/e:
mharrison@cardiffmet.ac.uk
t: 029 20416742
Meysydd Pwnc Arbenigol
- Brodwaith peirianyddol
- Ffurfiau pellach o addurniadau peiriant
- Meddalwedd pwyth digidol a pheiriannau brodwaith cyfrifiadurol
- Peiriannau dyrnu nodwydd (ffeltio) brodwaith 3D
- Trin ffabrig - 2D a 3D
- Brodwaith llaw a gleinwaith
- Gweithio gyda ffabrigau, edafedd ac edafedd arbenigol
Cymwysterau
BA (Anrh) Tecstilau (Brodwaith)
Cyflwyniad i Dystysgrif Addysgu
Bywgraffiad
Mae Maggie wedi gweithio fel Arddangoswr Technegol yn Ysgol Gelf a Dylunio Caerdydd ers 2001. Mae ganddi radd mewn Tecstilau o Brifysgol Canol Lloegr, lle bu'n arbenigo mewn Brodwaith, ac mae ganddi dros ugain mlynedd o brofiad mewn ystod eang o sgiliau gwnïo. Mae wedi ymgymryd ag amrywiaeth o gomisiynau, o ddylunio dillad priodas i adfer allor wedi'i niweidio'n wael, ac yn ei hymarfer presennol mae ei gwaith yn canolbwyntio'n bennaf ar drin ffabrig a dylunio brodwaith digidol.
Prif Gyhoeddiadau, Arddangosfeydd a Gwobrau
Mae Maggie yn gydlynydd Prosiect Cwiltiau Noddedig Mamau Affrica sy'n codi arian ar gyfer menywod yn Affrica Is-Sahara sydd â mynediad gwael iawn at ofal iechyd yn ystod beichiogrwydd. Mae'r prosiect yn cynnwys creu sgwariau ffabrig unigol sydd wedyn yn cael eu gwnïo at ei gilydd i wneud cwiltiau hardd. Mae llawer o'r cwiltiau hyn wedi cael eu harddangos yn lleol, ac mae eraill wedi cael eu cynnwys mewn raffl i godi arian i'r elusen. Mae rhai o'r cwiltiau hefyd wedi'u rhoi i Ysbyty Dosbarth Chongwe yn Zambia, lle mae prif waith yr elusen yn canolbwyntio. Mae'r prosiect yn agored i bawb, beth bynnag fo'u hoedran, gallu neu leoliad, ac mae'n croesawu cyfranogwyr unigol a grŵp (e.e. ysgolion, colegau, grwpiau crefft a thecstilau).
Ymwelodd Maggie hefyd â Zambia gyda'r elusen yn 2014. Gan weithio ym mhentref anghysbell Shiyala, cymerodd dri pheiriant gwnïo trydan a dysgu'r menywod lleol sut i'w defnyddio. Y flwyddyn ganlynol, comisiynwyd y menywod i gynhyrchu gwisgoedd ysgol ar gyfer yr ysgol wladol agosaf. Yn fwy diweddar defnyddiwyd y peiriannau hefyd i wneud masgiau wyneb yn ystod y pandemig.
Ewch i
www.moaquilt.wordpress.comi gael mwy o wybodaeth.
