Cydweithio â ni

Mae nifer o wasanaethau ar gael i fusnesau trwy Met Caerdydd, gan gynnwys:

• Mynediad i'r cyfleusterau diweddaraf — gallwn eich rhoi mewn cysylltiad â'r staff perthnasol i drefnu i chi ddefnyddio ein cyfleusterau arbenigol sy'n cynnwys FabLab , Y Ganolfan Genedlaethol ar gyfer Dylunio Cynnyrch ac Ymchwil Datblygu (PDR); Canolfan Diwydiant Bwyd ZERO2FIVE a'r Ganolfan Athletau Dan Do Genedlaethol (NIAC). Os ydych eisiau cynnal cynhadledd neu ddigwyddiad yma ym Met Caerdydd, gall ein tîm Gwasanaethau Cynhadledd a Lletygarwch eich helpu i archebu ein hystafelloedd a'n gwasanaeth arlwyo.
• Entrepreneuriaeth / Cymorth Cychwyn Busnes —Gall y Ganolfan Entrepreneuriaeth gynnig gwybodaeth am entrepreneuriaeth a chymorth Cychwyn Busnes.
• Hyfforddiant a datblygiad proffesiynol — Gall y Ganolfan Dysgu Seiliedig ar Waith ddod ag addysg brifysgol i'r gweithle.
• Cyfleoedd i Fyfyrwyr a Graddedigion — Mae yna gyfleoedd ar gyfer lleoliadau gwaith o fewn eich busnes ac mae ein Gwasanaethau Gyrfaoedd yn cynnig rhagor o wybodaeth berthnasol i gyflogwyr.
  
  Gall y tîm hefyd gysylltu â chi i nodi'r unigolyn neu dîm academaidd a all weithio gyda'ch cwmni ar y meysydd canlynol:

• Gwasanaethau marchnata a busnes
• Datblygu Cynnyrch Newydd
• Ymchwil a datblygu
• Dylunio, prototeipio a swp-gynhyrchu
• Trosglwyddo gwybodaeth

Gall cael y cyngor cywir wneud byd o wahaniaeth rhwng llwyddo neu fethu. Yma ym Mhrifysgol Metropolitan Caerdydd mae gennym arbenigedd sy'n cwmpasu lliaws o ddiwydiannau a all eich helpu i ddatblygu eich busnes gyda datrysiadau wedi'u teilwra ar eich cyfer drwy brosiectau ymgynghori a datblygu.

Mae gweithio gyda Met Caerdydd fel gwasanaeth ymgynghori yn ffordd wych o ddatblygu perthynas a gwella'ch prosesau, eich cynhyrchion a'ch gwasanaethau. Gall ein pobl academaidd ar draws pum ysgol y Brifysgol a'n hunedau masnachol gefnogi busnesau drwy ddefnyddio’r arbenigedd sydd ganddynt i fynd i'r afael ag ystod amrywiol o heriau. Dim ond un o'r prif lwybrau ar gyfer trosglwyddo gwybodaeth yw ymgynghori – mae’n cyflwyno buddion busnes go iawn sy'n tarddu o'n cryfderau ymchwil.

Sut y gall Gwasanaethau Ymchwil a Menter helpu​

Gall tîm y Gwasanaethau Ymchwil ac Arloesi  (RIS) nodi'r arbenigedd academaidd sydd ei angen arnoch chi. Gweler rhai o’r meysydd y gall RES a'n pobl academaidd eich helpu chi â nhw isod:

• ​Datblygu cynnyrch a/neu wasanaeth newydd
• Ymchwil a datblygiad
• Gwaith dadansoddi, profi a dilysu
• Cyflenwi cyngor a barn arbenigol
• Astudiaethau dichonoldeb a chwmpasu
• Ymchwil i’r Farchnad
• Mapio ffyrdd technoleg
• Dylunio, prototeipio a swp-gynhyrchu 

Os yw eich busnes yn wynebu her sy'n gofyn am wybodaeth nad yw'n bodoli eto, efallai y gall unigolyn academaidd o Met Caerdydd eich helpu i symud ymlaen drwy wneud gwaith ymchwil perthnasol ar eich rhan. Gall ein tîm yn y Gwasanaethau Ymchwil ac Arloesi  (RIS) nodi’r arbenigedd academaidd sydd ei angen arnoch a rhoi’r broses ar waith.

Mae nifer o gyfleoedd a ariennir ar gael sy’n amrywio o brosiectau cenedlaethol a rhyngwladol a ariennir, o ymchwil pur i fusnes sy’n ennyn gwaith ymchwil. Caiff y cynlluniau hyn eu hariannu’n bennaf drwy sefydliadau llywodraethol ac elusennau, ond hefyd drwy gyfleoedd cyllido mewnol yma ym Met Caerdydd. Trwy gydweithredu â busnesau gallwn sicrhau cyllid o'r cynlluniau hyn.

Dyma nifer o gyfleoedd cyllido i chi eu hystyried:

​​Rhaglen Partneriaethau Academaidd-Diwydiannol Prifddinas-Ranbarth Caerdydd

Dan arweiniad Prifysgol De Cymru, mewn cydweithrediad â Phrifysgol Caerdydd a Phrifysgol Metropolitan Caerdydd, bydd y rhaglen yn hwyluso datblygiad cynhyrchion, gwasanaethau, technolegau, neu brosesau newydd neu well, gan feithrin arloesedd a thwf economaidd o fewn y rhanbarth trwy gyllid wedi'i dargedu. I gael rhagor o wybodaeth am y rhaglen a'i nodau, cliciwch yma.

