Newyddion | 3 Rhagfyr 2024
Mae Ysgol Gelf a Dylunio Prifysgol Metropolitan Caerdydd wedi lansio ystod o gyrsiau byr, newydd, gyda’r nos ac ar benwythnosau a fydd yn dechrau ym mis Ionawr 2025.
Yn agored i bob gallu, mae’r cyrsiau byr yn gyfle i fireinio sgiliau yn y stiwdio a gweithleoedd proffesiynol y Brifysgol. Mae’r cyrsiau’n addas ar gyfer dechreuwyr, yn ogystal ag artistiaid a dylunwyr o bob gallu.
Mae cyfanswm o ddeg cwrs i ddewis ohonynt, gan gynnwys crochenwaith a phaentio, lluniadu, ffotograffiaeth a chyrsiau gwnïo, a fydd i gyd yn cael eu cynnal yn ystod tymor y Gwanwyn.
Gellir archebu’r cyrsiau canlynol nawr:
- Cyflwyniad i Arlunio, Dydd Mercher o 22 Ionawr 2025
- Lluniadu Bywyd, Dydd Mawrth o 21 Ionawr 2025
- Dŵdl Hawdd – Cwrs Ymwybyddiaeth Ofalgar Niwrograffig Creadigol, Dydd Sadwrn 5 Ebrill 2025
- Peintio’r Ffigur Dynol, Dydd Sadwrn 1 a Dydd Sul 2 Chwefror 2025
- Cyflwyniad i Baentio Acrylig, Dydd Llun o 20 Ionawr 2025
- Llif Creadigol – gydag Acrylig, Gludwaith a Chyfrwng, Dydd Iau o 23 Ionawr 2025
- Gwneud Printiau Colograff, Dydd Llun o 20 Ionawr 2025
- Lleihau Argraffu Linocut, Dydd Mawrth o 21 Ionawr 2025
- Gwnïo eich dillad eich hun – gwneud dillad, Dydd Llun o 27 Ionawr 2025
- Penwythnos i Ddysgu Gwnïo (â llaw a pheiriant), Dydd Sul o 12 Ionawr 2025
Dywedodd Dr Bethan Gordon, Deon yr Ysgol Gelf a Dylunio ym Met Caerdydd: “Mae cyrsiau byr Ysgol Gelf a Dylunio Caerdydd yn rhedeg drwy gydol y flwyddyn ar ein campws yn Llandaf ac maent wedi’u cynllunio i weddu i bob dysgwr. Does dim ots os ydych chi’n artist neu’n ddylunydd profiadol, yn ystyried dychwelyd i Addysg Uwch a pharatoi eich portffolio, neu’n awyddus i ddysgu sgil newydd – mae rhywbeth at ddant pawb.
“Bydd unrhyw un sy’n cymryd rhan ar y cyrsiau’n cael cyfle i ddysgu gan ein tiwtoriaid profiadol, gan weithio yn rhai o’r mannau stiwdio ardderchog sydd ar gael yn Ysgol Gelf a Dylunio Caerdydd, ochr yn ochr â dysgwyr o’r un anian.”
Mae’r holl gyrsiau ar gael i
archebu nawr. Mae rhagor o wybodaeth ar gael ar dudalen we Prifysgol Metropolitan Caerdydd.
