Cwestiynau Cyffredin

Gall y broses fod yn  fuddiol i'r rhai sydd:

• Wedi elwa o ddysgu anffurfiol (arbrofol) sylweddol ac sy’n meddu ar rai cymwysterau ffurfiol

• Yn edrych i ail hyfforddi neu newid eu llwybr gyrfa

• Angen parhau â chwrs/rhaglen mewn sefydliad  gwahanol

• Yn dymuno ennill cydnabyddiaeth am sgiliau a enillwyd mewn gwaith (â thâl/yn ddi-dâl) neu weithgareddau hamdden

• Yn dymuno dysgu ar garlam er mwyn sicrhau bod hynny’n effeithiol o ran cost ac amser

• Am gael mynediad at raglenni academaidd i barhau â'u datblygiad proffesiynol a chymdeithasol

• Yn edrych am gydnabyddiaeth o safbwynt rhaglenni datblygu cyflogwyr/sgiliau cyflogaeth

• Yn edrych am gydnabodiaeth o arfer proffesiynol ar gyfer cyrff proffesiynol

• Wedi dychwelyd o dramor, neu’n fewnfudwyr, ffoaduriaid a cheiswyr lloches sydd am gadarnhau eu cymwysterau a gafwyd mewn gwledydd eraill

Gellir cydnabod dau fath o ddysgu blaenorol, yn ffurfiol ac yn anffurfiol.

I wneud cais am Drosglwyddo Credyd neu RPCL, dylid gwneud hynny naill ai drwy UCAS ar www.ucas.com ar gyfer rhaglenni Israddedig amser llawn, oni bai eich bod eisoes yn astudio ym Mhrifysgol Metropolitan Caerdydd, ac os felly bydd angen i chi wneud cais fel  trosglwyddiad mewnol.  Gwneir ceisiadau am raglenni ôl-raddedig a rhan amser drwy system ymgeisio ar-lein Hunanwasanaeth y Brifysgol.

I wneud cais am RPEL, mae angen i chi gofrestru buddiant yn gyntaf drwy'r Ffurflen Mynegi Buddiant ar-lein.  Os  cewch eich cynghori i wneud cais, bydd angen i chi lenwi'r Ffurflen Gais RPEL​.

Dyfarniad a roddir i ddysgwr er mwyn cydnabod cyflawniad canlyniadau dysgu dynodedig ar lefel benodol yw credyd.

Mae credydau yn galluogi cydnabod cyflawniadau bach gael yn ffurfiol a'u cronni ar gyfer cymwysterau.  Y fframwaith a ddefnyddir yw'r Fframwaith Credyd a Chymhwyster i Gymru (CQFW)​.  Mae swm y credyd a roddir yn seiliedig ar amcangyfrif o faint o amser dysgu fydd angen a chyfartaledd y dysgwr i gyflawni'r canlyniadau dysgu penodedig.  Mae un credyd (o fewn CQFW) yn cyfateb i ganlyniadau dysgu y gellir eu cyflawni mewn 10 awr o amser dysgu.

Dyfernir pwyntiau credyd ar lefelau penodol sy'n ymwneud â  blynyddoedd astudio e.e. 1, 2, 3 neu M (lefel Meistr). Mae 120 pwynt credyd ym mlwyddyn 1/lefel 4 yn cynrychioli blwyddyn gyntaf gradd israddedig.

Mae'r lefel yn ddangosydd o safbwynt  ymhlethdod a dyfnder y dysgu sy'n ofynnol.

Caiff unrhyw gredydau ECTS  a gyflawnir yn ystod eich astudiaethau drwy leoliad gwaith ERASMUS ei gydnabod gan Met Caerdydd, a’i restru ar eich trawsgrifiad gradd ar ôl ei dyfarnu.

Isod mae enghreifftiau o'r Credydau a ddyfarnwyd:

Caiff ffi ei chodi a’i rhoi gan y Cynghorydd RPL, ond bydd yn dibynnu ar faint ac ar fath y credyd y gwnaed cais amdano yn eich cais. Mae'r gost yn cynnwys:

• Amser cefnogi i gynorthwyo gyda'r cais RPL
• Amser i academydd asesu'r cais
• Costau gweinyddol

Bras amcan o gost modiwl 20 credyd yw £300.

Codir cost ychwanegol o £50 yr awr am gymorth pellach yn ôl yr angen.

Yn dibynnu ar y credyd y gwnaed cais amdano, gall y broses gymryd unrhyw beth wythnos neu ddwy hyd at 2 fis oherwydd faint o dystiolaeth y gofynnir amdano. Cytunir ar y cyfnod ar gyfer cwblhau popeth gyda'ch Cynghorydd RPL ar ddechrau'r broses.

Bydd angen i chi ddarparu tystiolaeth o gymwysterau pan ddyfernir credyd yn ogystal â’r dysgu a’r phrofiad a enillwyd drwy fyd gwaith, gweithgareddau gwirfoddol neu brofiadau bywyd eraill.
Er mwyn tystio i ddysgu drwy brofiad bydd angen i chi ddarparu portffolio sy'n adlewyrchu eich profiad a'r canlyniadau dysgu gofynnol ar gyfer y modiwlau.  Bydd hyn yn eich helpu i nodi'r sgiliau, y wybodaeth a'r ddealltwriaeth a ddatblygwyd yn sgil eich profiad, a’ch helpu hefyd i fynegi a chymhwyso'ch dysgu mewn ffordd y gellir ei hasesu ar gyfer credyd academaidd.   Cliciwch yma  i gael mynediad at dempled Canllawiau RPL a Phortffolio RPEL.

Os ydych chi'n Sefydliad neu'n Asiantaeth Hyfforddi sy'n dymuno sicrhau credyd ar gyfer eich gweithwyr yn seiliedig ar yr hyfforddiant a’r profiad a gafwyd yn y gweithle, cysylltwch â'r Ganolfan Dysgu Seiliedig ar Waith (CWBL): chead@cardiffmet.ac.uk. Ceir gwybodaeth bellach ar CWBL.