Os hoffech fynegi diddordeb mewn cymryd rhan yn y rhaglen, llenwch y ffurflen Mynegi Diddordeb yma, neu cysylltwch ag aelod o’r tîm ar cdgp.aip@southwales.ac.uk

Yr arbenigedd sydd ar gael:

Mae ystod o arbenigedd a chymorth ymyrraeth ar gael ar draws y tri sefydliad partner academaidd. Bydd prosiectau'n cael eu halinio â'r ganolfan a'r sefydliad academaidd perthnasol yn seiliedig ar yr adnoddau sydd ar gael a'r gallu i gefnogi'r gwaith o gyflawni prosiectau bryd hynny. Gweler PD​​R​ am enghreifftiau o'r cymorth y gall Prifysgol Metropolitan Caerdydd ei gynnig.​​

​Partneriaethau Trosglwyddo Gwybodaeth (KTP)

Partneriaeth rhwng cwmni, prifysgol a myfyriwr graddedig (Cydymaith) yw KTP. Mae’r bartneriaeth yn gweithio gyda'i gilydd i gyflawni prosiect strategol ar gyfer y busnes na fyddai'r cwmni'n gallu ei wneud heb y wybodaeth a'r arbenigedd a ddarperir gan y Brifysgol. I gael rhagor o wybodaeth am KTPs dilynwch y ddolen isod:

Partneriaethau Trosglwyddo Gwybodaeth

Pwy all wneud cais? Cwmnïau mawr a bach.

Partneriaethau SMART

Mae Partneriaethau SMART yn cynnig help ariannol i brosiectau cydweithredol ac arloesol sydd angen help arbenigwyr arnyn nhw i dyfu, i fod yn fwy cynhyrchiol ac yn fwy cystadleuol.

Nod Partneriaethau SMART yw cefnogi prosiectau cydweithredol, gyda phwyslais clir ar wella capasiti a gallu busnesau Cymru i ddatblygu gweithgareddau ymchwil a datblygu trwy eu cysylltu â chyrff ymchwil ac â chynorthwyydd i'w helpu i weithio ar brosiect penodol sy'n datblygu gwasanaeth, cynnyrch neu broses newydd, a hynny’n unol ag Arbenigo Craff.

Gwahodd ceisiadu am Bartneriaethau SMART

Cyllid Ewropeaidd ar gyfer Ymchwil a Menter

Gall tîm Swyddfa Ewropeaidd y Gwasanaethau Ymchwil a Arloesi weithio gyda chi i nodi unrhyw gyllid Ewropeaidd sydd ar gael ar gyfer cydweithio.  I gael gwybod sut y gallwn eich helpu, cysylltwch â Rae DePaul ​

Pwy all wneud cais? Cwmnïau mawr a bach yn dibynnu ar y cyllid.

Rydym yn cydnabod y gall y gost ariannol i fusnesau bach a chanolig o gynhyrchu syniadau, technolegau a phrosesau newydd i sicrhau mantais gystadleuol fod yn uchel. Mae Met Caerdydd yn cynnig ystod o gynlluniau i fusnesau bach a chanolig i yrru eu busnes yn ei flaen. Rydym yn deall y gallai fod gennych gynlluniau ar gyfer twf ond yn ei chael hi'n anodd dod o hyd i'r math cywir o gymorth busnes, neu ddod o hyd i’r bobl sydd â'r sgiliau cywir. Gweler isod rai ffyrdd y gallwn ni helpu:

Gwasanaeth Ymgynghori

Cysylltwch â'r Tîm Busnes

Hyfforddiant i'ch staff

Gall y Ganolfan Dysgu Seiliedigar Waith weithio gyda chi i nodi’r hyfforddiant sydd ei angen arnoch chi a'ch staff. Maen nhw'n canolbwyntio ar ddatblygu'r gweithlu drwy ddatrysiadau dysgu cymhwysol ac ymarferol y gellir eu teilwra i'ch anghenion.

Cyllid Innovate UK

Mae nifer o gyfleoedd cyllido ar gael i fusnesau bach a chanolig trwy Innovate UK gyda rhai cynlluniau wedi'u targedu'n benodol at fusnesau bach a chanolig. Mae'r cynlluniau sydd ar gael yn cynnwys talebau Arloesedd, Partneriaethau Trosglwyddo Gwybodaeth, Cystadlaethau a mwy, gellir gweld rhestr lawn o'u cyfleoedd cyllido yma:

- Tudalen gyllido Innovate UK​

Gweithio gyda'n myfyrwyr

Manteisiwch o hyfforddiant a syniadau ein hisraddedigion, ôl-raddedigion a graddedigion diweddar trwy nifer o gynlluniau yma ym Met Caerdydd. Mae rhagor o wybodaeth ar gael ar ein tudalennau Gwasanaethau Gyrfaoedd.

Defnyddiwch ein cyfleusterau​

Gall busnesau bach a chanolig ddefnyddio ein gwasanaethau cynhadledd a lletygarwch; defnyddio ein hunedau masnachol a llogi ein labordai.

Cymorth Arloesedd a Dylunio Busnes

Gall Met Caerdydd gael cyllid gan Lywodraeth Cymru ar gyfer ein Canolfan Ddylunio ac Ymchwil

Ryngwladol (PDR) er mwyn ysgrifennu adroddiadau ar gyfer busnes, yn benodol, adroddiadau dylunio sy’n canolbwyntio ar wasanaeth neu ddefnyddiwr, a all ychwanegu gwerth i'ch cwmni. ​