Os ydych yn awyddus i fod yn rheolwr yn y diwydiannau Digwyddiadau, Gwestai, Lletygarwch a Thwristiaeth yna gall ein graddau ym Met Caerdydd gynnig y cyfleoedd i ddatblygu set sgiliau a rhwydweithio sydd eu hangen arnoch i ffynnu mewn amrywiaeth eang o yrfaoedd a sectorau.

Mae ein hanes o gynfyfyrwyr a chysylltiadau diwydiant llwyddiannus ar draws prifddinas Caerdydd, y DU yn ehangach ac yn rhyngwladol yn golygu ein bod ni’n gallu darparu cyfleoedd i chi ennill profiad ar draws pob sector o’r diwydiant beth bynnag fo’ch dyheadau gyrfa. Byddwn yn eich cefnogi i gwblhau interniaeth blwyddyn os ydych chi’n dewis y llwybrau gyrfa Interniaeth.

Mae ein graddau BA (Anrh) mewn Rheoli Lletygarwch Rhyngwladol a BA (Anrh) Rheoli Digwyddiadau’n cael eu hachredu’n broffesiynol gan y Sefydliad Lletygarwch a’n gradd BA (Anrh) mewn Rheoli Twristiaeth Ryngwladol yn cael ei hachredu gan y Sefydliad Rheoli Twristiaeth ac rydym yn falch o fod yn Bartner Addysgol i ABTA.

Mae ein Hystafelloedd Lletygarwch pwrpasol ar y safle a’r ceginau diwydiannol cysylltiedig yn eich galluogi i gymhwyso theori yn ymarferol ar ein graddau Lletygarwch a Rheoli Digwyddiadau.

“Bu’r arweiniad a’r wybodaeth a gefais gan ddarlithwyr ym Mhrifysgol Metropolitan Caerdydd o gymorth i mi archwilio gwahanol sectorau lletygarwch a digwyddiadau na fyddwn i wedi’u hystyried ar y cychwyn, mae hyn yn cynnwys digwyddiadau chwaraeon mawr, sef fy newis gyrfa erbyn hyn. Roedd y pynciau a gafodd eu trafod yn yr holl fodiwlau’n fy ngalluogi i ddysgu am nodweddion sylfaenol y diwydiannau yn ogystal â’m datblygiad personol, mae’r ddwy agwedd wedi fy helpu i’n sylweddol yn fy swydd nawr a’r camau cyn hynny.”

Sophie Edwards
BA (Anrh) Rheoli Gwesty a Lletygarwch Rhyngwladol / Cydgysylltydd Lletygarwch yng Nghlwb Pêl-droed Dinas Caerdydd

“Rheoli Digwyddiadau ym Met Caerdydd oedd y tair blynedd orau a rhoddodd sylfaen gadarn i mi ar gyfer dechrau fy ngyrfa. Fe wnes i fwynhau byw mewn dinas newydd gyda ffrindiau newydd ac astudio pwnc roeddwn i’n angerddol amdano. Yn fy rôl fel Rheolwr Prosiect Digwyddiadau yn Top Banana, rwyf wedi gweithio ar ystod eang o ddigwyddiadau o ddigwyddiadau arddull cyngherddau ar raddfa fawr gyda Years & Years, Rylan ac Ella Eyre i sioe ffasiwn gyda Victoria Beckham a phopeth yn y canol!”

Celine Orgill
BA (Anrh) Rheoli Digwyddiadau / Rheoli Prosiectau Digwyddiadau yn Top Banana

“Mae fy nghefndir mewn digwyddiadau sector cyhoeddus lle rwyf wedi helpu i drefnu amrywiaeth o wahanol fathau megis cyngherddau, rasys rhedeg, sioeau awyr, carnifalau, Gorymdeithiau’r Nadolig, a’r Eisteddfod Genedlaethol. Rwyf ar hyn o bryd yn Is-gadeirydd y Gymdeithas Addysg Rheoli Digwyddiadau, a chwblheais fy PhD ar astudiaeth achos Eisteddfod Gerddorol Ryngwladol Llangollen yn 2017. Mae gennym ystod enfawr o brofiad a gwybodaeth yma ar y tîm ac yn eich gwahodd i ddod i astudio yn un o’r dinasoedd ‘llawn digwyddiadau’ mwyaf yn y DU!”

Dr Karen Davies
Cyfarwyddwr Rhaglen, BA (Anrh) Rheoli Digwyddiadau

“Rwy’n addysgu ar ystod o bynciau ar draws modiwlau israddedig ac ôl-raddedig. Mae fy nghefndir yn y diwydiant ym maes rheoli Bwyd a Diod ac mae fy niddordebau ymchwil yn cynnwys astudiaethau lletygarwch beirniadol, rhywedd, rhywioldeb a hunaniaeth mewn twristiaeth, lletygarwch a digwyddiadau a chyd-adeiladu, cyflwyno a pherfformio profiadau croesawgar. Mae gennym ni ystod enfawr o brofiad a gwybodaeth diwydiant gwestai a lletygarwch yma ar y tîm ac yn eich gwahodd i ddod i astudio yn un o ddinasoedd mwyaf croesawgar y DU!”

Dr Darryl Gibbs
Cyfarwyddwr Rhaglen, BA (Anrh) Rheoli Gwesty a Lletygarwch Rhyngwladol

“Ymunais ag Ysgol Reoli Caerdydd (YRC) yn 2018 o Brifysgol Caerdydd, lle bûm yn gweithio ar draws sawl adran i addysgu a chyflwyno prosiectau ymchwil ac ymgysylltu amlddisgyblaethol. Wedi ymblethu yn fy ngyrfa mewn addysg uwch, gweithiais yn Llywodraeth Cymru, Cynnal Cymru-Sustain Wales a Tidal Lagoon Power. Gallaf ddod â’r profiad hwn at ei gilydd yn fy addysgu yn YRC, sy’n canolbwyntio ar Foeseg Twristiaeth a Dechrau Busnes ac Entrepreneuriaeth.”

Dr Jeanette Reis
​Cyfarwyddwr Rhaglen, BA (Anrh) Rheoli Twristiaeth Ryngwladol