Ymchwil>Academïau Byd-eang>Gwyddor Bwyd, Diogelwch a Diogelu

Gwyddor Bwyd, Diogelwch a Diogelu

Bydd yr Academi Fyd-eang hon yn dod â’n harbenigedd o ran y gwyddorau biofeddygol a chynhyrchu bwyd yn fasnachol, yn weithredol ac yn dechnegol at ei gilydd, ynghyd â maetheg, seicoleg a gwyddoniaeth ganfyddiadol. Gan sicrhau effaith drwy ddatblygu cynhyrchion newydd, iechyd y defnyddwyr, mewnfuddsoddi a mentrau allforio, bydd yr Academi Fyd-eang hon yn mynd i’r afael â’r heriau byd-eang a fydd yn ymwneud â gwaith teilwng a thwf economaidd, seilwaith ac arloesedd diwydiannol, cynhyrchu a defnyddio cyfrifol, a dim newyn.

Y gwahaniaeth rydym yn ei wneud

Rydym yn gweithio gyda chymunedau mewn gwledydd incwm isel / canolig i gyd-ddylunio ymchwil a chyd-gynhyrchu gwybodaeth mewn systemau bwyd gan ddefnyddio dull aml-randdeiliaid; atal gwastraff bwyd a chynnwys arferion cynaliadwyedd yn y prosesau cynhyrchu bwyd; a defnyddio ynni adnewyddadwy i osgoi colledion bwyd wedi’r cynhaeaf a chynyddu cynhyrchedd amaethyddol.

Food Innovation Wales and ZERO2FIVE Logos.

lansiwyd pecyn cymorth a llinell gymorth y diwydiant i gefnogi cynhyrchwyr bwyd a diod cymru yn ystod y pandemig COVID-19

Mewn ymateb i bandemig y coronafeirws COVID-19, canfu cydweithwyr yng Nghanolfan Diwydiant Bwyd ZERO2FIVE ym Mhrifysgol Metropolitan Caerdydd ffyrdd newydd i gael defnyddio’u harbenigedd technegol a masnachol i gefnogi cynhyrchwyr bwyd a diod Cymru. Roedd cwmnïau o bob maint yn wynebu straen heb ei debyg ar eu cadwyni cyflenwi bwyd yn ystod y pandemig, ac roedd mwy o alw am gynnyrch eu ffatrïoedd, a straen ar eu gweithlu a’u gweithdrefnau. Datblygodd y Ganolfan Diwydiant Bwyd ar y cyd â phartneriaid Arloesi Bwyd Cymru ac Is-adran Fwyd Llywodraeth Cymru, linellau cymorth yn y tair canolfan fwyd yn Ne Cymru, Gogledd Cymru a’r Canolbarth i gysylltu diwydiant gydag arbenigwyr a oedd yn gallu ateb ymholiadau penodol yn ymwneud â diogelwch bwyd, materion technegol, parhad y gadwyn gyflenwi, a chanllawiau newydd y llywodraeth ar iechyd.

Darllenwch ragor

Professor David Lloyd.

Gwella diogelwch bwyd ac arloesi technegol yn sector bwyd Cymru

Mae’r diwydiant bwyd a diod yn ganolog i bolisïau Llywodraeth Cymru ar Iechyd, yr Economi, Addysg, yr Amgylchedd, Amaethyddiaeth a Thwristiaeth. Yn 2009 dyfarnwyd £3.9 miliwn i Ganolfan y Diwydiant Bwyd ym Mhrifysgol Metropolitan Caerdydd oddi wrth yr Undeb Ewropeaidd a Llywodraeth Cymru am brosiect KITE (Knowledge Innovation Technology Exchange) i ymdrin â blaenoriaethau strategol Llywodraeth Cymru am sector bwyd Cymru. Mae’r rhaglen yn canolbwyntio ar ddatblygu arbenigedd technegol mentrau bach a chanolig tuag at dyfu eu busnesau bwyd a diod a hwyluso partneriaethau rhagweithiol rhwng busnesau bwyd bach a chanolig. Cymerodd amrediad eang o gwmnïau ran yn y prosiect gan gynnwys gwneuthurwr siwed, gwneuthurwyr cawl a chyffeithwyr.

Prif nod KITE oedd cynyddu gwerthiannau cynhyrchion bwyd a leolir yng Nghymru gan £10m erbyn 2014. Cafodd y nod hwn ei gyflawni, wrth i 580 o gynhyrchion newydd gael eu lansio’n llwyddiannus, a arweiniodd at gynnydd mewn gwerthiannau o £12m erbyn 2012, £56m erbyn 2014 ac £80m erbyn 2015. Yn ogystal â’r cynnydd mewn gwerthiannau, mae 39 rhaglen KITE wedi creu 72 o systemau technegol newydd yn uniongyrchol ac arwain at 586 o swyddi Sicrhau Ansawdd newydd, 443 o rolau newydd mewn gweithgynhyrchu, a diogelu 797 o swyddi a oedd yn bodoli’n barod.

