Mae Chwaraeon Met Caerdydd yn cynnig amrywiaeth o academïau chwaraeon i blant 5 oed a hŷn. Mae pob academi yn rhedeg dros gyfnod o wyth i ddeuddeg wythnos yn ystod y tri thymor ysgol. Mae pob academi yn cael ei rhedeg o dan gyfarwyddyd ein hyfforddwyr chwaraeon cwbl gymwys (sydd wedi cael archwiliad gan y Gwasanaeth Datgelu a Gwahardd).
Dyddiadau tymor - Canllaw yn unig yw hwn, gall dyddiadau amrywio ar gyfer gwahanol academïau:
- Mis Medi i fis Rhagfyr
- Mis Ionawr i fis Mawrth
- Mis Ebrill i fis Mehefin
Mae Met Caerdydd yn gweithredu strwythur academi yn y chwaraeon unigol. Mae'r strwythur hwn yn caniatáu ar gyfer datblygiad parhaus ym mhob camp, o lefel sylfaenol i ben elitaidd y sbectrwm.
Trwy'r academïau hyn bydd plant yn cael cyfle i symud ymlaen trwy lwybr datblygu strwythuredig o dan gyfarwyddyd cyfarwyddwr chwaraeon yr academi o'u dewis.
Mae Chwaraeon Cymru wedi cydnabod ansawdd y rhaglenni datblygu hyn trwy ddyfarnu gwobr Sportsmatch i bob academi sydd wedi'i hanelu'n benodol at ddatblygu adran sylfaenol pob academi.
Rhybudd Cwsmer:
Gall y maes parcio ar Gampws Cyncoed fod yn brysur iawn. Rydyn ni'n argymell gadael digon o amser i barcio cyn cyrraedd am weithgaredd. Os bydd y prif faes parcio yn llawn, cofiwch fod y maes parcio gorlif hefyd ar gael. Mae cyfarwyddiadau i'r maes parcio gorlif yn y ddolen isod ynghyd â'r llwybr cerdded o'r maes parcio i dderbynfa NIAC. Gofalwch dalu ac arddangos os byddwch yn parcio am fwy nag ugain munud.
