Blwyddyn Atodol Gofal Iechyd Cyflenwol - Gradd BSc (Anrh)

Cyflenwir cyfuniad o theori ac ymarfer drwy ystod o ddulliau addysgu ar draws y rhaglen yn cynnwys darlithoedd, tiwtorialau, gweithdai, dosbarthiadau ymarferol, tasgau grŵp a chyflwyniadau. Mae darlithwyr arbenigol sydd yn therapyddion profiadol yn cynnig modiwlau clinigol, tra bod darlithwyr eraill o'r Ysgol Gwyddorau Iechyd yn addysgu eu harbenigedd mewn ystod o fodiwlau academaidd cynorthwyol.

Ategir yr addysgu a’r dysgu ar lefel y rhaglen a’r modiwl gan lawlyfrau clir a chefnogol, y defnydd o Moodle (Rhith Amgylchedd Dysgu / VLE) a gan adborth amserol, adeiladol gan ddarlithwyr a thiwtoriaid.

Cynorthwyir myfyrwyr wrth iddyn nhw gwblhau eu traethodau hir gydag astudiaeth annibynnol dan gyfarwyddyd tra bod profiadau dysgu yn seiliedig ar waith yn gwella ac ymestyn eu hymarfer proffesiynol.

Cyd-gysylltwyd strategaethau addysgu a dysgu yn ofalus ar draws ystod o fodiwlau a themâu er mwyn datblygu sgiliau academaidd hanfodol yn llawn tra’n ymgorffori sgiliau ymchwil a chyflogadwyedd yn elfennau ymarferol a phroffesiynol y cwrs.

Ar y lefel hon o astudio, disgwylir i’r myfyrwyr arddangos sgiliau dysgu annibynnol. Disgwylir iddyn nhw fynychu dosbarth, clinig a lleoliad am tua 18 awr yr wythnos yn ystod Tymor 1 ac 11 awr yr wythnos yn ystod Tymor 2. Yn ychwanegol, mae 5 awr o oruchwyliaeth unigol ar gyfer eu prosiect ymchwil.

Mae asesu ar gyfer y flwyddyn hon yn cynnwys ystod o arholiadau ymarferol, astudiaethau achos, adroddiadau adfyfyriol, adroddiadau goruchwylydd lleoliad a chyflwyniadau unigol a grŵp. Cyflwynir y prosiect ymchwil ar ffurf papur ar gyfer cylchgrawn.

Ategir yr addysgu a’r dysgu ar lefel y rhaglen a’r modiwl gan lawlyfrau clir a chefnogol, y defnydd o Moodle (Rhith Amgylchedd Dysgu), a gan adborth amserol, adeiladol gan ddarlithwyr a thiwtoriaid. Mae myfyrwyr yn derbyn adborth ffurfiannol ar nifer o aseiniadau i dywys eu dysg tra bod cymorth academaidd ar gael gan staff y llyfrgell.

Elfen bwysig o'r flwyddyn atodol hon ydy datblygiad sgiliau proffesiynol ac ehangu profiad a ddarperir gan fodiwlau dysgu yn y gwaith.

Mae’r elfen lleoliad yn cynnig y cyfle i weithio mewn ystod o amgylcheddau, nifer ohonyn nhw mewn sefyllfaoedd clinigol, tra bod clinig y brifysgol yn caniatáu myfyrwyr i brofi pob agwedd o gynnal clinig aml-ddisgyblaethau.

Mae’r profiad hwn yn golygu y gall ein graddedigion gystadlu’n ffafriol yn y farchnad swyddi. Mae cyn-fyfyrwyr wedi cael cynnig cyflogaeth o ganlyniad i’w lleoliad gwaith neu sefydlu eu clinigau eu hunain gan cynnig cyflogaeth i raddedigion eraill, tra bod eraill wedi sefydlu eu busnes eu hun fel therapyddion.

Mae cyfle hefyd i barhau â’ch astudiaethau i lefel Meistr a thu hwnt drwy, er enghraifft, Rhaglen Meistr mewn Dulliau Ymchwil (MRes) ym Met Caerdydd. Mae hyn yn caniatáu myfyrwyr i ymestyn eu prosiect ymchwil ar agwedd o ofal iechyd cyflenwol.