Gallwch chi ddysgu mwy am raglen KITE a’r Ganolfan y Diwydiant Bwyd yma.

Food Industry Centre collaboration with Just Love Food Company.

Canolfan diwydiant bwyd prifysgol metropolitan caerdydd yn cydweithredu Â’r cwmni Just Love Food

Bu Prifysgol Metropolitan Caerdydd yn gweithio gyda'r Cwmni Just Love Fo od i ddatblygu eu teisennau unigryw sy'n ddi-gnau.

I wylio fideo o’r astudiaeth achos, cliciwch yma.

Amdanom ni

Pwy ydym ni

Rydym yn Academi draws-ddisgyblaethol sy’n canolbwyntio ar gwrdd â’r heriau byd-eang sy’n gysylltiedig â phob elfen o brosesu a chynhyrchu bwyd a diod ynghyd â materion gweithredol a thechnegol. Mae ein gwaith arloesol wedi’i drefnu o gylch ein hysgolion bywiog sydd â’u ffocws ar ymarfer a’n canolfannau a’n grwpiau ymchwil aml-ddisgyblaethol megis Canolfan Diwydiant Bwyd ZERO2FIVE a grŵp ymchwil Maetheg, Bwyd ac Iechyd. Mae ein Academi Fyd-eang yn ofod rhithiol a fydd yn dod â’n gwaith o’r meysydd hyn at ei gilydd gydag amrywiaeth o weithgareddau i gael cefnogi ymchwil ac arloesedd rhyngddisgyblaethol a rhyngwladol yn sail iddo.

Beth rydym yn ei wneud

Mae’r Academi Fyd-eang hon yn arddangos ac yn cefnogi’r ymchwil, y dysgu a’r rhwydweithiau a fydd yn ymwneud â’n harbenigedd yn y gwyddorau biofeddygol a chynhyrchu bwyd yn fasnachol, yn weithredol ac yn dechnegol. Mae ffocws sylweddol yn yr Academi Fyd-eang hon ar gadwyni cyflenwi diogel a chynaliadwy, a fydd yn cynnwys pawb o’r cynhyrchwyr hyd at y defnyddwyr. Yn sail i’r ymchwil yn yr Academi Fyd-eang hon mae 4 Nod Datblygu Cynaliadwy y Cenhedloedd Unedig: gwaith teilwng a thwf economaidd, arloesedd a seilwaith diwydiannol, cynhyrchu a defnyddio cyfrifol, a dim newyn.

Bydd ymchwilwyr aml-ddisgyblaethol a fydd yn gweithio yn yr Academi Fyd-eang hon yn dylunio gweithdrefnau diwydiannol newydd i gael mynd i’r afael â materion hollbwysig o ran diogelwch bwyd, er enghraifft archwilio’r defnydd ar dechnolegau AI (Deallusrwydd Artiffisial) er mwyn safoni a chwyldroi cydymffurfiad hylendid y dwylo mewn amgylcheddau cynhyrchu bwyd, gan leihau’r risg o afiechyd i gwsmeriaid o ganlyniad i fwyd. Bydd enghraifft arall yn ymdrin â bwyta a chynhyrchu bwyd mewn modd cyfrifol; bydd ymchwilwyr yn archwilio sut y gellir ail-fformiwleiddio cynhyrchion er mwyn cael gwared ar gynhwysion addurno a allai fod yn niweidiol heb wneud y cynnyrch yn llai deniadol i gwmnïau bwyd a’u cwsmeriaid. I gael rhagor o enghreifftiau, gweler y tab ‘y gwahaniaeth rydym yn ei wneud’.

Gallwch ymuno â’r Academi Fyd-eang hon drwy unrhyw un o’r rhaglenni a restrir yn yr adran ‘Astudio gyda ni’ neu, ar gyfer cydweithrediad ymchwil posib, cysylltwch â Swyddog Ymchwil ac Arloesedd yr Academïau Fyd-eang.

Pam rydym yn ei wneud

Drwy ddod â’n cryfderau at ei gilydd i gael canolbwyntio ar ymdrin â rai o’r heriau byd-eang mwyaf difrifol, rydym yn gallu gwella’n heffaith ar y byd a chyflawni’n pwrpas, sef cyflawni addysg, ymchwil ac arloesedd uchel eu hansawdd a’u heffaith sy’n canolbwyntio ar ymarfer ac sy’n gydnabyddedig yn broffesiynol, mewn partneriaeth â’n myfyrwyr a diwydiant.

