Ym Met Caerdydd, mae ein graddau Cyfrifiadureg a Thechnolegau Creadigol wedi’u cynllunio i’ch paratoi chi ar gyfer gyrfa sy’n llywio dyfodol technoleg.

Mae darlithoedd, sesiynau tiwtorial a gweithdai ymarferol yn cyfuno ein hymchwil aml-ddisgyblaethol â senarios ymarferol sy’n seiliedig ar achosion o fywyd go iawn gan ein partneriaid o fyd diwydiant a thechnoleg. Cewch gyfleoedd niferus i ehangu’ch gwybodaeth a pharatoi ar gyfer swyddi’r dyfodol. Mae pob cwrs yn cynnig blwyddyn ryngosod mewn diwydiant, a rhai’n cynnig yr opsiwn i ganolbwyntio ar lwybrau arbenigol.

Gallwch hefyd ddewis cael cymwysterau proffesiynol ychwanegol, ymuno â’n canolfannau ymchwil a’n labordai fel intern israddedig, neu gymryd rhan mewn cystadlaethau, prosiectau a theithiau astudio rhyngwladol lle byddwch yn ymuno â myfyrwyr eraill ar friffiau bywyd go iawn.

Os ydych am weithio ym myd diwydiant, lansio eich cwmni eich hun, neu fynd i fyd ymchwil a datblygu, bydd ein graddau yn eich paratoi chi drwy roi’r hyder, y profiad a’r sgiliau sydd eu hangen arnoch i ffynnu yn y sector technoleg.

“Mynd i brifysgol oedd un o’r penderfyniadau gorau dwi wedi’i wneud. Dwi wedi gwneud ffrindiau am oes a dysgu sgiliau sydd wedi rhoi’r hyder i mi wrthio fy hun y tu hwnt i’r hyn ro’n i’n gyffyrddus yn ei wneud. Dwi’n rhan o ddiwydiant sy’n ffynnu yn awr – un sy’n esblygu’n barhaus ac yn gwneud gwahaniaeth gwirioneddol yn y byd modern. Yn fy swydd bresennol fel Peiriannydd Datblygu a Gweithrediadau i Vistair, rydym yn arloesi gyda meddalwedd ar gyfer diogelwch, ansawdd a rheoli dogfennau ar gyfer cwmnïau hedfan masnachol, awyrofod ac amddiffyn. Fyddwn i ddim wedi gallu gwneud dim o hyn heb fy ngradd.”

Thomas Henson
BSc (Anrh) Peirianneg Meddalwedd

“Gall gemau fod yn beth bynnag rydych chi eisiau iddyn nhw fod, yn enwedig pan fyddwch chi’n eu creu nhw, a gall y cwrs Dylunio a Datblygu Gemau Cyfrifiadurol ym Met Caerdydd roi’r offer a’r sgiliau i chi wneud yn union hynny. O greu clonau neu ail-greu gemau o’r gorffennol, defnyddio codio, celf, ac yn darparu’r offer i’w creu, yr holl ffordd i ddylunio a chreu gemau newydd fel tîm, mae pob agwedd o’r cwrs yn heriol ac yn foddhaus. Byddwch chi’n dysgu am ddylunio gemau ar y cwrs, ac yn cael dealltwriaeth sylfaenol o wybodaeth TG hanfodol a’i chymwysiadau. Rwyf wedi mynd o deimlo nad oeddwn yn gallu ysgrifennu mewn cod pan ddechreuais y cwrs, i nawr lle rwy’n creu peiriannau gêm a gemau bron bob mis.”

Mike Havard
BSc (Anrh) Dylunio a Datblygu Gemau Cyfrifiadur