Mae Pensaernïaeth yn siapio’r byd o’n cwmpas. Mae’n adlewyrchu ein cymdeithasau a’n cymunedau ac mae ganddi’r grym i ddylanwadu ar y ffordd y byddwn yn meddwl a theimlo.

Bydd graddau pensaernïaeth ym Met Caerdydd yn eich paratoi chi i adeiladu dyfodol gwell, gyda phwyslais cryf ar gynaliadwyedd a chyfleoedd i gysylltu â diwydiant.

Cymerwch eich cam cyntaf tuag at fod yn bensaer cofrestredig gyda’n BA (Anrh) mewn Pensaernïaeth, cymhwyster Rhan 1 rhagnodedig ARB, neu ddatblygu dealltwriaeth dechnegol fanwl o sut mae adeiladau’n gweithio gyda’n gradd achrededig-ddeuol BSc (Anrh) mewn Dylunio a Thechnoleg Bensaernïol.

Waeth pa lwybr a ddewiswch, byddwch yn dysgu oddi wrth weithwyr proffesiynol profiadol iawn yn y diwydiant o fewn cyd-destun ysgol celf a dylunio, gan elwa ar gwricwlwm rhyngddisgyblaethol a fydd yn ehangu’ch gorwelion a gwella’ch sgiliau meddwl critigol.

Byddwch yn datblygu dealltwriaeth ymarferol a damcaniaethol fanwl o’ch maes dewisol, gan ddefnyddio technoleg safon y diwydiant i gyrraedd atebion dylunio arloesol sy’n canolbwyntio ar bobl.

Cyflawnodd BA (Anrh) Pensaernïaeth a BSc (Anrh) Dylunio a Thechnoleg Pensaernïol boddhad cyffredinol o 100% yn yr Arolwg Cenedlaethol Myfyrwyr diweddaraf (NSS 2023).

“Mae yna ddigonedd o gyfleoedd i gydweithio â phynciau eraill yn Ysgol Gelf a Dylunio Caerdydd. Mae hyn yn ddefnyddiol iawn gan ei fod yn rhoi cipolwg ar sut beth fyddai gwaith yn y diwydiant. Ar ben hyn, gallwch fynd i weithleoedd go iawn drwy fodiwl lleoliad 4 wythnos, neu fel fi, gallwch gymryd yr opsiwn lleoliad blwyddyn ryngosod ac ennill profiad gwerthfawr. Fues i’n gweithio gyda phractis pensaernïol ym Malta, a oedd yn gyfle gwych.”

Mark Angel ​Fabro Tagara
BSc (Anrh) Dylunio a Thechnoleg Bensaernïol / Technolegydd Pensaernïol yn Stride Treglown