Cysylltu a ni

Yr Athro Andrew Walters, Pennaeth yr Academi Fyd-eang Dylunio sy’n Canolbwyntio ar Bobl
atwalters@pdr-design.com
029 2041 5972

Tara Cater, Swyddog Ymchwil ac Arloesedd yr Academïau Byd-Eang
TICater@cardiffmet.ac.uk

Grwpiau a chanolfannau ymchwil

Yn y mannau lle y bydd disgyblaethau’n croestorri y bydd syniadau newydd yn datblygu ac y bydd ymchwil arloesol yn digwydd. Mae ein gwaith, sydd gyda’r mwyaf blaengar yn y maes, wedi’i drefnu o gylch canolfannau rhagoriaeth aml-ddisgyblaethol. Mynnwch wybod rhagor am bob un o’n canolfannau a’n grwpiau drwy’r dolenni hyn:

Bwyd, Maetheg & Iechyd

Diogelwch Bwyd

Canolfan Diwydiant Bwyd ZERO2FIVE

Astudio gyda ni

Explore our interdisciplinary post-graduate study and career development opportunities

Cydweithio a ni

ZERO2FIVE

Bydd Canolfan Diwydiant Bwyd ZERO2FIVE ym Mhrifysgol Metropolitan Caerdydd yn sicrhau cydweithrediad unigryw rhwng rheolwyr technegol a masnachol a rheolwyr gweithrediadau sydd â phrofiad diwydiannol ac academyddion uchel eu parch.

Bydd ZERO2FIVE yn gweithio’n agos gyda chwmnïau a sefydliadau bwyd a diod o bob math ac ym mhob cyfnod twf i gynnig cymorth gyda dylunio ffatrïoedd, cyngor cychwyn busnes, datblygu cynhyrchion newydd, achredu trydydd parti a chydymffurfio â safonau bwyd byd-eang (gan gynnwys BRC a SALSA), diogelwch bwyd, deddfwriaeth bwyd a labelu, maetheg, dadansoddi’r farchnad a marchnata. Bydd ZERO2FIVE yn cynnig cyfeiriad technegol strategol hefyd ar gyfer buddsoddi mewnol a mentrau allforio.

Os oes diddordeb gennych i gael gweithio gyda ni, mae croeso i chi gysylltu:

Ebost: ZERO2FIVE@CardiffMet.ac.uk
Ffôn: 02920 41 6306

Gwasanaethau Ymchwil ac Arloesi

Mae Prifysgol Metropolitan Caerdydd yn cydnabod pwysigrwydd cydweithio ac yn annog ei staff i gymryd rhan mewn prosiectau sydd o fudd i gymunedau lleol, cenedlaethol a rhyngwladol. Gyda phrofiad o reoli prosiectau bach a mawr, mae gan Met Caerdydd hanes cryf o gyflawni canlyniadau arloesol, sy'n cyflenwi buddion cymdeithasol ac economaidd.

Mae ein gwybodaeth a'n harbenigedd yn ymestyn ar draws llawer o ddiwydiannau amrywiol, o weithgynhyrchu i wasanaethau sy'n cwmpasu dylunio, chwaraeon, twristiaeth, rheolaeth, addysg ac iechyd.

Am fwy o wybodaeth am y nifer o ffyrdd y gellech chi cydweithio gyda ni cliciwch yma

Ein Grwpiau a'n Canolfannau Ymchwil

Mae cyfleoedd i gydweithio a'n holl Grwpiau a Chanolfannau Ymchwil. Mae mwy o wybodaeth am bob un o'r rhain a'u gwybodaeth gyswllt i'w gweld yn y gwymplen uchod ac ar dudalennau eraill yr Academi Fyd-eang.

Adnoddiau

Taith Rithwir ZERO2FIVE

Edrychwch ar ein cyfleusterau ble bynnag yr ydych gyda’n teithiau rhithwir.

Golchi Dwylo yn Effeithiol

Canfu Ymchwil gan Ganolfan Diwydiant Bwyd ZERO2FIVE Prifysgol Metropolitan Caerdydd er bod mwy o ymwybyddiaeth ynglŷn â phwysigrwydd golchi dwylo, bod pobl yn dal i fod heb ddefnyddio technegau digonol. Mae golchi dwylo yn cael gwared ar bacteria i atal afiechyd, felly mynnwch weld ein canllawiau ar sut i wneud hyn yn effeithiol.

Arloesi Bwyd Cymru

Mae Canolfan Diwydiant Bwyd ZERO2FIVE yn aelod o Arloesi Bwyd Cymru. A chefnogaeth Llwyodraeth Cymru, bydd Arloesi Bwyd Cymru yn dod a thair canolfan ragoriaeth bwyd sydd wedi'u neilltuo'n benodol er mwyn annog datblygiad y sector bwyd, at ei gilydd a rhoil cymorth technegol a gweithredol ar bob elfen a gynhyrchu bwyd.