Bydd gradd o Ysgol Gelf a Dylunio Caerdydd yn rhoi’r offer i chi newid ein byd er gwell.

Yn Ysgol Gelf a Dylunio Caerdydd rydym yn arwain trwy esiampl i roi popeth sydd ei angen arnoch i lwyddo yn y sector creadigol. Byddwch yn cael eich addysgu gan arweinwyr diwydiant, gweithwyr ymchwil proffesiynol ac arbenigwyr technegol i hogi eich sgiliau. Bydd ein gweithdai a’n gofodau stiwdio pwrpasol yn eich helpu i archwilio eich creadigrwydd o fewn diwylliant stiwdio bywiog a chydweithredol.

Byddwch yn mireinio eich crefft ac yn datblygu eich sgiliau meddwl beirniadol trwy weithio ar friffiau byw a phrosiectau rhyngddisgyblaethol. Byddwch yn ychwanegu at y sgwrs trwy fynychu darlithoedd gwadd a rhwydweithio yn sîn greadigol ffyniannus Caerdydd. Byddwch yn cydweithio â myfyrwyr o ddisgyblaethau eraill fel rhan o’n cwricwlwm rhyngddisgyblaethol arloesol.

Bydd gradd Celf a Dylunio o Met Caerdydd yn eich dysgu i feddwl yn fyd-eang. I fod yn entrepreneur. Ar gyfer y datryswyr problemau a’r meddylwyr creadigol. I’r rhai a fydd yn arweinwyr arloesol yfory.

“Mae yna gymaint o anogaeth i archwilio’ch ymarfer a rhoi cynnig ar wahanol gyfryngau a gwahanol feysydd. Rydych chi’n datblygu’ch gwaith mewn ffyrdd fyddech chi byth wedi’i ddisgwyl. Mae anogaeth a brwdfrydedd y tiwtoriaid yn creu amgylchedd diogel lle gallwch wthio eich hun a’ch creadigrwydd yn wirioneddol.”

Josh Donkor
BA (Anrh) Darlunio / Artist Proffesiynol

“Yn ystod fy amser ym Met Caerdydd cymerais ran mewn cyfleoedd prosiect byw di-ri gydag amrywiaeth eang o gwmnïau a chleientiaid yn y byd go iawn. Roedd y rhain yn cwmpasu popeth o 24 awr i 8 wythnos o hyd o’r briff cychwynnol i gyflwyno ateb dylunio i’r cleient. Roedd prosiectau byw’n gyfle eithriadol i weithio gyda diwydiant a dysgu’n uniongyrchol ganddo.”

Amber Davies
BA (Anrh) Dylunio Cynnyrch / Dylunydd a Swyddog Marchnata yn Canolbwyntio ar Bobl, Haughton Design