Mae Gwyddorau Biofeddygol a Gofal Iechyd yn ddisgyblaeth wyddonol ddynamig sy’n newid yn barhaus ac yn ymwneud â deall sut mae clefydau’n datblygu a sut y gallant effeithio ar weithrediad arferol y corff. Byddwch yn cael cyfle i ymdrin ag arbenigeddau fel Biocemeg, Hematoleg, Gwyddor Trallwysiad, Microbioleg, Feiroleg, Imiwnoleg, Bioleg Gellog a Molecwlaidd a Geneteg. Mae llwybrau Iechyd, Ymarfer Corff a Maeth ar gael hefyd.

Byddwch yn cael eich haddysgu gan dîm o wyddonwyr biofeddygol a gofal iechyd a byddwch yn cael defnyddio ein labordai ymarferol mawr, modern. Byddwch yn cynnal amrywiaeth o brosesau a gweithdrefnau labordy gan ddefnyddio technegau amrywiol i gymhwyso’ch gwybodaeth ddamcaniaethol mewn lleoliadau ymarferol – ar y campws ac mewn lleoliadau gwaith yn y byd go iawn.

Ar ôl cwblhau gradd achrededig broffesiynol mewn Gwyddorau Biofeddygol a Gofal Iechyd yn llwyddiannus ym Met Caerdydd byddwch yn cael cyfle i ddod yn Wyddonydd Biofeddygol cofrestredig a defnyddio’ch gwybodaeth wyddonol arbenigol a’ch sgiliau dadansoddi i ymchwilio i glefydau fel diabetes, canser a chlefyd cardiofasgwlaidd. Byddwch yn cael cyfle hefyd i barhau â’ch astudiaethau drwy ddilyn un o’n rhaglenni Gwyddor Biofeddygol ôl-raddedig.

“Roedd cael profiad ymarferol uniongyrchol yn ystod fy ngradd yn rhan fawr o’m taith ddysgu ym Met Caerdydd. Dysgais dechnegau sydd wedi fy mharatoi ar gyfer fy ngyrfa, yn cynnwys cynnal profion gwaed, profion mwyafsymaidd VO2, dadansoddi bacteria a llawer mwy. Dwi’n gweithio mewn swydd dechnegol mewn labordy yn awr gan ddefnyddio’r sgiliau a’r wybodaeth a gefais yn ystod fy ngradd o ddydd i ddydd.”

Michaela Toumi
BSc (Anrh) Gwyddor Biofeddygol (Iechyd, Ymarfer Corff a Maeth)

Cwrdd â’r Tîm: Victoria Bradley

Dwi wedi gweithio ym maes Gwyddor Biofeddygol am 30 mlynedd a mwy, mewn ymarfer clinigol yn labordai patholeg y GIG ac fel academydd. Cefais fy ysbrydoli i fod yn Wyddonydd Biofeddygol ar ôl bod ar brofiad gwaith yn fy ysbyty lleol. Ro’n i’n rhyfeddu at yr holl wahanol weithdrefnau technegol a oedd yn cael eu cynnal yn y labordy a sut roedd y canlyniadau’n effeithio ar fywydau cleifion. Drwy addysg academaidd, efelychiadau a lleoliadau clinigol mae ein myfyrwyr yn datblygu eu gwybodaeth a’u sgiliau i fod yn Wyddonwyr Biofeddygol ac mae’n bleser gweithio gyda nhw a’u gweld yn tyfu i fod yn weithwyr proffesiynol.