Mae gan y cwrs dri phwynt ymadael diffiniedig:

Tystysgrif Ôl-raddedig (PgC) - bydd myfyrwyr sy'n cwblhau 60 credyd ar lefel 7 (lefel meistr) yn gymwys i gael PgC. Bydd hyn yn cynnwys modiwlau craidd ac un modiwl seicoleg gymhwysol.

Diploma Ôl-raddedig (PgC) - bydd myfyrwyr sy'n cwblhau 120 credyd ar lefel 7 (lefel meistr) yn gymwys i gael PgC. Bydd hyn yn cynnwys modiwlau craidd, dau fodiwl seicoleg gymhwysol a dau fodiwl dewisol arall

Meistr Gwyddoniaeth (MSc) - bydd myfyrwyr sy'n cwblhau 180 credyd, gan gynnwys y traethawd hir, yn gymwys i gael MSc.

Cynlluniwyd y rhaglen i fod yn hyblyg ac i ddiwallu anghenion dysgu myfyrwyr unigol. Mae'n bosibl cwblhau rhai modiwlau unigol fel Datblygiad Proffesiynol Parhaus (DPP), er bod ffi ar wahân am y math hwn o astudiaeth.

Modiwlau:
Elfennau craidd: Dulliau a Dylunio Ymchwil (30 credyd)
Arfer sy'n Seiliedig ar Dystiolaeth (10 credyd)

Sgiliau Therapi Seicoleg Gymhwysol (uchafswm o 40 credyd):
Sgiliau Craidd ar gyfer Therapi Ymddygiad Gwybyddol (CBT) (20 credyd)
CBT ar gyfer anhwylderau iselder a phryder (20 credyd)
Cyfweld Ysgogiadol (20 credyd)
Gwaith therapiwtig gyda phlant ifanc (20 credyd)

I fod yn gymwys ar gyfer y PgC rhaid i fyfyrwyr gwblhau un o'r modiwlau uchod, ac i fod yn gymwys ar gyfer y PgD a'r MSc rhaid iddynt gwblhau dau o'r modiwlau uchod. Mae'r modiwlau hyn yn fodiwlau seicoleg gymhwysol craidd, sy'n helpu i adeiladu sgiliau ymarferol y gellir eu defnyddio mewn amrywiaeth o leoliadau yn y gwaith. Bydd y modiwlau hyn hefyd ar gael fel modiwlau DPP annibynnol.

Modiwlau Dewisol:
Rhaid i fyfyrwyr gwblhau dau o'r modiwlau canlynol er mwyn bod yn gymwys ar gyfer y PgD neu'r MSc

Newid Ymddygiad: Damcaniaethau a Gwerthuso (20 credyd) Dysgu Seiliedig ar Waith (20 credyd)
Fframweithiau Ymyrraeth Iechyd y Cyhoedd (20 credyd)
Arweinyddiaeth a Rheolaeth Strategol (20 credyd)

Traethawd Hir (60 credyd)
Rhaid i fyfyrwyr gwblhau'r modiwl traethawd hir i fod yn gymwys ar gyfer yr MSc. Bydd dau oruchwyliwr academaidd yn cael eu dosbarthu ar gyfer pob prosiect ymchwil, gan helpu'r myfyriwr i ddylunio a chynnal yr ymchwil. Disgwylir y bydd myfyrwyr yn cwblhau prosiectau mewn lleoliadau cymhwysol, sy'n adeiladu ar sgiliau a phrofiad.

Mae'r cyfleoedd addysgu a dysgu ar y rhaglen wedi'u cynllunio i gefnogi ymgysylltiad myfyrwyr trwy sesiynau wyneb yn wyneb a defnyddio deunyddiau ar-lein. Ar gyfer modiwlau craidd ac opsiynau defnyddir darlithoedd, seminarau a gweithdai. Anogir gwaith grŵp a thrafodaeth ym mhob sesiwn, a chefnogir hefyd gyda deunyddiau ar-lein gan ddefnyddio Moodle.

Ar gyfer y modiwlau sgiliau Seicoleg Gymhwysol bydd gwaith grŵp bach ac ymarferion grŵp bach yn cael eu defnyddio sy'n annog datblygu sgiliau seicolegol cymhwysol ac yn darparu profiad ymarferol i gyfranogwyr.

Mae'r traethawd hir hefyd yn caniatáu hyblygrwydd gan y bydd disgwyl i fyfyrwyr wneud eu hymchwil mewn lleoliadau cymhwysol, a allai fod yn y gweithle neu gydag un o bartneriaid lleoli'r adran.

Bydd gan bob myfyriwr diwtor personol a fydd yn cynnig cefnogaeth ac arweiniad academaidd a bugeiliol ar fodiwlau craidd, cymhwysol ac opsiynol er mwyn diwallu eu hanghenion dysgu unigol.

