Ymgeisiwch am hyd at £250 i ddatblygu eich hun neu eich syniad.
Rydym yn cynnig cyfle gwych i chi ddatblygu fel gweithiwr llawrydd, cychwyn neu dyfu eich busnes, neu gymryd y cam nesaf tuag at yrfa entrepreneuraidd.
Mae Cronfa Fflach EntAct yn gronfa gystadleuol a fydd yn helpu i droi eich syniad busnes yn realiti neu fynd â sefydliad neu fusnes sydd eisoes yn bodoli i'r lefel nesaf! Mae’r ceisiadau’n agored i holl fyfyrwyr a graddedigion diweddar Met Caerdydd sydd wedi’u lleoli yn y DU nad ydynt wedi derbyn cyllid yn y gorffennol.
Gall y Gronfa Fflach gefnogi ystod o eitemau, cyhyd â'i fod yn rhywbeth a fydd yn amlwg yn eich helpu chi, eich busnes neu eich syniad i ddatblygu. Dyma enghreifftiau:
Cyfarpar
Deunyddiau marchnata neu gostau hysbysebu
Gweithgareddau ymchwil i'r farchnad
Cyrsiau i ddatblygu sgiliau penodol sy'n berthnasol i'ch busnes
Cyfleoedd profi masnach fel arddangosfeydd, stondinau marchnad a sioeau masnach
Cyfleoedd rhwydweithio fel cynadleddau, digwyddiadau ac aelodaeth o gyrff/sefydliadau proffesiynol
Cyngor ar nodau masnach neu ddiogelwch eiddo deallusol arall
I ymgeisio, gwnewch gais trwy
CanolbwyntMet.
Bydd angen i chi lanlwytho Dogfen Fusnes Un Dudalen.
Dylai hyn fod tua 1 ochr o bapur A4 a dylai gynnwys digon o wybodaeth i ni ddeall eich busnes. Dydyn ni ddim yn disgwyl tudalen o destun, yn hytrach, gwnewch i’ch tudalen edrych yn ddiddorol. Os nad ydych chi wedi ysgrifennu tudalen debyg o’r blaen, dilynwch y canllawiau hyn ar yr
edrychiad a'r canllawiau hyn ar beth i'w
gynnwys. Dylai eich Dogfen Fusnes Un Dudalen fod yn rhywbeth sydd gennych wrth law rhag ofn y bydd rhywun am gael gwybod mwy am eich busnes. Dylai gynnwys:
Trosolwg o'ch busnes/syniad
Enw eich busnes a dolenni i unrhyw wefan/cyfrifon cyfryngau cymdeithasol
Eich cynulleidfa darged
Pa gynnydd ydych chi wedi’i wneud hyd yn hyn
Beth fyddwch chi’n ei wneud nesaf
Beth sydd ei angen arnoch i gyflawni hyn
Gallwn dderbyn Dogfennau Word neu PDF.
Rydyn ni eisiau gweld ffyrdd creadigol ac arloesol o gyflwyno'ch syniad, felly gadewch i'ch dawn greadigol lifo ar y dudalen. Dyma gyfle i chi gyflwyno'ch syniad yn weledol gystal ag y gallwch chi!
Os oes angen help arnoch gyda hyn, beth am ddod i'n
gweithdy ar y 25ain Ebrill?
Rheolau
Rhaid i'ch cais gynnwys y wybodaeth ganlynol:
Eich enw (ac enw unrhyw un arall sy'n ymwneud â'r busnes)
Enw'r busnes neu’r fenter gymdeithasol
A ydych chi wedi dechrau masnachu eto ac, os ydych, ers pryd
Faint o arian rydych chi am gynnig amdano (uchafswm o £250)
Beth fyddwch chi’n defnyddio’r arian ar ei gyfer
Rhaid i'r cais fod yn Ddogfen Fusnes Un Dudalen
Rydym yn annog ceisiadau tîm, ac os oes o leiaf ddau aelod o’r tîm yn fyfyrwyr neu’n raddedigion cymwys o Met Caerdydd, byddwn yn dyblu eich Cronfa Fflach i £500.
Os yw’r eitem/gweithgarwch rydych chi am ei gyllido dros £250 ar gyfer unigolyn neu £500 ar gyfer tîm. Efallai y gallwn gynnig arian cyfatebol i chi, er enghraifft os yw’r eitem yn £300 gallem dalu £250 tuag ati a byddech chi’n cyfrannu’r £50 arall. Os ydych chi’n chwilio am arian cyfatebol ar gyfer eitem sy’n costio mwy, nodwch hynny yn eich cais.
Oni bai ei fod ar gyfer prototeipio neu brofi masnach, ni allwn ariannu cost stoc neu ddeunyddiau crai ar gyfer eich busnes.
Rhaid i'r busnes fod yn gyfreithiol ac yn foesegol ac ni ddylai ddwyn anfri ar y Brifysgol.
Os byddwch chi'n llwyddo i sicrhau buddsoddiad y Gronfa Fflach, rhaid i chi hawlio/gwario'r arian heb fod yn hwyrach na 30 diwrnod o'r dyddiad y byddwch chi'n derbyn ein neges e-bost yn cadarnhau'r buddsoddiad.
Os ydych chi wedi ennill cyllid drwy’r Ganolfan Entrepreneuriaeth yn y gorffennol, nid ydych yn gymwys mwyach ar gyfer y Gronfa Fflach.
Mae’r Gronfa Fflach yn agored i unrhyw fyfyriwr Met Caerdydd sydd wedi’i leoli yn y DU ac unrhyw raddedig Met Caerdydd a astudiodd yn y DU a raddiodd yn 2023.
Meini prawf beirniadu
Bydd eich cais yn cael ei farnu yn unol â'r meini prawf canlynol (gyda phwysoliad cyfartal ar gyfer pob un):
Eglurder gwerth buddsoddiad- mae angen i'ch cais ddangos yn glir sut y bydd y buddsoddiad o fudd i'ch busnes ac yn ei helpu i symud ymlaen.
Eglurder cais a syniad busnes- rhaid ysgrifennu'ch cais yn glir a rhaid egluro'ch syniad busnes mewn modd cryno sy'n hawdd ei ddeall.
Cywirdeb gwybodaeth ariannol a gwerth am arian- mae angen i'ch cais ddangos eich bod wedi ymchwilio i'ch costau yn briodol ac wedi ystyried gwerth am arian wrth edrych i mewn i gostau.
I ymgeisio, gwnewch gais trwy CanolbwyntMet.
Os oes gennych unrhyw gwestiynau, cysylltwch â
entrepreneurship@cardiffmet.ac.uk