Dylai fod gan pob ymgeisydd 5 TGAU yn cynnwys Saesneg iaith (neu Cymraeg Mamiaith) a Mathemateg* gradd C neu uwch / gradd 4 n eu uwch (ar gyfer ymgeiswyr sy’n meddu ar y TGAU diwygiedig yn Lloegr) ynghyd â'r canlynol:

• Rhaid i’r Radd Sylfaen neu HND mewn Therapïau Cyflenwol gynnwys modiwlau ar lefel 4 a 5 mewn tylino'r corff, adweitheg ac aromatherapi.
• Mae gofyn am sgôr o 6.5 IELTS (neu gyfwerth) lle nad Saesneg ydy'r famiaith

*Ar gyfer ymgeiswyr o Gymru sy’n sefyll arholiad diwygiedig Mathemateg TGAU, byddwn yn derbyn naill ai TGAU Mathemateg neu Mathemateg – Rhifedd.

Os ydych yn astudio cyfuniad o’r uchod neu os na restrwyd eich cymhwyster, cysylltwch â naill ai’r Adran Dderbyniadau neu gyfeirio at Chwiliad UCAS am Gyrsiau (UCAS Course Search). Mae rhagor o wybodaeth am ein gofynion mynediad, gan gynnwys cymwysterau o’r UE ar gael drwy glicio yma.

Rydyn ni hefyd yn croesawu ceisiadau gan fyfyrwyr yn meddu ar gymwysterau cyfwerth â’r uchod neu gan y rhai heb gymwysterau ffurfiol ond â phrofiad mewn maes perthnasol. Ar gyfer ymgeiswyr sydd ond yn cymryd 2 bwnc Lefel A neu gyfwerth, caiff hyn ei ystyried ynghyd â gweddill y proffil academaidd ac efallai y cynigiwn gynnig wedi’i raddio yn hytrach na defnyddio Tariff UCAS.

Mae mynediad i’r rhaglen hon hefyd yn dibynnu ar wiriad boddhaol y Gwasanaethau Datgelu a Gwahardd. Ceir rhagor o fanylion am weithdrefnau gofynion troseddol yma.​

Ymgeiswyr Rhyngwladol
Bydd rhaid i fyfyrwyr lle nad Saesneg ydy eu mamiaith ddarparu tystiolaeth o safon rhugledd 6.0 IELTS o leiaf neu gyfwerth. Am fanylion llawn ar sut i wneud cais a chymwysterau iaith Saesneg, ewch i’r tudalennau rhyngwladol ar y wefan.

Gweithdrefnau Dethol:
Dewisir fel arfer ar sail cais cyflaen UCAS a lle bo’n berthnasol ar gyfweliad.

Sut i Wneud Cais:
Dylid gwneud cais am y cwrs hwn ar-lein i UCAS ar www.ucas.com . Am ragor o wybodaeth, ewch i’n tudalennau Sut i Wneud Cais.

Cydnabod Dysgu Blaenorol (RPL) a Throsglwyddo Credydau i flwyddyn 2 a 3
Os oes diddordeb gyda chi mewn trosglwyddo credydau o sefydliad arall i astudio ym Met Caerdydd am gwrs sy’n derbyn mynediad ar gyfer blwyddyn 2 a/neu 3 cewch ragor o wybodaeth am hyn a sut i wneud cais ar y dudalen RPL. Cysylltwch â’r Adran Dderbyniadau  os oes gennych unrhyw ymholiad am Gydnabod Dysgu Blaenorol.

Myfyrwyr aeddfed
Ymgeisydd aeddfed ydy unrhyw un sydd dros 21 oed nad aeth i brifysgol ar ôl gadael yr ysgol neu goleg. Mae Met Caerdydd yn croesawu ceisiadau gan ymgeiswyr aeddfed a cheir cyngor a gwybodaeth bellach yma.

Am ymholiadau cyffredinol cysylltwch â’r Tîm Derbyniadau ar 029 2041 6044 neu anfon e-bost at askadmissions@cardiffmet.ac.uk.

Ar gyfer ymholiadau penodol i’r cwrs, cysylltwch â:
E-bost: Jduffy@cardiffmet.ac.uk
Ffôn: 02920 205672