Defnyddir ystod o ddulliau asesu i gefnogi dysgu myfyrwyr. Bydd y rhain yn cynnwys adroddiadau ar gyfer Dulliau a Dylunio Ymchwil, ac arolygiad systematig ar gyfer ymarfer yn Seiliedig ar Dystiolaeth. Bydd y rhain yn llywio'r broses o gynhyrchu'r traethawd hir 60 credyd. Defnyddir cyfnodolion dysgu myfyriol, asesu cymheiriaid a chyflwyniadau yn y modiwlau Sgiliau Seicoleg Gymhwysol. Defnyddir traethodau ac astudiaethau achos hefyd.

Mae'r asesiadau wedi'u cynllunio i alluogi myfyrwyr i arddangos ystod o sgiliau cymhwysol, yn barod ar gyfer amrywiaeth o gynulleidfaoedd. Anogir myfyrwyr i siarad â staff academaidd cyn ac ar ôl cyflwyno gwaith.

Mae'r rhaglen MSc yn gwella datblygiad proffesiynol i'r rheini mewn cyflogaeth a'r rhai sy'n dymuno mynd i yrfaoedd sy'n gysylltiedig â seicoleg. Mae'r rhaglen yn addas ar gyfer y rhai sy'n gweithio mewn lleoliadau iechyd, mewn Adnoddau Dynol ble mae ffocws ar les, a'r rhai sy'n dymuno ymestyn eu sylfaen sgiliau gyda'r nod o yrfa ymchwil.

Sylwch nad yw'r rhaglen hon wedi'i hachredu gan Gymdeithas Seicolegol Prydain.

Gradd anrhydedd dda (2.1 neu uwch fel arfer) mewn Seicoleg, o gwrs israddedig wedi’i achredu gan y BPS (Cymdeithas Seicolegol Prydain). Gellir ystyried y rhai heb radd achrededig BPS

Ymgeiswyr Rhyngwladol
Bydd angen i fyfyrwyr nad Saesneg yw eu hiaith gyntaf ddarparu tystiolaeth eu bod yn rhugl i safon IELTS 6.0 neu gyfwerth o leiaf. I gael manylion llawn am sut i wneud cais ac am gymwysterau Iaith Saesneg ewch i’r tudalennau Rhyngwladol ar y wefan.

Y Broses Ddethol:
Rhaid i ymgeiswyr ar gyfer y rhaglen MSc Seicoleg Newid Ymddygiad Cymhwysol lenwi'r ffurflen gais sydd ar gael ar y wefan a chyflwyno datganiad personol i egluro eu rhesymau dros wneud cais am y cwrs. Gofynnir am ddau eirda a bydd pob ymgeisydd yn cael ei gyfweld. Os nad yw ymgeiswyr yn cwrdd â'r meini prawf mynediad arferol yna gellir ystyried gwybodaeth ychwanegol e.e. profiad gwaith a thystiolaeth arall o'r gallu i astudio ar lefel Meistr.

Sut i Wneud Cais:
Dylid gwneud ceisiadau am y cwrs hwn yn uniongyrchol i'r brifysgol trwy ein cyfleuster hunanwasanaeth. Am wybodaeth bellach ewch i'n tudalennau Sut i Wneud Cais: www.cardiffmet.ac.uk/howtoapply.

Os oes gennych ddiddordeb mewn defnyddio credyd gan sefydliad arall, neu os ydych wedi ennill cymwysterau a / neu brofiad i astudio ar gyfer cwrs ym Met Caerdydd, gallwch ddod o hyd i ragor o wybodaeth am hyn ynghyd â gwybodaeth ar sut i wneud cais ar y dudalen Cydnabyddiaeth o Ddysgu Blaenorol.

Ffioedd Dysgu a Chefnogaeth Ariannol: 
I gael y wybodaeth ddiweddaraf am ffioedd dysgu a'r gefnogaeth ariannol a allai fod ar gael. Ewch iwww.cardiffmet.ac.uk/fees. 

Ffioedd rhan-amser:
Codir y taliadau fesul Modiwl Unigol oni nodir yn wahanol:
Israddedig = 10 Credyd; Ôl-raddedig = 20 Credyd

Yn gyffredinol, bydd y mwyafrif o fyfyrwyr yn cwblhau 60 credyd y flwyddyn ar gyfer astudiaethau Israddedig ac Ôl-raddedig; i gael gwir bris, cysylltwch â Chyfarwyddwr y Rhaglen yn uniongyrchol.

Ar gyfer ymholiadau cyffredinol, cysylltwch â’r Tîm Derbyn ar 029 2041 6044 neu e-bostiwch askadmissions@cardiffmet.ac.uk.

Ar gyfer ymholiadau sy’n benodol i’r cwrs, cysylltwch â: Dr Tina Alwyn
talwyn@cardiffmet.ac.uk