Caerdydd bellach) cyn gweithio am sawl blwyddyn yn y sector cyhoeddus yn delio â materion yn ymwneud â Diogelu'r Amgylchedd gan gynnwys ymchwilio i faterion niwsans, ansawdd aer, polisi a strategaeth iechyd yr amgylchedd, yn ogystal ag arbenigo mewn rheoli sŵn ac acwsteg amgylcheddol. Yna symudodd Gayle i rôl iechyd cyhoeddus ehangach fel rheolwr partneriaeth strategol iechyd cyhoeddus. Mae ganddi Radd Meistr mewn Iechyd Cyhoeddus o Brifysgol Caerdydd a thystysgrif ôl-raddedig mewn Acwsteg a pheirianneg rheoli sŵn. Yn ystod ei chyfnod yn ymarfer iechyd, datblygodd Gayle sawl diddordeb ymchwil ac ar hyn o bryd mae'n gwneud PhD ym Mhrifysgol Metropolitan Caerdydd. Yn ychwanegol mae Gayle yn awyddus iawn i ddatblygu ei hymchwil addysgeg gyda diddordeb arbennig mewn llythrennedd asesu ac ymholi ar sail problemau.

Presentation at the Advance HE's Annual Teaching and Learning Conference 2019, Teaching in the spotlight: Innovation for teaching excellence being held on 2-4 July 2019 at Northumbria University. Presentation entitled - Contextualised academic skills induction to aid transition and retention for undergraduate and postgraduate students. (Stuart Scott, Chris Dennis, Gayle Davis, Alastair Tomlinson)

Presentation to the Environmental Public Health - Collaboration for Sustainable Development Conference, Nairobi, Kenya - Air Quality Management in the UK: A practical perspective. (May 2012)

Poster at Learning & Teaching conference – Cardiff Metropolitan University - Student experience of patch work text assessment – a public health policy module experience. (July 2017)

Poster presentation session - Higher Education Academy Conference, Newcastle. Student experience of patch work text assessment – a public health policy module experience. (January 2018)

Dyjack, D. T., Choonara, A., Davis, G., Hannelly, T., Lynch, Z., Mitchell, G., Rodrigues, M. A., Shaw, L., & Ross, K. E. (2021). The COVID-19 Pandemic and Environmental Health: Lessons Learned. Journal of Environmental Health, 5, 20-.

Rodrigues, M. A., Silva, M. v., Errett, N. A., Davis, G., Lynch, Z., Dhesi, S., Hannelly, T., Mitchell, G., Dyjack, D., & Ross, K. E. (2021). How can Environmental Health Practitioners contribute to ensure population safety and health during the COVID-19 pandemic? Safety Science, 136 (September 2020), 105136. https://doi.org/10.1016/j.ssci.2020.105136​

Mae Gayle yn Ymarferydd Siartredig mewn Iechyd yr Amgylchedd ac yn aelod o ​Sefydliad Siartredig Iechyd yr Amgylchedd (www.CIEH.org). Aelod o'r Sefydliad Acwsteg (www.IOA.org.uk) ac yn Gymrawd yr Academi Addysg Uwch (www.heacademy.ac.uk).