Mae ffasiwn yn adlewyrchu ac yn dylanwadu ar y gymdeithas rydym yn byw ynddi, gan gyflawni rôl o bwys yn yr economi fyd-eang yr un pryd. Bydd graddau Ffasiwn Met Caerdydd yn darparu’r wybodaeth a’r sgiliau i chi lwyddo yn y diwydiant dynamig hwn.

O ddylunio a chreu gwisgoedd i fasnacheiddio, rheoli brand a rhagweld tueddiadau, bydd ein cyrsiau gradd sy’n canolbwyntio ar yrfa yn eich paratoi ar gyfer dyfodol mewn ffasiwn.

Dysgwch gan staff addysgu a thechnegol profiadol sydd â gwybodaeth helaeth am y diwydiant ffasiwn, gan ennill dealltwriaeth fanwl o’ch maes dewisol a sgilau trosglwyddadwy hanfodol.

Dysgwch sut i gydbwyso galwadau masnachol gyda chreadigrwydd, moeseg a chynaliadwyedd, gan feistroli technegau o’r traddodiadol i’r digidol.

Taith Rithwir – Stiwdios Dylunio Ffasiwn

“Roedd y modiwlau ar y cwrs Rheoli Marchnata Ffasiwn yn annog ni i archwilio gwahanol feysydd yn y diwydiant, ac fe wnes i gysylltu’n dwys â’r byd ffasiwn moethus. Fe wnaeth crefftwaith manwl, treftadaeth gyfoethog, a cheinder diymwad y sector hwn apelio ataf. Yn ystod fy mlwyddyn mewn diwydiant, fe wnes i sicrhau lleoliad yn Christian Dior. Mae’r profiad amhrisiadwy hwn wedi paratoi’r ffordd i mi gychwyn ar rôl raddedig, gan wella fy sgiliau ymhellach ac ehangu fy ngwybodaeth yn y maes cyffrous hwn.”

Kayleigh Groenewald
Myfyriwr BA (Anrh) Rheoli Marchnata Ffasiwn / Interniaeth Rheoli Datblygu Cleientiaid yn Christian Dior

“Am gyhyd ag y gallaf gofio, rwyf wedi breuddwydio am astudio ffasiwn. Dewisais astudio Prynu Ffasiwn a Rheoli Brand ym Met Caerdydd oherwydd y cyfle i wneud blwyddyn leoliad rhwng yr ail a’r drydedd flwyddyn, a fyddai’n fy arwain i ennill profiad gwerthfawr, gan fy ngosod ar wahân i raddedigion prynu ffasiwn eraill. Fe wnes i gais am wahanol interniaethau blwyddyn lleoliad a dod yn Intern Prynu ar gyfer The Very Group yn Lerpwl. Roeddwn hefyd yn ddigon ffodus i gael interniaeth yn Ninas Efrog Newydd dros yr haf gydag Adore Me fel rhan o’u tîm creu. Fe wnaeth y ddau interniaeth hyn gefnogi fy ngwaith yn aruthrol ym mlwyddyn olaf fy astudiaethau a’m helpu i roi’r ddamcaniaeth roeddwn i’n ei dysgu yn ei chyd-destun. Gallaf ddweud yn falch bod hyn wedi fy arwain at dderbyn gradd dosbarth cyntaf yn fy ngradd! Ac ers hynny rwyf wedi derbyn fy swydd ddelfrydol fel Prynwr Cynorthwyol i Ralph Lauren a byddaf yn adleoli i ganol Llundain!”

Matti Atkinson
BA (Anrh) Prynu Ffasiwn a Rheoli Brand