Mae ein casgliad o raddau Polisi Cymdeithasol ym Met Caerdydd yn eich galluogi i ddatblygu’r sgiliau, y wybodaeth a’r hyder yn eich pwnc dewisol a’ch dyheadau gyrfa – o weithio yn y sector Iechyd a Gofal Cymdeithasol a’r sector Tai i gymhwyso fel Gweithiwr Cymdeithasol neu Weithiwr Ieuenctid a Chymuned proffesiynol. Mae gennym radd mewn Plismona Proffesiynol hefyd os oes gennych chi ddiddordeb mewn bod yn Gwnstabl yn yr Heddlu, gradd gyffrous mewn Troseddeg a gradd Cymdeithaseg a Pholisi Cymdeithasol newydd ar gyfer myfyrwyr sy’n dechrau yn 2024.

Mae ein holl gyrsiau’n cael eu datblygu ar y cyd â diwydiant, cyrff proffesiynol, grwpiau defnyddwyr gwasanaethau, ac arbenigwyr academaidd ac yn cynnwys lleoliadau gwaith dewisol neu orfodol, sy’n darparu profiadau gwaith gwerthfawr a’r cymwysterau proffesiynol rydych eu hangen i wella’ch siawns o gael swydd a ffynnu.

Byddwch yn cael eich addysgu gan ein staff addysgu arbenigol a siaradwyr gwadd sy’n ymweld, ac yn cael y cyfle i ddatblygu cysylltiadau rhwydweithio hanfodol. Mae opsiynau astudio llawn amser a rhan-amser, yn cynnwys Tystysgrif Sylfaen, HND, a graddau BA/BSc ar gael hefyd.

Rydym yn falch bod ein cynfyfyrwyr yn fedrus iawn ac yn gwbl barod ar gyfer byd gwaith, gan wneud gwahaniaeth yn y gymuned a thu hwnt. Mae llawer o’n myfyrwyr yn llwyddo i gael swyddi rhan-amser neu lawn amser cyn graddio yn sgil natur ymarferol ein graddau Polisi Cymdeithasol.

“Dwi wir wedi mwynhau fy nhaith ym Met Caerdydd yn fawr ac yn argymell y radd mewn Iechyd a Gofal Cymdeithasol i unrhyw un. Mae tiwtoriaid y cwrs yn brofiadol a chefnogol iawn, yn darparu anogaeth ac arweiniad parhaus yn ystod y cwrs cyfan. Ar ddiwedd fy mlwyddyn gyntaf dechreuais wirfoddoli gyda chymdeithas dai yng Nghasnewydd fel gweithiwr cymorth lle bo’r angen. Ar ôl chwe mis cefais swydd fel gweithiwr cyflenwi cyflogedig, cyn cael contract rhan-amser parhaol.”

Bethan Green
BSc (Anrh) Iechyd a Gofal Cymdeithasol​

“Mae fy nhaith i yrfa gwaith ieuenctid wedi bod yn hynod gyffrous a gwerth chweil. Mae fy astudiaethau ym Met Caerdydd wedi bod ymhell tu draw i’m disgwyliadau a'm dyheadau. Astudiais y Cyflwyniad i Waith Ieuenctid cyn symud ymlaen i'r Dystysgrif Sylfaen a graddiais o’r BA (Anrh) gyda gradd gyntaf yn fy mhortffolio Ymarfer Proffesiynol a dwy wobr y Deon. Rwy’n credu fy mod wedi llwyddo oherwydd ymrwymiad a gofal y tiwtoriaid Gwaith Ieuenctid a Chymuned ym Met Caerdydd. Cefais gyfle i ddysgu’n uniongyrchol gan fy holl diwtoriaid am yr hyn y mae’n ei olygu i fod yn weithiwr ieuenctid a bydd y profiad hwn byth yn aros gyda mi am byth.”​

Esther Afari
Tystysgrif Sylfaen a BA (Anrh) Gwaith Ieuenctid a’r Gymuned